《台语荒漠甘泉（汉罗版）》

 | | | 转寄

切切祈祷

作者 陈清俊 译 林俊育 汉罗翻写 2012.04.29

listen
四月二九(四月二十九日)

「以利亚(í-lī-a) 是(sī) kap 咱(lán) 同 情(tông-chêng) ê 人(lâng)，伊(i) 切 切(chhiat-chhiat) 切 切(chhiat-chhiat) 求(kiû)，」(雅 各(ngá-kok) 5:17)

多谢(to-siā) 上 帝(siōng-tè)，以利亚(í-lī-a) kap 咱(lán) 是(sī) siâng 性 情(sèng-chêng) ê 人(lâng)！伊(i) 坐(chē) tī 树 脚(chhiū-kha)，ǹg 上 帝(siōng-tè) 出(chhut) 怨 言(oàn-giân)，表示(piáu-sī) 伊(i) ê m̄ 信(sìn) ―― 亲 像(chhin-chhiūⁿ) 咱(lán) 一 样(chi̍t-iūⁿ)。但是(tān-sī) 伊(i) 真 正(chin-chiàⁿ) kap 上 帝(siōng-tè) 接 触(chiap-chhiok)tio̍h，情 形(chêng-hêng) 就(chiū) 变(piàn) 无(bô) siâng款(khoán)。「以利亚(í-lī-a) 是(sī) kap 咱(lán) 同 情(tông-chêng) ê 人(lâng)，」总 是(chóng-sī)「伊(i) 切 切(chhiat-chhiat) 切 切(chhiat-chhiat) 祈祷(kî-tó)。」Tī 希腊(hi-lia̍p) 原 文(goân-bûn) ê 意思(ì-sù) 真(chin) súi，m̄是(sī) 讲(kóng)「切 切(chhiat-chhiat) 切 切(chhiat-chhiat)」，是(sī) 讲(kóng)「伊(i) tī 祈祷(kî-tó) 中(tiong) 祈祷(kî-tó)」；换(oāⁿ) 话(oē) 讲(kóng)，伊(i) 不 断(put-toān) 祈祷(kî-tó)，tī chia 教示(kà-sī) 咱(lán) 需要(su-iàu) 不 断(put-toān) ê 祈祷(kî-tó)。

Tī Ka-bi̍t 山 顶(soaⁿ-téng)，看(khoàⁿ) 伊(i) 凭(pîn) 信 心(sìn-sim) kap 眼 光(gán-kong) 来(lâi) 发 生(hoat-seng) hit-ê 伟大(úi-tāi) ê 故事(kò͘-sū)。以利亚(í-lī-a) 求(kiû) tùi 天(thiⁿ) 降(kàng) 火(hé) 来(lâi) khah 赢(iâⁿ) Pa-le̍k ê 先 知(sian-ti) 以后(í-āu)，需要(su-iàu) 有(ū) 落雨(lo̍h-hō͘) 来(lâi) 应 验(èng-giām) 上 帝(siōng-tè) ê 预言(ī-giân)。Hit 位(ūi) 吩 咐(hoan-hù) 火(hé) tùi 天(thiⁿ) 降 落(kàng-lo̍h)，也(iā) 用(ēng) siâng 方 式(hong-sek) 叫(kiò) 雨(hō͘) 降(kàng) 落来(lo̍h-lâi)。圣 经(sèng-keng) án-ni 讲(kóng)：「以利亚(í-lī-a)....屈 身(khut-sin) tī 地 里(toē-ni̍h)，面(bīn) 仆(phak) tī 两(nn̄g) 个(ê) 脚 头(kha-thâu)u ê 中 间(tiong-kan)。」(列王 记(lia̍t-ông-kì) 上(siōng) 18:42)无(bô) 看(khoàⁿ) 一 切(it-chhè) ê 景 象(kéng-siōng)，无(bô) 听(thiaⁿ) 一 切(it-chhè) ê 声音(siaⁿ-im)，伊(i) 家己(ka-kī) kiu tī 袍(phàu) 内底(lāi-té)，对(tùi) 周 围(chiu-ûi) ê 一 切(it-chhè) lóng 无(bô) 见(kìⁿ) 无(bô) 问(mn̄g)。

以利亚(í-lī-a) 然 后(jiân-āu) 对(tùi) 奴仆(lô͘-po̍k) 讲(kóng)：「你(lí) 上 去(chiūⁿ-khì)，ǹg 海(hái) 看(khoàⁿ)。」(列王 记(lia̍t-ông-kì) 上(siōng) 18:43)奴仆(lô͘-po̍k) tńg来(lâi) 回 答(hoê-tap) 讲(kóng)：「Lóng 无(bô) 甚 么(sím-mi̍h)。」回 答(hoê-tap) kah chiah 简 要(kán-iàu)！咱(lán) 若(nā) tī siâng 情 形(chêng-hêng) 下(ē)，会(oē) án-chóaⁿ 做(choè)？咱(lán) beh 讲(kóng)：「亲 像(chhin-chhiūⁿ) 我(goá) 所(só͘) 料 想(liāu-sióng) ê!」然 后(jiân-āu) beh 停 止(thêng-chí) 祈祷(kî-tó)。但是(tān-sī) 以利亚(í-lī-a) kiám 有(ū) 放 弃(hòng-khì) 祈祷(kî-tó)？无(bô)，事 实 上(sū-si̍t-siōng)，伊(i) 六(la̍k) pái 吩 咐(hoan-hù) 奴仆(lô͘-po̍k)：「你(lí) koh 去(khì) 看(khoàⁿ)。」每(múi) pái 奴仆(lô͘-po̍k) lóng tńg来(lâi) 回 答(hoê-tap) 讲(kóng)：「Lóng 无(bô) 甚 么(sím-mi̍h)。」

