《台语荒漠甘泉（汉罗版）》

 | | | 转寄

看bōe-tio̍h ê信

作者 陈清俊 译 林俊育 汉罗翻写 2011.04.24

listen 四月二四(四月二十四日)

「信(sìn) 就是(chiū-sī) 所(só͘) ǹg 望(bāng)--ê ê 实在(si̍t-chāi)，kap bē 看见(khòaⁿ-kìⁿ) ê 事(sū) ê 凭准(pîn-chún)。」(希伯来(hi-pek-lâi) 11：1)
真正(chin-chiàⁿ) ê 信心(sìn-sim) 亲像(chhin-chhiūⁿ) 将(chiong) phoe hiat 落去(lo̍h-khì) phoe 桶(tháng) 以后(í-āu) 就(chiū) 无(bô) 去(khì) 管(kóan) 伊(i)；无(bô) 信任(sìn-jīm) ê，ná 亲像(chhin-chhiūⁿ) 手(chhiú) 掠(lia̍h) tī phoe ê 一(chi̍t) pêng(无(bô) 寄出(kià-chhut))，然后(jiân-āu) 烦恼(hôan-ló) 对方(tùi-hong) 为何(ūi-hô) iáu-bōe 回(hôe) phoe。我(góa) ê 书桌(chu-toh) á 顶(téng) 有(ū) phoe，有(ū) ê 是(sī) 几(kúi) nā 礼拜(lé-pài) 前(chêng) 所(só͘) 写(siá) ê，是(sī) 因为(in-ūi) 住所(chū-só͘) 无(bô) 确定(khak-tēng)，内容(lāi-iông) iáu-bōe 好(hó)，就(chiū) 无(bô) 寄出(kià-chhut)。Chiah-ê phoe 对(tùi) 我(góa) 对(tùi) 别人(pa̍t-lâng) lóng 无(bô) 利益(lī-ek)。我(góa) 若(nā) 无(bô) 寄出(kià-chhut)，就(chiū) 永远(éng-óan) bōe 达到(ta̍t-kàu) 对方(tùi-hong) ê 手(chhiú)。

真正(chin-chiàⁿ) ê 信心(sìn-sim) 也是(iā-sī) án-ni，信心(sìn-sim) 是(sī) 将(chiong) tāi-chì 交托(kau-thok) 上帝(siōng-tè)，hō͘ 伊(i) 去(khì) 处理(chhú-lí)。诗篇(si-phian) 37：5 是(sī) 对(tùi) chit 点(tiám) 极(ke̍k) 有力(ū-la̍t) ê 确认(khak-jīm)，「当(tng) 你(lí) 将(chiong) tāi-chì 交托(kau-thok) 耶和华(iâ-hô-hoa)，倚靠(óa-khò) 伊(i)，伊(i) beh 成全(sêng-chôan)。」伊(i) ài 咱(lán) 将(chiong) 事(sū) 交托(kau-thok) 伊(i)，伊(i) chiah beh 成全(sêng-chôan)。信心(sìn-sim) 是(sī) 接受(chiap-siū)，讲(kóng) khah 正确(chèng-khak) ê，真正(chin-chiàⁿ) 是(sī) tùi 上帝(siōng-tè) 得(tit) tio̍h 咱(lán) ê 礼物(lé-bu̍t)。咱(lán) 相信(siong-sìn) 伊(i)，到(kàu) 伊(i) ê 面前(bīn-chêng)，将(chiong) 家己(ka-kī) 交托(kau-thok) hō͘ 伊(i)，tī 伊(i) ê 内面(lāi-bīn) 得(tit) 安歇(an-hioh)。总是(chóng-sī) 咱(lán) iáu-bōe 顺服(sūn-ho̍k) 来(lâi) 接受(chiap-siū) 伊(i) 以前(í-chêng)，bōe-thang 充分(chhiong-hun) 知(chai) 咱(lán) 所(só͘) 享受(hiáng-siū) ê 福气(hok-khì)。――录(lo̍k) tùi「Tī 地(tōe) ná tī 天(thiⁿ)」(from Days of Heaven upon Earth)

