《台语荒漠甘泉（汉罗版）》

 | | | 转寄

闲闲坐

作者 陈清俊 译 林俊育 汉罗翻写 2010.12.26

listen
十二月二六(十二月二十六日)

「Lín chiah-ê 坐(chē) chia，thèng 候(hāu) 我(góa) 去(khì) hia 祈祷(kî-tó)。」(马太(má-thài) 26：36)

Tī 危急(gûi-kip) ê 时(sî)，放(pàng) 人(lâng) 闲闲(êng-êng) 无(bô) tāi-chì 是(sī) 真(chin) 困难(khùn-lân) ê 事(sū)。Tī 客西马尼(Khek-se-má-nî) 园(hn̂g) ê 祈祷(kî-tó)，耶稣(iâ-so͘) 本身(pún-sin) 去(khì) 头前(thâu-chêng) 祈祷(kî-tó)，彼得(pí-tet)、雅各(ngá-kok) kap 约翰(iok-hān) tè 伊(i) teh 惊醒(kéng-séng)，伊(i) 将(chiong) 八个(peh-ê) 学生(ha̍k-seng) 放(pàng) tī 边(piⁿ) á，闲闲(êng-êng) 无(bô) tāi-chì。我(góa) 想(siūⁿ) chiah-ê 学生(ha̍k-seng) 一定(it-tēng) teh 埋怨(bâi-òan)。In 也(iā) 是(sī) tī 园(hn̂g) 里(nih)，总是(chóng-sī) 无(bô) 份(hūn) tī 参加(chham-ka) 园(hn̂g) 内(lāi) 花盆(hoe-phûn) ê 栽培(chai-pôe)、培养(pôe-ióng) ê 工作(kang-chok)。这(che) 是(sī) 危机(gûi-ki) ê 时(sî)，是(sī) 极(ke̍k) 紧张(kín-tiuⁿ) ê 时(sî)，竟然(kèng-jiân) 无(bô) hō͘ in 参与(chham-ú)。

你(lí) 我(góa) 一定(it-tēng) 也(iā) 有(ū) chit 类(lūi) ê 经验(keng-giām)，感觉(kám-kak) 真(chin) 失望(sit-bōng)。看(khòaⁿ) tio̍h 一个(chi̍t-ê) 服事(ho̍k-sāi) 基督(ki-tok) ê 好(hó) 机会(ki-hōe)，有(ū) 人(lâng) 马上(má-siōng) 受(siū) 派(phài) 去(khì) 工作(kang-chok)，也(iā) 有(ū) 人(lâng) 受(siū) 训练(hùn-liān) 准备(chún-pī) 受(siū) 差遣(chhe-khián)，总是(chóng-sī) 本身(pún-sin) 是(sī) 被迫(pī-pek) 闲闲(êng-êng) teh 等(tán)，无(bô) 做(chòe) 甚么(sím-mi̍h)。可能(khó-lêng) 是(sī) 当(tng) teh 破病(phòa-pīⁿ)，可能(khó-lêng) 是(sī) sàn-chhiah 无(bô) 力(la̍t) thang 做(chòe)，也(iā) 可能(khó-lêng) 是(sī) 受(siū) 可怕(khó-phàⁿ) ê 侮辱(bú-jio̍k)。不管(put-kóan) án-chóaⁿ，你(lí) 无(bô) 份(hūn) tī 这(che) 工程(kang-thêng)，你(lí) bōe 明白(bêng-pe̍k) 为甚么(ūi-sím-mi̍h) 受(siū) 排斥(pâi-thek) tī chit 部分(pō͘-hūn) ê 基督徒(ki-tok-tô͘) 生活(seng-o̍ah) ê 外面(gōa-bīn)。既然(kì-jiân) 你(lí) 是(sī) 进入(chìn-ji̍p) tī 园(hn̂g) 内(lāi)，为何(ūi-hô) 无(bô) 工(kang) thang 做(chòe)，是(sī) 真(chin) 无(bô) 公平(kong-pêng)。

