《台语荒漠甘泉（汉罗版）》

 | | | 转寄

天赐平安福

作者 陈清俊 译 林俊育 汉罗翻写 2012.01.01

listen
正月初一(一月一日)

「独独(to̍k-to̍k) lín 所(só͘) beh 入去(ji̍p-khì) 承接(sêng-chiap) ê 地(tōe)，就是(chiū-sī) 有(ū) 山(soaⁿ) 有(ū) 谷(kok)，来(lâi) 承受(sêng-siū) 天(thiⁿ) ê 雨水(hō͘-chúi) ê 地(tōe)，是(sī) 耶和华(iâ-hô-hoa)―你(lí) 上帝(siōng-tè) 所(só͘) 眷顾(kòan-kò͘) ê 地(tōe)，tùi 年头(nî-thâu) 到(kàu) 年尾(nî-bé)，耶和华(iâ-hô-hoa)―你(lí) 上帝(siōng-tè) ê 目睭(ba̍k-chiu) 常常(siông-siông) 看(khòaⁿ) 伊(i)。」(申命记(sin-bēng-kì) 11:11~12)

今(kin)á日(ji̍t) 咱(lán) 行入(kiâⁿ-ji̍p) 新年(sin-nî)，新正(sin-chiaⁿ)，新(sin) ê 一(chi̍t) 年(nî) ê 开始(khai-sí)。Tī beh 来(lâi) ê 一(chi̍t) 年(nî)，是(sī) 好(hó)，是(sī) pháiⁿ；是(sī) 福(hok)，是(sī) 祸(hō)，是(sī) 圆(îⁿ) ê，是(sī) 扁(píⁿ) ê，lóng m̄ 知(chai)。前途(chiân-tô͘) 茫茫(bâng-bâng)，无(bô) 人(lâng) 知(chai) 将来(chiong-lâi) ê 路(lō͘) 会(oē) tú-tio̍h 甚物(sím-mi̍h) 遭遇(cho-gū)，甚物(sím-mi̍h) 变迁(piàn-chhian)，总是(chóng-sī) tùi 父(pē) 上帝(siōng-tè) hia 来(lâi) ê 信息(sìn-sit)，siōng ōe-thang 做(choè) 咱(lán) ê 安慰(an-ùi)，siōng ōe-thang 激励(kek-lē) 咱(lán)。「耶和华(iâ-hô-hoa)…眷顾(koàn-kò͘)…Tùi年头(nî-thâu) 到(kàu) 年尾(nî-bé)…耶和华(iâ-hô-hoa) ê 目睭(ba̍k-chiu) 常常(siông-siông) 眷顾(koàn-kò͘)。「Kui 年(nî) thàng天(thiⁿ)，24 点钟(tiám-cheng)，暝日(mî-ji̍t) ê 眷顾(koàn-kò͘)。」

咱(lán) ê 生活(seng-oa̍h) ê 必需品(pit-su-phín) lóng thang óa靠(khò) 上帝(siōng-tè)，伊(i) 有(ū) bōe 干去(ta-khì) ê 活泉(oa̍h-choâⁿ)，永远(éng-oán) teh 流(lâu) ê 江河(kang-hô)；伊(i) 有(ū) 丰丰(hong-hong) 富富(hù-hù) ê 恩典(un-tián) kap 慈爱(chû-ài)。若是(nā-sī) 伊(i) 做(choè) 咱(lán) 供给(kiòng-kip) ê 源头(goân-thâu)，咱(lán) 的确(tek-khak) bōe 失望(sit-bōng)。不管(put-koán) 热(jia̍t)，á是(sī) 亢寒(khòng-hān)，lóng bōe hō͘ hit-ê「hō͘ 上帝(siōng-tè) ê 城(siâⁿ) 欢喜(hoaⁿ-hí)」(诗篇(si-phian) 46:4)ê 河(hô) 干去(ta-khì)。

