《台湾另类牧师．医师―谢纬》

 | | | 转寄

序三 ： 走chhoē台湾典范人物

作者 陈金兴 2011.05.29

tī久长ê年代中，谢纬，这位台湾基督教史上bē-tàng欠缺ê牧师，我无印象；谢纬，这位为着救人ê性命煞牺牲家己ê医师，我也无印象。直到九○年代，因为王金河医师对乌脚病ê贡献，才(chiah)知谢纬这个名，也开始刻tiâut tī我ê头脑内。 2004年秋，我真福气到长荣大学筹设台湾研究所，较有机会去了解由(tùi)外国长老教会来ê宣教与医疗史事，对hiah-ê长期为贫苦人民、歹命病人无私忘我奉献ê真多教会人物，由(tùi)心底发出深深ê敬佩与怀念。

台湾研究所第一届研究生陈金兴先生，少年ê时曾(bat)受谢纬家族in之照顾，且(koh)亲自感受谢纬ê身教。所以，伊就决心选择要写关系谢纬ê书，就是后来完成ê《谢纬与台湾医疗宣教》硕士论文，呈现一般论文所欠缺ê真实kap亲切感，我深受感动。尤其使我欢喜ê，是无偌久伊复(koh)将论文改写做这本通俗性ê谢纬传记，会得thang将台湾人ê典范绍介予社会大众，这是咱这世人迫切ài做ê人生功课。

解严到今二十外年中，台湾主体性ê文教推展，路途坎坷(kham-khia̍t)，无一项会比建立典范人物以及传承ê代志chiah-nih 艰难。清治以前ê封建旧社会，台湾ê典范人物是雾雾无清与分歧的。二十世纪起，新殖民主义与新思潮ê交集，使具有现代意义ê台湾人ê典范渐渐兴起。 M̄-kú外来统治者不断粗残teh消灭及扭曲台湾ê典范人物，soah致使台湾人独立自主ê精神史，难(oh)得串联。我tiāⁿ-tiāⁿ 与朋友作伙ê时，无论熟识抑是无熟识ê，拢劝in写家己或别人ê见闻或传记。只有记录起来,才有存在；只有写出来，才有历史ê发言权；tī市面上可看着关系台湾人典范ê传记实在siuⁿ少。痛心来讲，tī媒体、文教体制受人绑架ê状况下，台湾人差不多无好人，可做典范者ê，koh-khah少。

金兴年过半百， 才去读长荣大学台湾所，名义上是我ê学生，年龄也差bē少，总是我kā伊当做我值得学习ê朋友。伊言谈朴实、气度温良，对台湾ê情感有料想bē-tio̍h ê坚持，无惜放弃tī彰化长期英语教学ê工作，重新tńg去校园，投入台湾文化ê研究。我犹(iau)tī台湾师大ê时，伊就时常来台北参与有关我ê活动。了后，复来台南三年，开车奔波，对伊ê身体有较不(bōe)堪得。毕业了后，复完成这本《台湾另类牧师・医师―谢纬》。台湾今仔日面临空前ê危机，金兴努力又koh无放轻松ê累积，tú-á亲像伊所陈述ê，谢纬用五元美金ê信心，来打造台湾肺病疗养院仝款，目睭前又复是一片光明与希望。

适值谢纬牧师/医师过往四十周年前夕，我真荣幸书写金兴大作ê序文。tī纪念典范ê时刻，我期待tī名间乡车祸事故现场，ē-tàng竖(chhāi)一块「谢纬医师终焉之地」ê碑，予（hō͘）台湾人永远ê记忆。



― 长荣大学台湾研究所 讲座教授
庄万寿
2010年5月14日 凌晨 台北