《台语荒漠甘泉（汉罗版）》

 | | | 转寄

考验增加信心

作者 陈清俊 译 林俊育 汉罗翻写 2012.04.15

listen
四月十五(四月十五日)

「我(góa) óa靠(khò) 你(lí) ê 话(ōe)。」(诗 篇(si-phian) 119:42)

咱(lán) 信 心(sìn-sim) ê 力 量(le̍k-liōng)，完 全(oân-choân) 是(sī) tùi 咱(lán) ê 相 信(siong-sìn) 天父(thiⁿ-pē) 会(oē) 实 现(si̍t-hiān) 伊(i) ê 应 允(èng-ún) ê jōa chōe 来(lâi) 定(tēng)。信 心(sìn-sim) kap 感 情(kám-chêng)、印 象(ìn-siōng)、外 表(goā-piáu)、事 情(sū-chêng) ê 可 能(khó-lêng) á是(sī) 无(bô) 可 能(khó-lêng) lóng 无(bô) 关 系(koan-hē)，咱(lán) 若(nā) 将(chiong) chiah-ê 事(sū) kap 信 心(sìn-sim) 连(liân) 作 伙(choè-hé)，咱(lán) 就(chiū) 无(bô) óa靠(khò) 上 帝(siōng-tè) ê 话(oē) lah。信 心(sìn-sim) 是(sī) 用(ēng) 上 帝(siōng-tè) ê 话(oē) 做(choè) 凭 据(pêng-kù)，m̄是(sī) óa靠(khò) 其他(kî-tha) ê 事物(sū-bu̍t)。当(tng) 咱(lán) 靠(khò) 上 帝(siōng-tè) ê 话(oē)，内心(lāi-sim) 就(chiū) 有(ū) 平 安(pêng-an)。

天父(thiⁿ-pē) 欢 喜(hoaⁿ-hí) 锻 链(toàn-liān) 咱(lán) ê 信 心(sìn-sim)，伊(i) án-ni 做(choè)，ài beh 赐 福(sù-hok) hō͘ 咱(lán) 个人(kò-jîn)，赐 福(sù-hok) hō͘ 教 会(kàu-hoē)，也(iā) ài tùi án-ni 见 证(kiàn-chèng) hō͘ 无(bô) 信(sìn) ê 人(lâng)。总 是(chóng-sī) 咱(lán) 常 常(siông-siông) 无(bô) 欢 迎(hoan-gêng) 信 心(sìn-sim) 受(siū) 锻 链(toàn-liān)，咱(lán) beh 退后(thè-āu)。当(tng) 考 验(khó-giām) 来(lâi) ê 时(sî)，咱(lán) 应该(eng-kai) án-ni 回 应(hoê-èng)，讲(kóng)：「阮(goán) tī 天 里(thiⁿ-nih) ê 父(pē)，将(chiong) 这(che) 考 验(khó-giām) ê 杯(poe) hē tī 我(goá) ê 手(chhiú)，hō͘ 我(goá) 后来(āu-lâi) thang 得(tit)tio̍h 快 乐(khoài-lo̍k)。」

考 验(khó-giām) 是(sī) 信 心(sìn-sim) ê 粮食(niû-si̍t)，咱(lán) thang 将(chiong) 本 身(pún-sin) 完 全(oân-choân) hē tī 天父(thiⁿ-pē) ê 手(chhiú) 里(nih)！见若(kìⁿ-nā) 为(ūi)tio̍h kiáⁿ儿(jî) ê 好 处(hó-chhù)，伊(i) lóng 欢 喜(hoaⁿ-hí) 去(khì) 做(choè)。总 是(chóng-sī) 考 验(khó-giām) kap 艰 难(kan-lân) 并(pēng) m̄是(sī) 锻 链(toàn-liān)，增 加(cheng-ka) 信 心(sìn-sim) 唯一(ûi-it) ê 方 法(hong-hoat)。读(tha̍k) 圣 经(sèng-keng) 也(iā) thang 帮 赞(pang-chān) 咱(lán) 认 识(jīm-bat) 真(chin) 神(sîn)，因为(in-ūi) 伊(i) tī 圣 经(sèng-keng) 中(tiong) 启示(khé-sī) 伊(i) 本 身(pún-sin)。

照 理(chiàu-lí) tùi 天父(thiⁿ-pē) ê 认 识(jīm-bat) kap tùi 伊(i) ê 关 系(koan-hē)，伊(i) 是(sī)m̄是(sī) 一位(chi̍t-ūi) 可爱(khó-ài) ê 上 帝(siōng-tè) mah?若(nā) m̄是(sī)，我(goá) ài 鼓励(kó͘-lē) 你(lí)，求(kiû) 天父(thiⁿ-pē) 会(oē) 将(chiong) 你(lí) chhōa到(kàu) chit-ê 境 界(kéng-kài)，hō͘ 你(lí) 十 足(cha̍p-chiok) 认 识(jīm-bat) koh 感 谢(kám-siā) 伊(i) ê 温柔(un-jiû) kap 慈爱(chû-ài)，ōe-thang 讲 出(kóng-chhut) 伊(i) 是(sī) 真(chin) súi，真(chin) 好(hó)。亦(ia̍h) 知(chai) 天父(thiⁿ-pē) 真(chin) 欢 喜(hoaⁿ-hí) 为(ūi)tio̍h 伊(i) ê kiáⁿ儿(jî) 来(lâi) 做(choè) 真(chin) chōe ê 工 作(kang-chok)。

咱(lán) ê 心内(sim-lāi) 若(nā) ná 接 近(chiap-kūn) chit 点(tiám)，咱(lán) 就(chiū) ná 愿意(goān-ì) 将(chiong) 本 身(pún-sin) 交(kau) tī 天父(thiⁿ-pē) ê 手(chhiú) 里(nih)，koh-khah 满意(moá-ì) 伊(i) tī 咱(lán) 身 上(sin-chiūⁿ) 所(só͘) 做(choè) ê 一 切(it-chhè)。考 验(khó-giām) 来(lâi) ê 时(sî)，咱(lán) beh 愿意(goān-ì) 讲(kóng)：「我(goá) 会(oē) 忍耐(jím-nāi) thèng候(hāu)，看(khoàⁿ) 上 帝(siōng-tè) tī 我(goá) 身 上(sin-chiūⁿ) 所(só͘) 做(choè) ê 好(hó)，也(iā) 确 实(khak-si̍t) 信(sìn) 伊(i) 会(oē) án-ni 做(choè)。」

Án-ni，咱(lán) beh tùi 世 间 人(sè-kan-lâng) 做 出(choè-chhut) 有力(ū-la̍t) ê 见 证(kiàn-chèng)，帮 赞(pang-chān) 人(lâng)，hō͘ 别 人(pa̍t-lâng) 性命(sìⁿ-miā) 得(tit) 丰 盛(hong-sēng)，得(tit) 气 力(khùi-la̍t)。――George Mueller


附注:《荒漠甘泉》汉罗版kap "Hong-bô͘ Kam-chôaⁿ"全罗版附CD，由人光出版社出版， 欢迎洽购(06-235-6277分机(122~124) ， e-mail:book@pctpress.org