《台语荒漠甘泉（汉罗版）》

 | | | 转寄

水中经过

作者 陈清俊 译 林俊育 汉罗翻写 2011.02.06

listen 二月初六(二月六日)

「伊(i) 将(chiong) 海(hái) 变做(pìⁿ-chòe) 干地(ta-tōe)；in 步行(pō͘-kiâⁿ) 过(kè) 河(hô)；tī-hia 阮(góan) 因为(in-ūi) 伊(i) 来(lâi) 欢喜(hoaⁿ-hí)。」(诗篇(si-phian) 66：6)

「步行(pō͘-kiâⁿ) 过(kè) 河(hô)」á 是(sī)「经过(keng-kòe) 水中(chúi-tiong)」，chit 句(kù) 话(ōe) 真(chin) 有(ū) 意思(ì-sù)。人(lâng) tī 水中(chúi-tiong) 除了(tû-liáu) 惊惶(kiaⁿ-hiâⁿ)、冲狂(chhiong-kông)、失望(sit-bōng)，惊(kiaⁿ) 失落(sit-lo̍h) 性命(sìⁿ-miā)；kiám iáu 有(ū) 甚么(sím-mi̍h) 期待(kî-thāi) mah?总是(chóng-sī) tī-chia，以色列(í-sek-lia̍t) 民众(bîn-chiòng) 却(khiok)「来(lâi) 欢喜(hoaⁿ-hí)」。

Jōa-chōe 人(lâng) tī chit 种(chióng) 情形(chêng-hêng) 会(ōe) 想(siūⁿ) tio̍h 本身(pún-sin) ê 情景(chêng-kéng)，当(tng) 咱(lán) tī 痛苦(thòng-khó͘)、忧伤(iu-siong) ê 时(sî)，咱(lán) kiám 会(ōe) 亲像(chhin-chhiūⁿ) 以色列(í-sek-lia̍t) 人(lâng) 来(lâi) 欢喜(hoaⁿ-hí)，来(lâi) 唱歌(chhiùⁿ-koa)，跳舞(thiàu-bú) neh?

靠(khò) tio̍h 天父(thiⁿ-pē) ê 应允(èng-ún)，伊(i) kap 咱(lán) 何等(hô-téng) ê 接近(chiap-kūn)。Chiah-ê 应允(èng-ún) hō͘ 咱(lán) 头前(thâu-chêng) ê 路得(lō͘-tek) tio̍h 光(kng) 照(chiò)。总是(chóng-sī) 一旦(it-tàn) 环境(khôan-kéng) 变(piàn) 好(hó)，生活(seng-o̍ah) 富裕(hù-jū) 后(āu)，咱(lán) 就(chiū) 无(bô) 看见(khòaⁿ-kìⁿ) 天父(thiⁿ-pē) ê 应允(èng-ún)。亲像(chhin-chhiūⁿ) tī 日时(ji̍t-sî) 看(khòaⁿ) bōe-tio̍h 星辰(chhiⁿ-sîn) 一样(chi̍t-iūⁿ)。到(kàu) 天(thiⁿ) 暗(àm)，就是(chiū-sī) 忧伤(iu-siong) 来临(lâi-lîm) ê 时(sî)，众(chèng) 星辰(chhiⁿ-sîn) koh tī 天里(thiⁿ-nih) 光(kng) nà-nà，也(iā) 带(tòa) 天父(thiⁿ-pē) 宝贵(pó-kùi) ê 应允(èng-ún)，来(lâi) 安慰(an-ùi) 咱(lán)。

雅各(ngá-kok) tī 雅博(ngá-phok ) ê 渡头(tō͘-thâu) 所(só͘) 经历(keng-le̍k) ê:tī 暗时(àm-sî)，日头(ji̍t-thâu) 落山(lo̍h-soaⁿ)，主(chú) ê 使者(sù-chiá) 出现(chhut-hiān)，kap 伊(i) 斗力(tàu-la̍t)，相(saⁿ) ián，雅各(ngá-kok) 来(lâi) khah 赢(iâⁿ)。大(tōa) 祭司(chè-si) 亚伦(a-lûn) 也是(iā-sī) tī 暝时(mî-sî)，黄昏(hông-hun) ê 时(sî)(出埃及记(chhut-ai-ki̍p-kì) 30：8)将(chiong) 会幕(hōe-bō͘) 圣所(sèng-só͘) ê 灯(teng) 点(tiám) to̍h。基督徒(ki-tok-tô͘) ê 灯(teng) 也是(iā-sī) tī 苦难(khó͘-lān) ê 暝时(mî-sî) 点(tiám) 起来(khí-lâi)，chit-ê 时(sî) 照(chiò) tio̍h siōng 光亮(kng-liāng)。