有(ū) 一个(chi̍t-ê) 老(lāu) 太太(thài-thài) 为(ūi) tio̍h 伊(i) ê kiáⁿ ê 情形(chêng-hêng) teh 担忧(tam-iu)，Phê-sng 博士(phok-sū) (Dr.Payson)，写(siá) phoe hō͘ chīt-ê 老(lāu) 太太(thài-thài) 讲(kóng)：

「你(lí) 为(ūi) 伊(i) 过头(kè-thâu) 操心(chhau-sim)，你(lí) 为(ūi) 伊(i) 祈祷(kî-tó)，就(chiū) 你(lí) 已经(í-keng) 做(chòe) 过(kè)，也(iā) 将(chiong) 伊(i) 交代(kau-tāi) hō͘ 上帝(siōng-tè)，你(lí) 就(chiū) 无(bô) 应该(eng-kai) koh 为(ūi) 伊(i) 忧伤(iu-siong)。」上帝(siōng-tè) ài 咱(lán)「一概(it-khài) 莫得(bo̍h-tit) 挂虑(kòa-lū)」(腓立比(hui-li̍p-pí) 4：6)，是(sī) 无(bô) 留(lâu) 一点(chi̍t-tiám) á 烦恼(hôan-ló) tī 家己(ka-kī) ê 心内(sim-lāi)。另外(lēng-gōa) 一节(chi̍t-chat) 经文(keng-bûn)：「Lín tio̍h 将(chiong) 一切(it-chhè) ê 挂虑(kòa-lū) 交付(kau-hù) 上帝(siōng-tè)。」(I 彼得(pí-tet) 5：7)，也是(iā-sī) án-ni ê 意思(ì-sù)。若是(nā-sī) 咱(lán) 已经(í-keng) 将(chiong) 担(tàⁿ) 交(kau) hō͘ 别人(pa̍t-lâng)，chit-ê 担(tàⁿ) kiám iáu 会(ōe) teh tī 咱(lán) ê 身上(sin-chiūⁿ) mah?是(sī) m̄ 是(sī) 咱(lán) koh 将(chiong) 担(tàⁿ) the̍h tńg 来(lâi)，留(lâu) tī 身边(sin-piⁿ)，这(che) 就(chiū) 表示(piáu-sī) 咱(lán) 无(bô) 将(chiong) 担(tàⁿ) 交(kau) hō͘ 上帝(siōng-tè)。Tī 咱(lán) ê 生活(seng-o̍ah) 中(tiong)，我(góa) án-ni 试验(chhì-giām) 我(góa) ê 祈祷(kî-tó)。我(góa) 若(nā) 将(chiong) 一件(chi̍t-kiāⁿ) 事(sū) 交托(kau-thok) 上帝(siōng-tè)，会(ōe) 亲像(chhin-chhiūⁿ) Hap-ná án-ni (撒母耳(sat-bó͘-jíⁿ) 上(siōng) 1：18)，心(sim) 无(bô) 忧愁(iu-chhiû)、痛苦(thòng-khó͘)、忧虑(iu-lū)。我(góa) 认为(jīm-ûi) he 就(chiū) 证明(chèng-bêng) 我(góa) 有(ū) 信心(sìn-sim) ê 祈祷(kî-tó)。假使(ká-sú) 我(góa) 祈祷(kî-tó) 了(liáu)，iáu 有(ū) 重担(tāng-tàⁿ)，我(góa) thang 确定(khak-tēng) 我(góa) 无(bô) 表达(piáu-ta̍t) 出(chhut) 真正(chin-chiàⁿ) ê 信心(sìn-sim)。


附注:《荒漠甘泉》汉罗版kap "Hong-bô͘ Kam-chôaⁿ"全罗版附CD，由人光出版社出版， 欢迎洽购(06-235-6277分机(122~124) ， e-mail:book@pctpress.org