咱(lán) 所(só͘) 得(tit)tio̍h ê，是(sī) 有(ū) 山(soaⁿ)，有(ū)(山(soaⁿ))谷(kok)，m̄ 是(sī) 一片(chi̍t-phiàn) 平平(pîⁿ-pîⁿ) ê 平(pîⁿ)iûⁿ。假使(ká-sú) 咱(lán) ê 前面(chêng-bīn) ê 生活(seng-oa̍h) 是(sī) 平平(pêng-pêng) 无(bô) 变化(piàn-hoà)，无(bô) 望(bāng) ê 时(sî)，是(sī) 何等(hô-téng) ê 无味(bô-bī) 无素(bô-sò͘)。咱(lán) 需要(su-iàu) 山(soaⁿ) kap 谷(kok)。山(soaⁿ) 会(oē) hō͘ 雨水(hō͘-chúi) 流集(lâu-chi̍p) 到(kàu) 山谷(soaⁿ-kok) 里(nih)，hō͘ 地(toē) 变(piàn) 肥(pûi) thang 结(kiat) 真(chin) chōe ê 果子(ké-chí)。山(soaⁿ) 对(tùi) 咱(lán) ê 生命(sìⁿ-miā) 也是(iā-sī) án-ni。山(soaⁿ) oh 爬(peh)，山路(soaⁿ-lō͘) pháiⁿ 行(kiâⁿ)，总是(chóng-sī) 亲像(chhin-chhiūⁿ) 山(soaⁿ) hiah 高(koân) ê 艰难(kan-lân) 会(oē) 催逼(chhui-pek) 咱(lán) 亲近(chhin-kūn) 到(kàu) 上帝(siōng-tè) ê 面前(bīn-chêng) 来(lâi) 得(tit)tio̍h 福气(hok-khì) ê 甘露(kam-lō͘)。咱(lán) 所(só͘) m̄-ài ê 山景(soaⁿ-kéng)，是(sī) 反(hoán)tńg hō͘ 咱(lán) 得(tit) 福气(hok-khì)。真(chin) chōe 人(lâng) 因为(in-ūi) 讨厌(thó-ià) 山(soaⁿ) ê 辛苦(sin-khó͘)，贪恋(tham-loân) 平地(pîⁿ-tē) ê 舒适(su-sek)，soah 失去(sit-khì) 活力(oa̍h-le̍k)。当(tng) 受(siū) 风雪(hong-seh) ê 打击(tá-kek)，就(chiū) 倒(tó) 落去(lo̍h-khì) tī 平(pîⁿ)iûⁿ 里(nih)，埋葬(bâi-chòng) tī 黄金(n̂g-kim) 色(sek) ê 沙(soa) 中(tiong)。上帝(siōng-tè) ê 山(soaⁿ) 是(sī) 做(choè) 伊(i) ê 子民(chú-bîn) ê 保障(pó-chiòng)。

人生(jîn-seng) ê 失败(sit-pāi)、忧伤(iu-siong)、试炼(chhì-liān)，对(tùi) 咱(lán) ê 利益(lī-ek)，咱(lán) 现在(hiān-chāi) m̄ 知(chai)；咱(lán) 只有(chí-ū) 信靠(sìn-khò) 天父(thiⁿ-pē)。伊(i) tī 咱(lán) 身边(sin-piⁿ) 牵(khan) 咱(lán) ê 手(chhiú)，chhōa 咱(lán) 行(kiâⁿ) 一生(it-seng) ê 道路(tō-lō͘)。

新年(sin-nî) 新(sin) 祝福(chiok-hok)

伊(i) chhōa 咱(lán) 行(kiâⁿ) 生疏(chhiⁿ-so͘) ê 路(lō͘)，
Chhōa 咱(lán) 向前(hiòng-chêng) 一步(chi̍t-pō͘) koh 一步(chi̍t-pō͘)，
有(ū) 软弱(loán-jio̍k)，有(ū) 跋倒(poa̍h-tó)，
暗(àm)mo͘-mo͘，大(toā) 风雨(hong-hō͘)，
若是(nā-sī) 乌云(o͘-hûn) 过了(kè-liáu)，
咱(lán) 知(chai)，伊(i) 犹(iáu) 继续(kè-sio̍k) chhōa 咱(lán) ê 前途(chiân-tô͘)。

伊(i) chhōa 咱(lán) 过(kè) 坎坎(kham-kham) 坷坷(khia̍t-khia̍t) ê 年(nî)，
有(ū) ǹg望(bāng)，有(ū) 惊惶(kiaⁿ-hiâⁿ)，有(ū) 侥疑(giâu-gî)，
Koh 失败(sit-pāi)，koh 忧伤(iu-siong)，乌暗(o͘-àm) 时(sî)，
M̄ 免惊(bián-kiaⁿ)，伊(i) chhōa 咱(lán) 过(kè) 每(múi) 个(ê) 时期(sî-kî)；
咱(lán) 知(chai)，这(che) 是(sī) 伊(i) ê 好(hó) 旨意(chí-ì)，
伊(i) 犹(iáu) 继续(kè-sio̍k) chhōa 咱(lán) 过(kè) 日子(ji̍t-chí)。


附注:《荒漠甘泉》汉罗版kap "Hong-bô͘ Kam-chôaⁿ"全罗版附CD，由人光出版社出版， 欢迎洽购(06-235-6277分机(122~124) ， e-mail:book@pctpress.org