使徒(sù-tô͘) 约翰(iok-hān) 是(sī) tī 被(pī) 放逐(hòng-tio̍k) 孤单(ko͘-toaⁿ) ê 时(sî)，见(kìⁿ) tio̍h 救赎(kiù-sio̍k) 主(chú) tī 荣光(êng-kng) 中(tiong) 显现(hián-hiān)。今(kin) á 日(ji̍t)，咱(lán) 中间(tiong-kan) 有(ū) 人(lâng) 也(iā) 生活(seng-o̍ah) tī「拔摩(po̍at-mô͘)」ê 海岛(hái-tó)(约翰(iok-hān) 受(siū) 放逐(hòng-tio̍k) ê 所在(só͘-chāi))里(nih)，也(iā) 有(ū) 天父(thiⁿ-pē) kap 咱(lán) 同在(tông-chāi) ê 无限(bû-hān) 光辉(kong-hui) 回忆(hôe-ek) 里(nih)。虽(sui) 是(sī) tī 孤独(ko͘-to̍k)、忧伤(iu-siong) 中(tiong)，也(iā) 得(tit) tio̍h 伊(i) 恩典(un-tián)、慈爱(chû-ài) ê 拯救(chín-kiù)，hō͘ 咱(lán) 脱离(thoat-lî) 肉体(jio̍k-thé) ê 孤单(ko͘-toaⁿ) kap 苦难(khó͘-lān)。

今日(kim-ji̍t) iáu 行(kiâⁿ) tī 世间(sè-kan) 痛苦(thòng-khó͘) ê 红海(âng-hái)，á 是(sī) 约但(io̍k-tàn) 河(hô) ê 天路客(thian-lō͘-kheh)，有(ū) jōa-chōe 人(lâng) 会(ōe) 永远(éng-óan) 记得(kì-tit) 天父(thiⁿ-pē) 伟大(úi-tāi) 仁慈(jîn-chû) 美好(bí-hó) ê 回忆(hôe-ek)，thang 见证(kiàn-chèng) 讲(kóng)，阮(góan) beh「行(kiâⁿ) tī 水(chúi) 里(nih)」ê 见证(kiàn-chèng)。甚至(sīm-chì) 现今(hiān-kim) iáu tī 阴阴(im-im) 暗暗(àm-àm) ê 经历(keng-le̍k) 中(tiong)，海(hái) 涌(éng) tī 四围(sì-ûi) hoa-hoa 哮(háu) ，有(ū) jōa-chōe 人(lâng) 会(ōe) 停(thêng) 落来(lo̍h-lâi) 讲(kóng)，阮(góan) beh 因为(in-ūi) 你(lí) 来(lâi) 欢喜(hoaⁿ-hí)。――J.R. Macduff

「我(góa) 也(iā) beh tùi-hia 赏赐(siúⁿ-sù) 伊(i) 葡萄园(phû-tô-hn̂g)，koh 赏赐(siúⁿ-sù) 伊(i) 亚割(a-kat) ê 山谷(soaⁿ-kok)，做(chòe) ǹg 望(bāng) ê 门(mn̂g)，伊(i) beh tī-hia 应声(ìn-siaⁿ)，kap 少年(siàu-liân) ê 日(ji̍t) 无(bô) koh-iūⁿ；」(何西阿(hô͘-se-a) 2：15)表示(piáu-sī) 是(sī) 以色列(í-sek-lia̍t) 人(lâng) 当年(tong-nî) 受苦(siū-khó͘) ê 国(kok) 会(ōe) 化做(hòa-chòe) thang 祝福(chiok-hok) ǹg 望(bāng) ê 门(mn̂g)。

Tī 水中(chúi-tiong)，乌暗(o͘-àm) 忧伤(iu-siong) 中(tiong)，靠(khò) 主(chú) 来(lâi) 欢喜(hoaⁿ-hí)。


附注:《荒漠甘泉》汉罗版kap "Hong-bô͘ Kam-chôaⁿ"全罗版附CD，由人光出版社出版， 欢迎洽购(06-235-6277分机(122~124) ， e-mail:book@pctpress.org