《台语荒漠甘泉（全罗版）》

 | | | 转寄

" Siōng-tè ê pù-ū kap khóng-khài"

作者 陈清俊 翻译 2008.07.27

listen


Chhit ge̍h jī-chhit (Chhit ge̍h jī-cha̍p-chhit ji̍t)

"Ēng chit-ê lâi chhì Góa, khòaⁿ Góa kó-jiân kā lín khui thiⁿ ê thang-á piàⁿ hok-khì hō͘ lín, kàu bô tè thang hē bô?" (Má-la̍h-ki 3:10)

Siōng-tè tī chit chat keng-bûn kóng, "Chhin-ài ê kiáⁿ-jî, góa iáu teh sú-iōng thiⁿ-téng ê thang-á, thang-á ê só iáu chhin-chhiūⁿ í-chêng hiah-nih iông-ī khui, bô siⁿ sian. Sū-si̍t-siōng, góa chin goān-ì phah-khui in piàⁿ hok-khì hō͘ lín, bô beh ka-kī lâu-teh. Góa bat ūi Mô͘-se phah-khui thang-á, chiong hái-chúi pun-khui, ūi Iok-su-a phah-khui thang-á, chiong Iok-tàn hô ê chúi thêng-chí lâu, tòng khí-lâi; Góa thè Ki-tiân phah-khui thang-á, hō͘ te̍k-kun tô-cháu; góa iā ōe thè lín phah-khui, chí su-iàu lín hō͘ góa án-ni chòe.

"Tī thang-á ê lāi-bīn, góa ê hè-chûn it-hiòng sī chin hong-hù. Chôaⁿ-chúi, khoe-chúi iáu-sī móa-móa, pó-chông-khò͘ iáu-sī chng móa lé-mi̍h. Su-iàu ê m̄-sī tī góa chit-pêng, sī tī lín hit pêng. Góa teh thèng-hāu lín 'lâi chhì góa', tān-sī lín pit-su si̍t-hêng góa só͘ tēng ê tiâu-kiāⁿ, 'tio̍h chiong eng-kai la̍p ê cha̍p-hun-chi-it, choân-jiân sàng-ji̍p hú-khò͘' (chham-khó Má-la̍h-ki 3:10), hō͘ góa hêng-tōng ê ki-hōe."

Góa éng-oán bōe bōe-kì-tit góa ê lāu-bú tùi Má-la̍h-ki tē 3 chiuⁿ tē 10 chat ê kán-bêng ê ì-gī. Hit chat keng-bûn khai-sí kóng, "tio̍h ēng cha̍p-hūn ê chi̍t-hūn oân-choân sàng-ji̍p hú-khò͘", kiat-bé sī "piàⁿ hok-khì hō͘ lín", chin chōe kàu bô tè thang hē. Chóng-sī góa ê lāu-bú kán-iàu án-ni kóng, "Siōng-tè só͘ iau-kiû ê, lóng-chóng hō͘ I, I èng-ún hō͘ lán ê, lóng-chóng kā chiap-siū."

Siōng-tè só͘ chòe ê, chhiau-kè lán só͘ kiû ê, sīm-chì chhiau-kè lán siōng tōa-táⁿ ê chhéng-kiû! Góa chòe-kūn teh siūⁿ góa m̄-chai ū jōa-chōe pái kî-tó hiòng I thê-chhut ê só͘-ū chhéng-kiû? Góa chhéng-kiû ê sī jōa-tōa? I ū kui-ê ê hái-iûⁿ ê chúi, góa chí chhéng-kiû chi̍t poe chúi; I ū kui-ê ê thài-iông ê kng, góa chí chhéng-kiû chi̍t sòaⁿ kng! Góa siōng hó siōng tōa ê iau-kiû iā bōe ta̍t kàu chhiau-chhut Thiⁿ-pē ê só͘ ōe sù ê lêng-le̍k. I ê lêng-le̍k chhiau-kè góa só͘ ōe siūⁿ ê chhéng-kiû hn̄g-hn̄g-hn̄g. --- John Henry Jowett

Lí èng-ún ê un-tián, góa só͘ tit só͘ niá-siū,
Chhiau-kè góa ǹg Lí só͘ ū ê chhéng-

附注:《荒漠甘泉》汉罗版kap "Hong-bô͘ Kam-chôaⁿ"全罗版附CD，由人光出版社出版， 欢迎洽购(06-235-6277分机(122~124) ， e-mail:book@pctpress.com