《台语荒漠甘泉（汉罗版）》

 | | | 转寄

天有不测风云

作者 陈清俊 译 林俊育 汉罗翻写 2011.01.16

listen
正月十六(一月十六日)

「报头(pò-thâu) 风(hong) 起(khí)。」(马可(má-khó) 4:37)

人生(jîn-seng) ê 风台(hong-thai) 忽然(hut-jiân) 临到(lîm-kàu) 咱(lán)，亲像(chhin-chhiūⁿ) 亲人(chhin-lâng) 死失(sí-sit) ê 打击(tá-kek)，痛苦(thòng-khó͘) ê 失望(sit-bōng)，伤心(siong-sim) ê 失败(sit-pāi)。有时(ū-sî) 灾难(chai-lān) 是(sī) 慢慢(bān-bān) 来(lâi)，ná 来(lâi) ná 强(kiông)，强(kiông) kah teh tī 心头(sim-thâu)，气(khùi) lóng 喘(chhóan) bōe 出来(chhut-lâi)。

Chiah-ê 风台(hong-thai) 灾难(chai-lān) 是(sī) 上帝(siōng-tè) 用(ēng) 来(lâi) 培养(pôe-ióng) 咱(lán) 来(lâi) 服事(ho̍k-sāi) 伊(i) ê 方法(hong-hoat)。上帝(siōng-tè) 若(nā) 需要(su-iàu) 一(chi̍t) 丛(châng) 强(kiông) koh 勇(ióng) ê 橡树(siōng-chhiū)，就(chiū) 会(ōe) 种(chèng) tī 狂风(kông-hong) 暴雨(po̍k-ú) ê 所在(só͘-chāi)，树(chhiū) tī 风雨(hong-hō͘) 中(tiong) ê 奋斗(hùn-tàu)，树(chhiū) 身(sin) chiah 会(ōe) 勇壮(ióng-chòng)，成做(chiâⁿ-chòe) 上等(siōng-téng) ê 木材(bo̍k-châi)。

上帝(siōng-tè) 训练(hùn-liān) 一个(chi̍t-ê) 人(lâng) 出来(chhut-lâi) 事奉(sū-hōng) 伊(i)，也是(iā-sī) 经过(keng-kòe) 满满(móa-móa) ê 奋斗(hùn-tàu) kap 艰苦(kan-khó͘) ê 操练(chhau-liān)。Tī 狂风(kông-hong) 暴雨(po̍k-ú) 打击(tá-kek) 中(tiong)，会晓(ōe-hiáu) 祈祷(kî-tó) 讲(kóng)：「主(chú) ah，我(góa) 全心(chôan-sim) 归(kui) 你(lí)，phah 我(góa)，槌(tûi) 我(góa)，nóa 我(góa)，再造(chài-chō) 我(góa)，成做(chiâⁿ-chòe) 你(lí) 完全(ôan-chôan) thang 用(ēng) ê 材料(châi-liāu)。」

有(ū) 一(chi̍t) 幅(pak) 图(tô͘) 描写(biâu-siá) 世界(sè-kài) 各种(kok-chióng) ê 天才(thian-châi) 大(tōa) 人物(jîn-bu̍t)，有(ū) gâu 讲话(kóng-ōe) ê 演说家(ián-soat-ka)，有(ū) 哲学家(tiat-ha̍k-ka)，有(ū) 殉道者(sûn-tō-chiá)，每(múi) 一个(chi̍t-ê) lóng 是(sī) tī 某(bó͘) 一(chi̍t) 方面(hong-bīn) 有(ū) 非常(hui-siông) ê 成就(sêng-chiū)，chit 幅(pak) 图(tô͘) ê 了不起(liáu-put-khí) ê 所在(só͘-chāi)，就是(chiū-sī) 每(múi) 一(chi̍t) 人(lâng) lóng 是(sī) 经过(keng-kòe) 极(ke̍k) 大(tōa) 苦难(khó͘-lān) ê 人(lâng)。有(ū) bōe-thang 入去(ji̍p-khì) 所(só͘) 应允(èng-ún) 地(tōe) ê 摩西(Mô͘-se)，有(ū) 青瞑(chhiⁿ-mî) ê 诗人(si-jîn) Hô-má (荷马(hô-má)，Homer)摸(bong) teh 行(kiâⁿ)。有(ū) 一个(chi̍t-ê) 身材(sin-châi) 高大(kôan-tōa) ê 主(chú) 耶稣(iâ-so͘)，伊(i) 特别(te̍k-pia̍t) ê 所在(só͘-chāi)，就是(chiū-sī) 伊(i) ê 面(bīn) 受(siū) 损伤(sún-siong) 比(pí) 别(pa̍t) ê 人(lâng) lóng khah 厉害(lī-hāi)。Chit-ê 画图家(ōe-tô͘-ka) 可能(khó-lêng) kā 图(tô͘) 号(hō) 做(chòe)「暴风雨(pō-hong-ú)」。

