《台语荒漠甘泉（汉罗版）》

 | | | 转寄

人做，上帝chhiâu

作者 陈清俊 译 林俊育 汉罗翻写 2012.06.10

listen
六月初十(六月十日)

「Koh 咱(lán) 知(chai) 万 项(bān-hāng) 事(sū) 有(ū) 相(saⁿ)kap 来(lâi) hō͘ 疼(thiàⁿ) 上 帝(siōng-tè) ê 人(lâng) 得(tit)tio̍h 利益(lī-ek)，就 是(chiū-sī) 照(chiàu) 伊(i) 定(tiāⁿ)tio̍h ê 旨意(chí-ì) 来(lâi) 受召(siū-tiáu) ê。」(罗马(lô-má) 8:28)

保罗(pó-lô) 讲(kóng) chit-ê 话(ōe)，是(sī) jōa-chiâⁿ 肯 定(khéng-tēng)！伊(i) 无(bô) 讲(kóng)：「有(ū) ê 事(sū)」，á是(sī)「大(tōa) 部 分(pō͘-hūn) ê 事(sū)」，á是(sī)「欢 喜(hoaⁿ-hí) ê 事(sū)」，是(sī) 讲(kóng)「万 事(bān-sū)」，「所有(só͘-ū) ê 事(sū)」。Tùi siōng 小(sió)khóa ê 事(sū) 到(kàu) 极 大(ke̍k-tōa)、极(ke̍k) 重 要(tiōng-iàu) ê 事(sū)，tùi 日 常(ji̍t-siông) siōng 卑微(pi-bî) ê 事(sū) 到(kàu) 上 帝(siōng-tè) tī 危机(gûi-ki) 中(tiong) 所(só͘) 进 行(chìn-hêng) 极(ke̍k) 伟大(úi-tāi) 恩 典(un-tián) ê 大(tōa) 工 程(kang-thêng)，lóng 是(sī) tī 上 帝(siōng-tè) ê 应 允(èng-ún) 下(ē)。

Chit-ê 话(ōe) 是(sī) 现 在 式(hiān-chāi-sek)，m̄是(sī) 过去(kè-khì) ê，也(iā) m̄是(sī) 将 来(chiong-lâi) chiah beh 做(chòe)，上 帝(siōng-tè) hō͘ 现 在(hiān-chāi) ê 万 事(bān-sū) 进 行(chìn-hêng) 是(sī) 不 断(put-toān) ê 作 业(chok-gia̍p)。

Tùi 圣 经(sèng-keng) 知(chai) 上 帝(siōng-tè) 是(sī)「义(gī) 亲 像(chhin-chhiūⁿ) 极(ke̍k) 高(koân) ê 山(soaⁿ)，判 断(phòaⁿ-toàn) 是(sī) 亲 像(chhin-chhiūⁿ) 深 渊(chhim-ian)。」(诗 篇(si-phian) 36:6) chit 时(sî) 天 使(thiⁿ-sài) teh 进 行(chìn-hêng) 上 帝(siōng-tè) 伟大(úi-tāi) 计画(kè-ōe) ê 发 展(hoat-tián)，in 信 心(sìn-sim) 充 足(chhiong-chiok) 宣 布(soan-pò͘)「耶和华(iâ-hô-hoa) tī 伊(i) 一 切(it-chhè) 所(só͘) 行(kiâⁿ) ê，无(bô) m̄ 公 义(kong-gī)，tī 伊(i) 一 切(it-chhè) 所(só͘) 做(chòe) ê，lóng 有(ū) 慈爱(chû-ài)。」(诗 篇(si-phian) 145:17)

然 后(jiân-āu) 当(tng) 上 帝(siōng-tè) 指 挥(chí-hui)「万 事(bān-sū)…hō͘ 人(lâng) 得(tit) 利益(lī-ek)」，he 是(sī) 上 帝(siōng-tè) 美 妙(bí-miāu) ê 配 合(phòe-ha̍p)。伊(i) 需要(su-iàu) 真(chin) chōe 无(bô) 仝(kâng) ê 色 彩(sek-chhái)，每(múi) 一(chi̍t) 色(sek)，单 独(tan-to̍k) 看(khòaⁿ)，可 能(khó-lêng) 无(bô) 甚 么(sím-mi̍h) 特 别(te̍k-pia̍t)，但是(tān-sī) 合(ha̍p) 起来(khí-lâi) 调 和(tiâu-hô) 做 成(chòe-chiâⁿ) 灿 烂(chhàn-lān) 美丽(bí-lē) ê 图样(tô͘-iūⁿ)。

