《台语荒漠甘泉（汉罗版）》

 | | | 转寄

修整清气

作者 陈清俊 译 林俊育 汉罗翻写 2012.02.19

listen
二月十九(二月十九日)

「见若(kìⁿ-nā) 结(kiat) 果子(ké-chí) ê，伊(i) 就(chiū) 修(siu) hō͘ 伊(i) 清 气(chheng-khì)，hō͘ 伊(i) 结(kiat) 果子(ké-chí) koh-khah chōe。」(约翰(iok-hān) 福音(hok-im) 15:2)

有(ū) 一个(chi̍t-ê) 主(chú) 所(só͘) 疼(thiàⁿ) ê kiáⁿ儿(jî)，常 常(siông-siông) tú-tio̍h 苦 难(khó͘-lān)，感 觉(kám-kak) 十 分(cha̍p-hun) ê oh 理解(lí-kái)。Tī 一个(chi̍t-ê) 秋 天(chhiu-thiⁿ)，伊(i) 行 到(kiâⁿ-kàu) 一个(chi̍t-ê) 葡 萄 园(phû-tô-hn̂g)，lóng 无(bô) 整 修(chéng-siu)。葡萄 藤(phû-tô-tîn) soan到(kàu) ta̍k 所 在(só͘-chāi)，土 脚(thô͘-kha) 也是(iā-sī) 杂 草(cha̍p-chháu) 发(hoat) kah 一(chi̍t) 四界(sì-koè)，kui ê 园(hn̂g) ná 亲 像(chhin-chhiūⁿ) 无 人(bô-lâng) 管 理(koán-lí)。伊(i) 当(tng) teh 想(siūⁿ) 眼 前(gán-chêng) 情 境(chêng-kéng) ê 时(sî)，hit-ê 天 顶(thiⁿ-téng) ê 大(toā) 园 丁(hn̂g-teng) 细(soè) 声(siaⁿ) tī 伊(i) ê 耳 孔(hīⁿ-khang) 边(piⁿ) 讲 话(kóng-oē)。伊(i) 一下(chi̍t-ē) 听(thiaⁿ) 了(liáu)，不 得 不(put-tek-put) 赶 紧(koáⁿ-kín) ài kap 人(lâng) 分 享(hun-hióng) chit-ê 宝 贝(pó-poè) ê 信息(sìn-sit)。

「我(goá) 所(só͘) 疼(thiàⁿ) ê kiáⁿ ah，你(lí) 感 觉(kám-kak) 你(lí) 所(só͘) 受(siū) ê 试 炼(chhì-liān) 真(chin) chōe mah?会(oē) 记得(kì-tit) chit-ê 葡 萄 园(phû-tô-hn̂g)，对(tùi) 伊(i) 来(lâi) 学(o̍h) 一个(chi̍t-ê) 功 课(kong-khò)。园 丁(hn̂g-teng) tī 葡 萄(phû-tô) 收 成(siu-sêng) 了(liáu)，bōe koh 结(kiat) 果子(ké-chí) ê 时(sî)，伊(i) 就(chiū) 停 止(thêng-chí) 修 整(siu-chéng) 葡 萄(phû-tô) 丛(châng)，土 脚(thô͘-kha) ê 杂 草(cha̍p-chháu) 也(iā) 放(pàng) 伊(i) 去(khì)。因为(in-ūi) 结(kiat) 果子(ké-chí) ê 节 季(cheh-kùi) 过去(kè-khì) lah，无(bô) 需要(su-iàu) koh hē 工 夫(kang-hu) 浪 费(lōng-hùi) 工(kang)。对(tùi) 人(lâng) 来(lâi) 讲(kóng)，人(lâng) 若(nā) 无(bô) 受 苦(siū-khó͘)，人(lâng) beh 变 成(piàn-sêng) 抛 荒(pha-hng)、废 物(hùi-bu̍t)、无(bô) 路 用(lō͘-iōng)。你(lí) ài 我(goá) 停 止(thêng-chí) 对(tùi) 你(lí) ê 整 修(chéng-siu) mah?chhut-chāi 你(lí) 去(khì) mah?」

伊(i) 满 心(moá-sim) 得(tit)tio̍h 安慰(an-ùi)，大 声(toā-siaⁿ) 讲(kóng)：「M̄-thang 停 止(thêng-chí) 整 修(chéng-siu)。」――Homera Homer-Dixon

会(oē) 结(kiat) 果子(ké-chí) ê 树 枝(chhiū-ki)，修 剪(siu-chián)，整 修(chéng-siu)，
剪 了(chián-liáu)，khah gâu 大(toā)，性命(sìⁿ-miā) koh 丰 收(hong-siu)。
新(sin) íⁿ，新(sin) 叶(hio̍h) 修 剪(siu-chián) 去(khì)，
美好(bí-hó) ê 姿 态(chu-thài) 也(iā) 无去(bô-khì);

欢 喜(hoaⁿ-hí) ê 活 命(oa̍h-miā) 失落(sit-lo̍h)，美丽(bí-lē) 受(siū) 夺 去(toa̍t-khì)，
愿 望(goān-bōng) 归(kui) tī 土(thô͘)，受 伤(siū-siong) 拆 裂(thiah-li̍h)。

欢 喜(hoaⁿ-hí) ah!
虽 然(sui-jiân) 愿 望(goān-bōng)、梦 想(bōng-sióng)、希 望(hi-bōng) lóng 受 抽(siū-thiu)，
这(che) 是(sī) 出(chhut) tī 上 帝(siōng-tè) 疼(thiàⁿ) ê 圣 手(sèng-chhiú)。

Giâ 刀(to) hit-ê 温柔(un-jiû) ê 手(chhiú)，用(ēng) 剪(chián)，用(ēng) 割(koah)，用(ēng) 修(siu)，
是(sī) ài 你(lí) ê 性命(sìⁿ-miā) koh-khah 大(toā) 成 就(sêng-chiū)。――Annie Johnson Flint


附注:《荒漠甘泉》汉罗版kap "Hong-bô͘ Kam-chôaⁿ"全罗版附CD，由人光出版社出版， 欢迎洽购(06-235-6277分机(122~124) ， e-mail:book@pctpress.org