《台语荒漠甘泉（汉罗版）》

 | | | 转寄

信m̄信

作者 陈清俊 译 林俊育 汉罗翻写 2011.06.26

listen 六月二六(六月二十六日)

「设使(siat-sú) 有(ū) ê 无(bô) 信(sìn)，就(chiū) 怎样(cháiⁿ-iūⁿ)？In ê 无(bô) 信(sìn) beh 废无(hòe-bô) 上帝(siōng-tè) ê 信实(sìn-si̍t) mah?」(罗马(lô-má) 3：3)

我(góa) 想(siūⁿ) 我(góa) 一生(it-seng) ê 每(múi) 一个(chi̍t-ê) 悲伤(pi-siong) lóng thang 讲(kóng) 是(sī) 因为(in-ūi) m̄ 信(sìn) 所(só͘) 致(tì) ê。若是(nā-sī) 我(góa) 相信(siong-sìn)，过去(kè-khì) ê 一切(it-chhè) 受(siū) 赦免(sià-bián)，现今(hiān-kim) 我(góa) 满满(móa-móa) 有(ū) 力量(le̍k-liōng)，将来(chiong-lâi) 满(móa) 有(ū) 希望(hi-bōng)，án-ni，我(góa) kiám m̄ 是(sī) 时时(sî-sî) 幸福(hēng-hok) 快乐(khòai-lo̍k) mah?

是(sī)，未来(bī-lâi) 是(sī) 灿烂(chhàn-lān) ê，上帝(siōng-tè) 是(sī) 信实(sìn-si̍t) ê。伊(i) ê 真理(chin-lí) 永(éng) 无(bô) 改变(kái-piàn)，bōe 因为(in-ūi) 我(góa) ê 变化(piàn-hòa) 来(lâi) 改变(kái-piàn)。我(góa) m̄ 信(sìn) 伊(i) ê 应允(èng-ún) 来(lâi) 跋倒(po̍ah-tó) ê 时(sî)，伊(i) 也(iā) 无(bô) 摇动(iô-tāng)。伊(i) ê 信实(sìn-si̍t) ná 高高(kôaiⁿ-kôaiⁿ) ê 山(soaⁿ) khiā -tiâu-tiâu，钻(chǹg) 到(kàu) 天顶(thiⁿ-téng) hiah 高大(kôan-tōa)，伊(i) ê 地基(tē-ki) lóng 钉(tèng) tī 上帝(siōng-tè) ê 石磐(chio̍h-pôaⁿ) 顶(téng)，深(chhim)，bōe 会(ōe) 测度(chhek-to̍k) ê。

Blanc 山(soaⁿ) 并(pēng) bōe 因为(in-ūi) peh 山(soaⁿ) ê 人(lâng) 目睭(ba̍k-chiu) 花(hoe)，á 是(sī) 云雾(hûn-bū) 就(chiū) 无去(bô-khì)。――James Smetham

咱(lán) 若(nā) 因为(in-ūi) 无(bô) 信(sìn) 上帝(siōng-tè) ê 应允(èng-ún) soah 失去(sit-khì) 伊(i) ê 祝福(chiok-hok)，kiám 有(ū) 甚么(sím-mi̍h) 奇怪(kî-kòai)？并(pēng) m̄ 是(sī) 讲(kóng)，若(nā) 有(ū) 信(sìn) 就(chiū) 一定(it-tēng) 得(tit) tio̍h 上帝(siōng-tè) ê 回答(hôe-tap)，也(iā) m̄ 是(sī) 讲(kóng)，咱(lán) ê 努力(ló͘-le̍k) 就(chiū) 一定(it-tēng) 会(ōe) 得(tit) tio̍h。相信(siong-sìn) 只是(chí-sī) 必要(pit-iàu) ê 条件(tiâu-kiāⁿ)，上帝(siōng-tè) ia̍h 有(ū) 权(kôan) thang 决定(koat-tēng) 赏赐(siúⁿ-sù) ê 其他(kî-tha) 条件(tiâu-kiāⁿ)。――Samuel Hart

