《台语荒漠甘泉（汉罗版）》

 | | | 转寄

上帝ê应允

作者 陈清俊 译 林俊育 汉罗翻写 2012.08.12

listen
八月十二(八月十二日)

「已经(í-keng) 有(ū) 宝 贝(pó-pòe) kap 极 大(ke̍k-tōa) ê 应 允(èng-ún) 赏 赐(siúⁿ-sù) 咱(lán)。」 (彼得(pí-tet) 后(āu) 书(chu) 1：4)

造(chō) 船(chûn) ê 人(lâng) 造(chō) 好(hó) 一(chi̍t) 只(chiah) 船(chûn)，伊(i) kiám 只是(chí-sī) kā 伊(i) khǹg tī 船 库(chûn-khò͘) 里(nih)？当 然(tong-jiân) m̄是(sī)；伊(i) 造(chō) 船(chûn) 是(sī) beh hō͘ 船(chûn) thang 去(khì) 航 海(hâng-hái)，去(khì) 行(kiâⁿ) tī 海 上(hái-siōng) 面对(bīn-tùi) 风 涌(hong-éng)。事 实 上(sū-si̍t-siōng)，伊(i) 造(chō) 船(chûn) ê 时(sî)，若(nā) 无(bô) 计画(kè-ōe) 船(chûn) ōe 抵挡(tí-tng)，有够(ū-kàu) 勇(ióng) 挡(tòng) ōe-tiâu 狂 风(kông-hong) 大 涌(tōa-éng)，伊(i) 就(chiū) 无(bô) 够(kàu) 资 格(chu-keh) 造(chō) 船(chûn)。

Siâng款(khoán)，上 帝(siōng-tè) 培 养(pôe-ióng) 你(lí) 做(chòe) 信徒(sìn-tô͘)，伊(i) 一定(it-tēng) beh 试 验(chhì-giām) 你(lí)。伊(i) 赐(sù) hō͘ 你(lí) 应 允(èng-ún)，叫(kiò) 你(lí) 相 信(siong-sìn)，伊(i) 希 望(hi-bōng) 你(lí) 藉(chià)tio̍h chiah-ê 应 允(èng-ún) 去(khì) 应 付(èng-hù) 人 生(jîn-seng) 中(tiong) ê 暴 风(po̍k-hong) 海淘(hái-tô)。你(lí) kiám 想(siūⁿ) 伊(i) ê 应 允(èng-ún) 是(sī) 假(ké) ê，ná 亲 像(chhin-chhiūⁿ) 一(chi̍t) 领(niá) 救 生 衣(kiù-seng-i)，tī 商 店(siong-tiàm) 内(lāi) 真(chin) 好(hó) 看(khòaⁿ)，the̍h到(kàu) tī 水 顶(chúi-téng) 却(khiok) 无(bô) 路 用(lō͘-iōng) mah?

咱(lán) 有(ū) 看(khòaⁿ)tio̍h 精 美(cheng-bí) ê 剑(kiàm)，总 是(chóng-sī) bōe-thang 做(chòe) 相(sio)thâi 来(lâi) 用(ēng)，也(iā) 见(kìⁿ) 过(kè) 做(chòe) 装 饰(chng-thāⁿ) ê 鞋(ôe)，bōe-thang 做(chòe) 行 路(kiâⁿ-lō͘) 用(ēng)。但是(tān-sī) 上 帝(siōng-tè) ê 鞋(ôe) 是(sī) 用(ēng) 铁(thih)，用(ēng) 铜(tâng) 做(chòe) ê，咱(lán) thang 穿(chhēng) 伊(i)，一(chi̍t) 路(lō͘) 行 到(kiâⁿ-kàu) 天 堂(thian-tông) 也(iā) bōe 磨(bôa)ui 去(khì)。咱(lán) 穿(chhēng) 伊(i) ê 救 生 衣(kiù-seng-i) thang tī 大西洋(tāi-se-iûⁿ) 泅 水(siû-chúi) 一(chi̍t) 千(chheng) pái 也(iā) m̄ 惊(kiaⁿ) 沉(tîm)落 去(lo̍h-khì)，伊(i) ê 应 允(èng-ún) ê 话(ōe) 是(sī) ài 你(lí) 去(khì) 试(chhì)，去(khì) 用(ēng)。

基督(ki-tok) siōng 无(bô) 欢 喜(hoaⁿ-hí) 人(lâng) 公 开(kong-khai) 信(sìn) 伊(i)，却(khiok) 无(bô) 用(ēng) 伊(i)。伊(i) 欢 喜(hoaⁿ-hí) 咱(lán) kā 伊(i) 使 用(sú-iōng)，因为(in-ūi) 伊(i) kap 人(lâng) ê 立约(li̍p-iok) 是(sī) 赐(sù) 福 气(hok-khì) ê，m̄ 是(sī) beh hō͘ 人(lâng) 欣 赏(him-sióng) ê，看(khòaⁿ) ê，是(sī) ài 咱(lán) kā 用(ēng)。主(chú) 耶稣(iâ-so͘) ê 赏 赐(siúⁿ-sù) 是(sī) beh hō͘ 咱(lán) 现 在(hiān-chāi) 就(chiū) kā 伊(i) 使 用(sú-iōng)，你(lí) 是(sī)m̄是(sī) 尽(chīn) 责 任(chek-jīm) 来(lâi) 使 用(sú-iōng) ah?

Ah，亲 爱(chhin-ài) ê 朋 友(pêng-iú)，我(góa) 求(kiû) 你(lí) m̄-thang 将(chiong) 上 帝(siōng-tè) ê 应 允(èng-ún) 当 做(tòng-chòe) khǹg tī 博 物 馆(phok-bu̍t-koán) ê 宝 贝(pó-pòe) 物(mi̍h)，ài kā 伊(i) 使 用(sú-iōng)，成 做(chiâⁿ-chòe) 日 常(ji̍t-siông) 安逸(an-ia̍t) 生 活(seng-oa̍h) ê 资 源(chu-goân)。无论(bô-lūn) 甚 么(sím-mi̍h) 时(sî) 你(lí) 需要(su-iàu)，就(chiū) 信 靠(sìn-khò) 上 帝(siōng-tè)。 ――Charles H. Spurgeon

到(kàu) 上 帝(siōng-tè) 应 允(èng-ún) ê 深 处(chhim-chhù)，
尽(chīn) 你(lí) 所(só͘) ài 去(khì) 取(chhú)，
伊(i) ê 赐 福(sù-hok) 是(sī) 丰 富(hong-hù)，
伊(i) 所(só͘) 讲(kóng) ê 话(ōe) 一定(it-tēng) 实 现(si̍t-hiān) 每(múi) 一(chi̍t) 句(kù)。

上 帝(siōng-tè) thái-ōe 对(tùi) 伊(i) 所(só͘) 应 允(èng-ún) ê tāi-chì 讲(kóng) m̄ neh?


附注:《荒漠甘泉》汉罗版kap "Hong-bô͘ Kam-chôaⁿ"全罗版附CD，由人光出版社出版， 欢迎洽购(06-235-6277分机(122~124) ， e-mail:book@pctpress.org