大自然(tāi-chū-jiân) 经过(keng-kòe) 风吹(hong-chhe) 雨淋(hō͘-lâm) 后(āu)，koh-khah 美丽(bí-lē)，大(tōa) 山(soaⁿ) ê súi 也是(iā-sī) 受(siū) 风雨(hong-hō͘) ê 致荫(tì-ìm)。人生(jîn-seng) ta̍k 路(lō͘) 英雄(eng-hiông) 人物(jîn-bu̍t) kiám lóng m̄ 是(sī) 有(ū) 满满(móa-móa) 风浪(hong-lōng)、奋斗(hùn-tàu) ê 痕迹(hûn-jiah) mah?

你(lí) 一定(it-tēng) 经历(keng-le̍k) 过(kè) 风雨(hong-hō͘) ê 打击(tá-kek)，你(lí) 是(sī) m̄ 是(sī) 受伤(siū-siong)，困苦(khùn-khó͘) 倒(tó) 落去(lo̍h-khì)；á 是(sī) 风雨(hong-hō͘) 将(chiong) 你(lí) 提升(thê-seng) 到(kàu) 满(móa) 有(ū) 太阳(thài-iông) ê 山顶(soaⁿ-téng)，成做(chiâⁿ-chòe) 性命(sìⁿ-miā) khah 丰盛(hong-sēng)，khah 坚固(kian-kò͘)，信心(sìn-sim) khah 坚定(kian-tēng) ê 人(lâng) mah?经过(keng-kòe) 风雨(hong-hō͘) 以后(í-āu)，是(sī) m̄ 是(sī) koh-khah 会(ōe) 同情(tông-chêng) 受(siū) 风雨(hong-hō͘) 打击(tá-kek)，伤迹(siong-jiah) 满身(móa-sin) ê 人(lâng)？

树头(chhiū-thâu) khiā 有(ū) 在(chāi)，m̄ 惊(kiaⁿ) 树尾(chhiū-bé) 做(chòe) 风台(hong-thai)

上帝(siōng-tè) 所(só͘) 栽(chai) ê 树(chhiū)，
M̄ 惊(kiaⁿ) 狂风(kông-hong) 吹(chhe) koh giú，
Ǹg 东(tang) 剖(phòa)，ǹg 西(sai) khiú，
树叶(chhiū-hio̍h) 摇(iô) 来(lâi) 摇(iô) 去(khì) hàiⁿ 千秋(chhian-chhiu)。
上帝(siōng-tè) 所(só͘) 栽(chai) ê 树(chhiū)，
根(kun) ná 深(chhim)，枝叶(ki-hio̍h) ná 上( chiūⁿ )，
枝(ki) e ná 阔(khoah)，出(chhut) tī 上帝(siōng-tè) ê 手(chhiú)，
Lóng 是(sī) 树(chhiū) á 所(só͘) 需求(su-kiû)。

上帝(siōng-tè) 所(só͘) 疼(thiàⁿ) ê 树栽(chhiū-chai)，
无(bô) 甚物(sím-mi̍h) 力(la̍t) 会(ōe) kā 伤害(siong-hāi)，
雷(lûi) kòng、sih-ná 电(tiān)、雨(hō͘) 冲( chhiâng)、风台(hong-thai)，
过了(kè-liáu)，犹原(iû-gôan) 自在(chū-chāi)。
上帝(siōng-tè) 所(só͘) 疼(thiàⁿ) ê 树栽(chhiū-chai)，
每(múi) pái 风雨(hong-hō͘) 后(āu)，犹(iáu) khiā 在在(chāi-chāi)，
Tùi 头日(thâu-ji̍t) 到(kàu) 末(bo̍at) 世界(sè-kài)，
时时(sî-sî) teh 长大(tióng-tāi)。


附注:《荒漠甘泉》汉罗版kap "Hong-bô͘ Kam-chôaⁿ"全罗版附CD，由人光出版社出版， 欢迎洽购(06-235-6277分机(122~124) ， e-mail:book@pctpress.org