无(bô) 信(sìn) ê 人(lâng) 一直(it-ti̍t) 问(mn̄g)：「这(che) án 怎(chóaⁿ) 可能(khó-lêng)？」无(bô) 信(sìn) ê 人(lâng) 心内(sim-lāi) lóng 是(sī)「án 怎(chóaⁿ)？」信心(sìn-sim) 只有(chí-ū) 一个(chi̍t-ê) 回答(hôe-tap)，虽然(sui-jiân) 有(ū) 千千(chheng-chheng) 万万(bān-bān) ê「án 怎(chóaⁿ)？」一个(chi̍t-ê) 回答(hôe-tap) 就是(chiū-sī) 上帝(siōng-tè) 本身(pún-sin)。――C. H. M.

人(lâng) 若(nā) beh 用(ēng) siōng 短(té) ê 祈祷(kî-tó)，来(lâi) 成就(sêng-chiū) 真(chin) 大(tōa) ê tāi-chì，就(chiū) tio̍h 合(ha̍p) tī 主(chú) 耶稣(iâ-so͘) 所(só͘) 教示(kà-sī) 咱(lán) ê 祈祷(kî-tó)。只要(chí-iàu) 有(ū) 一个(chi̍t-ê) 完全(ôan-chôan) 信心(sìn-sim) ê 人(lâng) khiā 起来(khí-lâi)，就(chiū) 会(ōe) 将(chiong) 世界(sè-kài) ê 历史(le̍k-sú) 改变(kái-piàn)。

你(lí) 是(sī) m̄ 是(sī) chit-ê 人(lâng) mah?顺(sūn) thàn 父(pē) 上帝(siōng-tè) ê 旨意(chí-ì) kap 伊(i) ê 指示(chí-sī)。――A. E. McAdam

无(bô) 信心(sìn-sim) ê 祈祷(kî-tó) 会(ōe) 真(chin) 紧(kín) 变做(pìⁿ-chòe) 无(bô) 目的(bo̍k-tek) ê「八股文(pat-kó͘-bûn)」，无(bô) 真心(chin-sim) ê 虚假(hu-ké)。有(ū) 信心(sìn-sim) ê 祈祷(kî-tó) 会(ōe) 得(tit) tio̍h 上帝(siōng-tè) ê 支持(chi-chhî) 咱(lán) ê 所(só͘) 求(kiû)。Tī 一生(it-seng) 中(tiong)，ài 先(seng) 了解(liáu-kái) 祈祷(kî-tó) ê 力量(le̍k-liōng)，chiah 真实(chin-si̍t) 来(lâi) 祈祷(kî-tó)。真实(chin-si̍t) ê 祈祷(kî-tó)，有时(ū-sî) 是(sī)「恬恬(tiām-tiām) ê 几(kúi) 句(kù) 话(ōe)」，koh「天(thiⁿ) kap 地(tōe)」，koh「过去(kè-khì) kap 将来(chiong-lâi)」讲(kóng) “Amen!”就(chiū) 够额(kàu-gia̍h)。 这(che) 是(sī) 主(chú) 基督教(ki-tok-kàu) 咱(lán) 祈祷(kî-tó) ê 方式(hong-sek)。――P.C.M.

无(bô) 有(ū) tāi-chì 用(ēng) 祈祷(kî-tó) 达(ta̍t) bōe tio̍h ê，除了(tû-liáu) 无(bô) 合(ha̍p) tī 上帝(siōng-tè) ê 旨意(chí-ì)。


附注:《荒漠甘泉》汉罗版kap "Hong-bô͘ Kam-chôaⁿ"全罗版附CD，由人光出版社出版， 欢迎洽购(06-235-6277分机(122~124) ， e-mail:book@pctpress.org