写(siá) 乐 谱(ga̍k-phó͘) ê 时(sî)，需要(su-iàu) 各 个(kok-kò) ê 音号(im-hō)、音符(im-hû)，有时(ū-sî) 无(bô) 协 调(hia̍p-tiāu)。Chit 台(tâi) 机器(ki-khì) 需要(su-iàu) 真(chin) chōe 单 独(tan-to̍k) ê 齿 轮(khí-lûn)、部 件(pō͘-kiāⁿ)、接 头(chiap-thâu)，机器(ki-khì) ê 一(chi̍t) 小(sió) 部分(pō͘-hūn) 单 独(tan-to̍k) ê 时(sî) 是(sī) 无(bô) 路 用(lō͘-iōng)；一(chi̍t) 音(im) 一(chi̍t) 音(im) tī 一(chi̍t) 首(siú) 歌(koa) 内面(lāi-bīn) 可 能(khó-lêng) 无(bô) sáⁿ 好(hó) 听(thiaⁿ)；但是(tān-sī) 将(chiong) 所有(só͘-ū) ê 整 合(chéng-ha̍p)，接 接(chiap-chiap) 完 全(oân-choân) 做(chòe) 一 体(chi̍t-thé)，就(chiū) 产 生(sán-seng) 完美(oân-bí)、和谐(hô-hâi) kap 平 衡(pêng-hêng)。

咱(lán) tùi chia 学(o̍h) 信 心(sìn-sim)，「我(góa) 所(só͘) 做(chòe) ê，你(lí) 现 今(hiān-kim) m̄ 知(chai)，后来(āu-lâi) 就(chiū) 会(ōe) 晓得(hiáu-tit)。」(约翰(iok-hān) 13:7) ――J. R. Macduff

Tī 一(chi̍t) 千(chheng) 件(kiāⁿ) ê 试 炼(chhì-liān) 中(tiong)，m̄-nā 有(ū) 五 百(gō͘-pah) 件(kiāⁿ) 是(sī) 对(tùi) 你(lí) 有利益(ū lī-ek)，是(sī) 有(ū) 九 百(káu-pah) 九 十 九(káu-cha̍p-káu) 件(kiāⁿ) koh 加(ka) 一 件(chi̍t-kiāⁿ) 对(tùi) 你(lí) 有利(iú-lī)。――GeorgeMueller

上 帝(siōng-tè) ê 意思(ì-sù) 是(sī) 好(hó)(创 世 记(chhòng-sè-kì) 50:20)

上 帝(siōng-tè) 原意(goân-ì) 是(sī) 好(hó)，――福 气(hok-khì) ê 保 证(pó-chèng)，
日 头(ji̍t-thâu) 照(chiàu) tī 性命(sìⁿ-miā) ê 道路(tō-lō͘) 顶(téng)，
地 上(tē-chiūⁿ) 乌云(o͘-hûn) 风 暴(hong-po̍k) tú-tio̍h 天(thiⁿ) ê 光 荣(kong-êng)，
日日(ji̍t-ji̍t) 有(ū) 清 新(chheng-sin)，舒 适(su-sek) koh 和 平(hô-pêng)。

M̄是(sī) 偶 然(ngó͘-jiân)，无(bô) 疼(thiàⁿ) 兄弟(hiaⁿ-tī) 情(chêng)，
卖(bōe) 约 瑟(iok-sek) 到(kàu) 外 国(gōa-kok) 生 疏(chhiⁿ-so͘) 地 境(tē-kéng)，
受(siū) 真(chin) chōe 年(nî) ê 艰 难(kan-lân)、苦 刑(khó͘-hêng)，
Chiah 到(kàu) tī 法 老(hoat-ló) ê 面 前(bīn-chêng)。

