《台湾谚语咸酸甜》

 | | | 转寄

人hán，tòe人hán；人娶娘，我娶kán

作者 Lahjih 2007.07.15

老江--ē!最近买啥么股？看你嘴笑目笑，满面春风，趁bē少ê款--ô͘！

a̍h有？ah-to「人hán，tòe人hán；人娶娘，我娶kán」，tòe洪大--ē买两三支啦，人洪大--ē资金粗，看会光thang，算会准，chit摆买电电股，连起一礼拜，今á日涨停板，m̄趁beh归百万，我--ò͘，赚这7.所费á，比薪水无卡输啦！ah你leh？

我？我kap你无仝款，看报纸，分析股市，看有稳--è才加减买--两张à，m̄敢伤冒险，趁是无外chē，不过卡放心，心肝卡bē tòa-hia phòng--一下naih--一下。Tòe大户有tòe大户ê好处，就亲像你讲--è:「人hán，tòe人hán；人娶娘，我娶kán」，分一屑á肉幼á，mā bē-bái孔。m̄-kú若是tòe tio̍h人leh炒作，炒bē khit来ê时阵，跌停板敢会hō͘你套牢bē翻身！

Phúi.phúi.phúi！大妗嘴，乌鸦嘴，无讲mai3thih8，见讲就无好代志。

人tng-leh趁，你soahlehka7人泼冷水，虽然是真理，人mā m̄听你，莫怪chín ê时代，chín ê社会，人人都leh炒股票，iáu m̄是「人hán，tòe人hán；人娶娘，我娶kán」，chhōe几个真正了解股市leh做正式投资，hán hán hoah hoah ê生理卡闹热，ioh来ioh去有起有落ê市场卡精彩。

【注解】： 1.hán：hán。 2.光thang：透明清楚。 3.涨停板：tiòng-thêng-pán。 4.phòng：[凸]。 5..naih:[凹]。 6.分一屑á肉幼á：[分一杯羹]。 7.mā bē-bái孔：[也不错]。 8.Phúi.phúi.phúi！：[呸呸呸]。 9.大妗嘴，乌鸦嘴：出嘴无好话ê意思。 10.tng-leh趁：[正在赚]。 11.kán：kán婢女。