亲爱(chhin-ài) ê 朋友(pêng-iú)，心(sim) 安(an) 一下(chi̍t-ē)，tāi-chì m̄ 是(sī) 你(lí) 所(só͘) 看(khòaⁿ) ê hit 款(khóan)！你(lí) 并(pēng) 无(bô) 受(siū) 排斥(pâi-thek) tī 任何(jīm-hô) 基督徒(ki-tok-tô͘) 生活(seng-o̍ah)。你(lí) 想(siūⁿ) 上帝(siōng-tè) ê 园(hn̂g) 里(nih) 只有(chí-ū) 行(kiâⁿ) kap khiā ê 人(lâng) mah?M̄ 是(sī)，园(hn̂g) 内(lāi) iáu 有(ū) 所在(só͘-chāi) hō͘ 人(lâng) thang 坐(chē)。亲像(chhin-chhiūⁿ) 英文(eng-bûn) 中(tiong) ê 动词(tōng-sû)，有(ū) 三(saⁿ) 种(chióng)，――主动(chú-tōng)、被动(pī-tōng)，koh 有(ū) 不动(put-tōng)，就是(chiū-sī) 中性(tiong-sèng) ê。主动(chú-tōng) ê 人(lâng) 是(sī) tī 战场(chiàn-tiûⁿ) 战斗(chiàn-tàu) 到(kàu) 日落(ji̍t-lo̍h)，被动(pī-tōng) ê 人(lâng) teh 观看(koan-khòaⁿ)，teh 报告(pò-kò) 战斗(chiàn-tàu) ê 进展(chìn-tián) ê，不动(put-tōng) ê 人(lâng) 是(sī) 坐(chē) teh，歇困(hioh-khùn)，也(iā) teh thèng 候(hāu)，无(bô) 做(chòe) 甚么(sím-mi̍h)。

Chit-ê 情形(chêng-hêng)，你(lí) m̄-thang 想(siūⁿ) 讲(kóng) 你(lí) 奉(hōng) sak tī 一(chi̍t) 角(kak)。其实(kî-si̍t)，是(sī) 基督(ki-tok) 亲身(chhin-sin) 对(tùi) 你(lí) 讲(kóng)：「坐(chē) tī chia。」你(lí) tī 园(hn̂g) 内(lāi) ê 位(ūi) 是(sī) 上帝(siōng-tè) 特别(te̍k-pia̍t) 留(lâu) ê，m̄-nā 是(sī) teh tng 等(tán) beh án-chóaⁿ 使用(sú-iōng) ê 所在(só͘-chāi)。上帝(siōng-tè) 带(tòa) 世间(sè-kan) 人(lâng)，chōe-chōe 人(lâng) 无(bô) 做(chòe) 伟大(úi-tāi) ê 工程(kang-thêng)，无(bô) 负(hū) 真(chin) 大(tōa) ê 责任(chek-jīm)。In ê 工作(kang-chok) 就是(chiū-sī)「存在(chûn-chāi)」，是(sī) 不动(put-tōng)，是(sī) 中性(tiong-sèng) ê。In 无(bô) 得(tit) tio̍h 大(tōa) 胜利(sèng-lī)，也(iā) 无(bô) 亲像(chhin-chhiūⁿ) 彼得(pí-tet)、雅各(ngá-kok)，kap 约翰(iok-hān) 受(siū) 注目(chù-ba̍k)，只是(chí-sī) 静静(chēng-chēng) 坐(chē) tī 筵席(iân-sia̍h) 中(tiong)。

总是(chóng-sī) 耶稣(iâ-so͘) 是(sī) 有(ū) 注意(chù-ì) tio̍h in，tùi in 所(só͘) 发出(hoat-chhut) ê 芳味(phang-bī)，in ê 美丽(bí-lē)，伊(i) 就(chiū) 真(chin) 欢喜(hoaⁿ-hí) 快乐(khòai-lo̍k)。In 生活(seng-o̍ah) 亲像(chhin-chhiūⁿ) 谷(kok) 中(tiong) ê 小(sió) 花(hoe)，tī 存在(chûn-chāi)，可爱(khó-ài) ê 坚持(kian-chhî)，就(chiū) 满(móa) 主(chú) ê 心意(sim-ì)，何必(hô-pit) 加添(ke-thiⁿ) 埋怨(bâi-òan)，hoah 不平(put-pêng)。


附注:《荒漠甘泉》汉罗版kap "Hong-bô͘ Kam-chôaⁿ"全罗版附CD，由人光出版社出版， 欢迎洽购(06-235-6277分机(122~124) ， e-mail:book@pctpress.org