一(chi̍t) 目(ba̍k) 看 出(khòaⁿ-chhut) 众 人(chèng-lâng) ê 需要(su-iàu)，
借(chioh)tio̍h 一(chi̍t) 人(lâng) ê 拣 召(kéng-tiàu)，
Tùi 监 狱(kaⁿ-ga̍k) ê 苦 练(khó͘-liān) 学(o̍h) châi-tiāu，
达 到(ta̍t-kàu) 伟大(úi-tāi) 荣 耀(êng-iāu) ê 目 标(bo̍k-piau)。

无(bô) hō͘ 受(siū) 关(koaiⁿ) ê 人(lâng) 知(chai)，
伊(i) 受 苦(siū-khó͘) 透(thàu) 到(kàu) 心内(sim-lāi)，
目 睭(ba̍k-chiu) 只(chí) 注意(chù-ì) 目 前(ba̍k-chêng) 悲哀(pi-ai)，
伊(i) ê 眼 光(gán-kong) 看(khòaⁿ) bōe-tio̍h 将 来(chiong-lâi)。

长 长(tn̂g-tn̂g) 乌暗(o͘-àm) thèng候(hāu)，信(sìn) iáu 保留(pó-liû)。
伊(i) ê 信 靠(sìn-khò) 到 尾(kàu-bé) 得(tit)tio̍h 报 赏(pò-siúⁿ)，
时机(sî-ki) 一(chi̍t) 到(kàu)，上 帝(siōng-tè) 带(tòa) 伊(i) ê 仆 人(po̍k-jîn)、朋 友(pêng-iú)，
去(khì) 安慰(an-ùi) 众 人(chèng-lâng)，伊(i) ê 苦 难(khó͘-lān) 消 溶(siau-iûⁿ)。

「是(sī) 上 帝(siōng-tè)，m̄是(sī) lín 差(chhe) 我(góa) 来(lâi)。」
了 后(liáu-āu) 胜 利(sèng-lī) án-ni 见 解(kiàn-kái)。
「上 帝(siōng-tè) 原意(goân-ì) 是(sī) 好(hó)」，无(bô) 其他(kî-tha) 用意(iōng-ì)，
来(lâi) 扰 乱(jiáu-loān) 伊(i) ê o-ló 歌诗(koa-si)。

「上 帝(siōng-tè) 原意(goân-ì) 是(sī) 好(hó)」，亲 爱(chhin-ài) 众 人(chèng-lâng)！
约 瑟(iok-sek) ê 上 帝(siōng-tè) 是(sī) 相(sio)siâng，
伊(i) ê 疼(thiàⁿ) 容 允(iông-ún) 奇 怪(kî-koài) kap 苦 痛(khó͘-thàng)，
伊(i) ê 手(chhiú) chhōa 咱(lán) 行(kiâⁿ) bōe-bat ê 路 巷(lō͘-hāng)。

主(chú) tùi 头(thâu) 看(khòaⁿ) 到 尾(kàu-bé)，
有(ū) 讲(kóng) bōe 出(chhut) 疼(thiàⁿ) ê 目 的(bo̍k-tek)，
伸 手(chhun-chhiú) 无(bô) 惊(kiaⁿ) hē tī 伊(i) 手(chhiú) 下(ē)，
得到(tit-kàu) 看(khòaⁿ)tio̍h 伊(i) 恩 慈(un-chû) 放 释(hòng-sek)。

Hit 时(sî)，你(lí) tī 荣 光(êng-kng) ê 天家(thiⁿ-ke) tòa，
Tùi 过去(kè-khì) ê 一 生(it-seng) 回 头(hôe-thâu) 看(khòaⁿ)，
目 睭(ba̍k-chiu) 看(khòaⁿ) 所(só͘) 信 靠(sìn-khò) kap 引(ín)chhōa，
Beh 报 扬(pò-iông) 伊(i) ê 疼(thiàⁿ) 无(bô) soah。――Freda Hanbury Allen


附注:《荒漠甘泉》汉罗版kap "Hong-bô͘ Kam-chôaⁿ"全罗版附CD，由人光出版社出版， 欢迎洽购(06-235-6277分机(122~124) ， e-mail:book@pctpress.org