《台语荒漠甘泉（汉罗版）》

 | | | 转寄

受苦学校

作者 陈清俊 译 林俊育 汉罗翻写 2012.09.02

listen
九月初二(九月二日)

「因为(in-ūi) 已经(í-keng) 赏 赐(siúⁿ-sù) lín，....Koh 为(ūi) tio̍h 伊(i) 受 苦(siū-khó͘)。」 (腓立比(hui-li̍p-pí) 1：29)


上 帝(siōng-tè) 管 理(koán-lí) 一 间(chi̍t-keng) 真(chin) 贵(kùi) ê 学 校(ha̍k-hāu)，tī 伊(i) ê 功 课(kong-khò) 是(sī) 用(ēng) 流 目 屎(lâu-ba̍k-sái) 来(lâi) 学(o̍h) ê。十 七(cha̍p-chhit) 世纪(sè-kí) 清 教 徒(chheng-kàu-tô͘) 牧 师(bo̍k-su)，Ba̍k-su-tē (Richard Baxter) án-ni讲(kóng)：「感 谢(kám-siā) 你(lí) 五 十 八(gō͘-cha̍p-poeh) 年(nî) 来(lâi) tī 我(góa) chit-ê 身 体(sin-thé) ê 管 教(koán-kà)。」伊(i) 当 然(tong-jiân) m̄ 是(sī) 唯一(ûi-it) 能(ōe) 化(hòa) 困 难(khùn-lân) 做(chòe) 胜 利(sèng-lī) ê 人(lâng)。

咱(lán) 天父(thiⁿ-pē) chit 间(kan) 学 校(ha̍k-hāu) 对(tùi) 咱(lán) 来(lâi) 讲(kóng) 是(sī) 真(chin) 紧(kín) beh 结 束(kiat-sok)，学期(ha̍k-kî) 尾(bé)，一 工(chi̍t-kang) 一 工(chi̍t-kang) 接 近(chiap-kūn)。愿(goān) 咱(lán) 无(bô) 逃 避(tô-phiah) 艰 难(kan-lân) ê 功 课(kong-khò)，也(iā) 无(bô) 闪 开(siám-khui) 管 教(koán-kà) ê 拐(koáiⁿ)。咱(lán) 若(nā) 能(ōe) 快 乐(khoài-lo̍k) 坚 持(kian-chhî) 到底(kàu-té)，咱(lán) ê 冕 旒(bián-liû) beh koh-khah 光 辉(kong-hui)，天 国(thian-kok) koh-khah 甜蜜(tiⁿ-bi̍t)。Án-ni 咱(lán) thang 光 荣(kong-êng)、骄 傲(kiau-ngō͘) 来(lâi) 毕 业(pit-gia̍p)。――Theodore L. Cuyler

世界(sè-kài) siōng 美丽(bí-lē) ê 磁 器(hûi-khì)，siōng 少(chió) ài tī 窑里(iô-nih) 烧(sio) 三(saⁿ) pái。有(ū) ê ài 烧(sio) koh-khah chōe pái。Dresden 所(só͘) 出 产(chhut-sán) ê 贵 重(kùi-tiōng) 磁(hûi)á lóng 一定(it-tēng) 烧(sio) 三(saⁿ) pái，为甚么(ūi-sím-mi̍h) 必须(pit-su) 经 历(keng-le̍k) chiah-nih 高(koân) 热(joa̍h) neh?烧(sio) 一(chi̍t) pái，á是(sī) 两(nn̄g) pái kiám bōe-sái mah? Bōe 用得(ēng-tit)，好(hó) ê 磁(hûi) 一定(it-tēng) ài 烧(sio) 三(saⁿ) pái，án-ni hō͘ 金 色(kim-sek)、红 色(âng-sek) 各 种(kok-chióng) 色致(sek-tì) 更 加(kèng-ka) 映 目(iáⁿ-ba̍k) 美丽(bí-lē)，koh bōe 退 色(thè-sek)。

咱(lán) 是(sī) 照(chiàu) chit-ê 原 理(goân-lí) 来(lâi) 摄 造(liap-chō) ê，人类(jîn-lūi) 生 活(seng-oa̍h) 中(tiong) ê 磨 练(bôa-liān)，ná 亲 像(chhin-chhiūⁿ) 火(hé) 不 断(put-toān) ê 烧 炼(sio-liān) 咱(lán)。Tùi 上 帝(siōng-tè) ê 恩 典(un-tián)，美丽(bí-lē) ê 色 彩(sek-chhái) tī 咱(lán) 内面(lāi-bīn) 形 成(hêng-sêng)，永 远(éng-oán) 灿 烂(chhàn-lān) 无(bô) 退(thè)。――Cortland Myers

世 上(sè-chiūⁿ) siōng súi ê 花(hoe) 无(bô) 开(khui) tī 有(ū) 日(ji̍t) ê 平洋(pîⁿ-iûⁿ)，
是(sī) tī 急 变(kip-piàn) 地(tē) 破 裂(phòa-li̍h) ê 石 缝(chio̍h-phāng) 上(siōng)。
受 伤(siū-siong) tī 风 雨(hong-hō͘)、火 灾(hé-chai)、火 山(hé-soaⁿ) 灰(hu)，
上 帝(siōng-tè) 细 细(sòe-sòe) 声(siaⁿ) 医治(i-tī) 所有(só͘-ū)。
Tùi 深 渊(chhim-ian)，石 缝(chio̍h-phāng) 爆 开(piak-khui)，
流 出(lâu-chhut) 活 水(oa̍h-chúi)，
暗时(àm-sî) 天 使(thiⁿ-sài) 赐(sù) 温柔(un-jiû) 露 水(lō͘-chúi)，
清 早(chheng-chá)，人 子(jîn-chú) 来(lâi) 采(chhái) 花 蕊(hoe-lúi)。


附注:《荒漠甘泉》汉罗版kap "Hong-bô͘ Kam-chôaⁿ"全罗版附CD，由人光出版社出版， 欢迎洽购(06-235-6277分机(122~124) ， e-mail:book@pctpress.org