《台语荒漠甘泉（全罗版）》

 | | | 转寄

"Chì-hó pêng-iú"

作者 陈清俊 翻译 2011.05.29

listen



Gō͘ ge̍h jī-káu (Gō͘ ge̍h jī-cha̍p-káu ji̍t)

“nā-sī góa í-keng kiò lín chòe pêng-iú.” (Iok-hān hok-im 15:15)

Í-chêng ū chi̍t ê Tek-kok ê lāu kàu-siū, i ū bí-hó ê seng-oa̍h, iā siū ha̍k-seng chun-kèng.Ha̍k-seng ài chai i ê pì-koat. Ū chi̍t-ji̍t, ha̍k-seng phài chi̍t lâng bih tī i ê tha̍k-chheh-pâng.

Kàu-siū òaⁿ-òaⁿ tńg-lâi, í-keng chin siān, chóng-sī i iáu-sī ji̍p i ê chheh-pâng tha̍k chi̍t tiám-cheng ê sèng-keng, jiân-āu tiām-tiām-á kî-tó. Chòe-āu chiong sèng-keng khàm khí-lâi kóng, “Chú ah, lán iáu sī pó-chhî chin-hó ê lāu pêng-iú.”

“Jīn-bat Ki-tok” (Hui-li̍p-pí 3:10) sī jîn-seng siōng-tōa ê sêng-chiū. Múi chi̍t ê ki-tok-tô͘ lóng eng-kai ló-le̍k kap I pó-chhî hó-pêng-iú ê koan-hē.

“Jīn-bat Ki-tok” sī tùi tiām-tiām ê kî-tó kap kò-jîn múi-ji̍t ê gián-kiù sèng-keng só͘ tit ê sêng-kó. Lâng tī seng-oa̍h siōng lú kap Iâ-so͘ chhin-bi̍t kau-óng, lú ōe kám-kak I chin si̍t-chāi.

Lí kóng-ōe, I teh thiaⁿ,
Lêng kap lêng saⁿ thiàⁿ,
Khah kūn ho͘-khip siaⁿ,
Pí kha-chhiú khah khûn kiâⁿ.


附注:《荒漠甘泉》汉罗版kap "Hong-bô͘ Kam-chôaⁿ"全罗版附CD，由人光出版社出版， 欢迎洽购(06-235-6277分机(122~124) ， e-mail:book@pctpress.org