《BONG报bong2选》

 | | | 转寄

「忘年会」kap「尾牙」是m̄是仝款？

作者 清水信一 2008.01.20

日本kap台湾lóng有庆祝新年ê惯势，所以这两个国家ê人lóng欢喜迎接新年。虽然日本kap台湾m̄是仝款ê国家，m̄-koh国民lóng有期待新年ê心情，所以无论是过年前 iah是过年后ê时chūn lóng有真chē差不多仝款ê活动。

日本用新历过节日，所以一月初一是日本ê新年。因为有「忘年会(Bounenkai)」，每年一下到十二月，上班族ê生活就变真无闲。「忘年会」是一种宴会，办这种宴会ê宗旨是「『忘掉』这一年ê辛苦烦恼 kap 用快乐ê心情迎接新ê一年」。

听着这个话ê时chūn，真chē台湾人是m̄是感觉日本ê「忘年会」 kap 台湾ê「尾牙」差不多仝款ê惯势？ Tio̍h！「忘年会」kap「尾牙」lóng是一种宴会，办这种宴会ê宗旨也是差不多仝款ê。

台湾ê「尾牙」是tī 农历过年前办ê，tī仝一间公司上班ê人家tàu-tīn参加这个宴会，互相感谢同事ê帮忙iah是安慰这一年ê劳苦。听到这阶段ê时chūn，大部分ê日本人是m̄是感觉「忘年会」kap「尾牙」亲像是仝款ê tāi-chì？M̄-tio̍h！看起来，日本ê「忘年会」 kap 台湾ê「尾牙」无jōa大ê差别，m̄-koh这两个国家ê过年活动有khah大ê差别，就是主办ê办法 kap 参加人ê感觉lóng无仝款。

因为台湾ê「尾牙」是公司ê头家主办ê,所以头家lóng付所有ê费用，参加ê人无需要出钱。M̄-koh日本ê「忘年会」是基本上参加ê人互相举办ê，所以大家分担「忘年会」ê费用。

台湾ê「尾牙」是一年只有举办一kái ê，m̄-koh日本ê「忘年会」无一定只办一回，有ê公司办真chē回。比如全公司办一回、公司内底ê每个部门办一回、仝款ê年度进公司ê人做伙办一回、 kap有关系ê公司做伙办一回等等。

对台湾人来讲，「尾牙」是非常期待ê活动，是无？ M̄-koh，对日本人来讲，「忘年会」无一定是欢迎ê活动。因为参加宴会ê人lóng需要lim酒，特别是参加公司ê活动就无法度拒绝lim酒，所以无欢喜lim酒ê人感觉年尾是非常辛苦ê时chūn。


(作者是日本人，台湾大学语文中心学生)