《台语荒漠甘泉（全罗版）》

 | | | 转寄

Tāng-tàⁿ piàn si̍t-kó͘

作者 陈清俊 翻译 2007.07.08

listen

Chhit ge̍h chhoe-poeh (Chhit ge̍h poeh ji̍t)

"in beh chhin-chhiūⁿ eng-chiáu thí-si̍t pe-koâiⁿ." (Í-sài-a 40:31)
Ū chi̍t ê ú-giân sī iú-koan chiáu-á án-chóaⁿ tit-tio̍h si̍t ê sū. Chiáu-lūi pún-lâi sī bô si̍t ê, āu-lâi Siōng-tè chō nn̄g-ki si̍t-kó͘, tī bô si̍t ê chiáu-á chêng kóng, tio̍h chiong chiah ê tàⁿ pē tī sin-chiūⁿ.

Chiáu ū hó ê nâ-âu hoat-chhut súi-súi ê siaⁿ, ū bí-lē kok-sek ê mn̂g thang tī ji̍t-kng ē sih chi̍t-ē sih chi̍t-ē chin kong-hui, chóng-sī bōe thang hiòng khong-tiong khì. Siōng-tè ài in chiong kha chêng ê tāng-tàⁿ taⁿ khí-lâi, in tiû-tû, liáu-āu chiū chiàu án-ni chòe, ēng chhùi kā tāng-tàⁿ hē tī ka-chiah-phiaⁿ.

Tāi-seng, kám-kak tàⁿ ū khah tāng, tòng bōe tiâu, chiū chiong tàⁿ khǹg tī khah tēng ê heng-khám téng, chit ê si̍t chiū tiâu-tī heng-chêng koh tióng-tōa. In chin-kín chiū chai án-chóaⁿ ēng chit-tùi si̍t-kó͘, chiong in sàng kàu khong-tiong khì. Tàⁿ chiâⁿ chòe in ê si̍t lah.

Che hō͘ lán thang ha̍k-si̍p ê kong-khò. Lán sī bô si̍t ê chiáu, lán ê chit-bū kap kang-chok chiū-sī Siōng-tè ēng che chiong lán sàng ji̍p khong-tiong. Lán khòaⁿ tio̍h tàⁿ chiah tāng, siūⁿ beh tô-siám thoat-lī, chóng-sī lán nā tòa chit ê tàⁿ, chiong in hē tī sim lāi, in chiū beh piàn chiâⁿ si̍t, ū si̍t liáu-āu, lán ōe hiòng Siōng-tè ê só͘-chāi pe khì. Pêng thiàⁿ-sim chiong tàⁿ khoài-lo̍k lâi pē khí-lâi, nā-sī m̄-khéng pē ê lâng, chiū sit-khì chi̍t ê sêng-tióng ê hó ki-hōe. --- J.R. Miller Bô-lūn Tàⁿ jōa tāng, Siōng-tè chhin-sin ēng chû-ài ê chhiú hē tī lán keng-kah ê tàⁿ lóng sī chi̍t ê chiok-hok. --- Sèng-si chok-chiá Frederick William Faber

附注:《荒漠甘泉》汉罗版kap "Hong-bô͘ Kam-chôaⁿ"全罗版附CD，由人光出版社出版， 欢迎洽购(06-235-6277分机(122~124) ， e-mail:book@pctpress.com.tw