总 是(chóng-sī) tī 第(tē) 七(chit) pái tńg来(lâi) ê 回 答(hoê-tap) 是(sī) 讲(kóng)：「看 见(khoàⁿ-kìⁿ) 有(ū) 云(hûn) tùi 海 里(hái-ni̍h) 起来(khí-lâi)，细 细(soè-soè) 亲 像(chhin-chhiūⁿ) 人(lâng) ê 手(chhiú)。」(列王 记(lia̍t-ông-kì) 上(siōng) 18:44)Chit-ê 形 容(hêng-iông) jōa-chiâⁿ 适 当(sek-tòng)！因为(in-ūi) tī 雨(hō͘) 落(lo̍h) 以 前(í-chêng)，一个(chi̍t-ê) 人(lâng) ê 手(chhiú) giâ 起来(khí-lâi) ǹg 上 帝(siōng-tè) 祈祷(kî-tó)。雨(hō͘) 来(lâi) ê 时(sî)，是(sī) hiah-nih 紧(kín)，hiah-nih 大(toā)，以利亚(í-lī-a) 警 告(kéng-kò) A-ha̍p:「Tio̍h 备办(pī-pān) 车(chhia) 落 去(lo̍h-khì)，免(bián) 得(tit) hō͘ 雨(hō͘) 阻 挡(chó͘-tòng)。」(列王 记(lia̍t-ông-kì) 上(siōng) 18:44)

这(che) 是(sī) 信 心(sìn-sim) kap 肉 眼(jio̍k-gán) 看(khoàⁿ) ê 故事(kò͘-sū)，信 心(sìn-sim) 除了(tû-liáu) 看(khoàⁿ) 上 帝(siōng-tè) 以外(í-goā)，无(bô) 看(khoàⁿ) 其他(kî-tha) 一 切(it-chhè)，但是(tān-sī) 肉 眼(jio̍k-gán) 来(lâi) 看(khoàⁿ)，却(khiok) 看(khoàⁿ) 无(bô) 物 件(mi̍h-kiāⁿ)。这(che) 是(sī) 继 续(kè-sio̍k) tī 祈祷(kî-tó) 中(tiong) 信 心(sìn-sim) ê 故事(kò͘-sū)，虽 然(sui-jiân) 肉 眼(jio̍k-gán) 所(só͘) 看(khoàⁿ) ê 景 象(kéng-siōng) 完 全(oân-choân) 无(bô) 望(bāng)。

如何(jû-hô) 来(lâi) tùi 以利亚(í-lī-a) 学习(ha̍k-si̍p) chit 种(chióng) ê 祈祷(kî-tó) ――hō͘ 祈祷(kî-tó) 达(ta̍t)tio̍h 目 的(bo̍k-tek) neh?虽 然(sui-jiân) 周 围(chiu-ûi) ê 信息(sìn-sit) lóng 是(sī) 奉(hōng) 失志(sit-chì) ê，总 是(chóng-sī) m̄-thang chhap 这(che)。咱(lán) ê 天父(thiⁿ-pē) 是(sī) 活 活(oa̍h-oa̍h) tī-teh，连(liân) iân-chhiân 咱(lán) 祈祷(kî-tó) ê 答 覆(tap-hok)，也(iā) 有(ū) 伊(i) ê 好意(hó-ì)。――Arthur Tappan Pierson

有(ū) 三(saⁿ) 个(ê) gín-ná 对(tùi) 信 心(sìn-sim) ê 定义(tēng-gī) 是(sī) án-ní，头(thâu) 一个(chi̍t-ê) 讲(kóng)：「掠(lia̍h) tiâu 基督(ki-tok)」，第(tē) 二(jī) 个(ê) 讲(kóng)：「掠(lia̍h) tiâu-tiâu 伊(i) m̄ 放(pàng)」，第(tē) 三(saⁿ) 个(ê) 讲(kóng)：「无(bô) beh hō͘ 伊(i) 离开(lī-khui)，掠(lia̍h) teh m̄ 放(pàng) 手(chhiú)。」


附注:《荒漠甘泉》汉罗版kap "Hong-bô͘ Kam-chôaⁿ"全罗版附CD，由人光出版社出版， 欢迎洽购(06-235-6277分机(122~124) ， e-mail:book@pctpress.org