《台语荒漠甘泉（汉罗版）》

 | | | 转寄

选行ê路

作者 陈清俊 译 林俊育 汉罗翻写 2010.12.05

listen
十二月初五(十二月五日)

「耶和华(iâ-hô-hoa) ah，我(góa) 知(chai) 人(lâng) ê 路(lō͘)，m̄ 是(sī) tùi 家己(ka-kī)；行路(kiâⁿ-lō͘) ê 人(lâng) 亦(ia̍h) bōe 主(chú) 意(ì) 家己(ka-kī) ê 脚步(kha-pō͘)。」(耶利米(iâ-lī-bí) 10：23)

「chhōa我(góa) tī 平坦(pîⁿ-tháⁿ) ê 路(lō͘)。」(诗篇(si-phian) 27：11)

真(chin) chōe 人(lâng) beh 指挥(chí-hui) 上帝(siōng-tè)，无(bû) 将(chiong) 家己(ka-kī) 交(kau) hō͘ 上帝(siōng-tè)。In ài 上帝(siōng-tè) 指示(chí-sī) 路(lō͘)，却(khiok) m̄ 照(chiàu) 伊(i) 所(só͘) 指示(chí-sī) ê 路(lō͘) 行(kiâⁿ)。――Madame Guyon

我(góa) 讲(kóng)：「hō͘ 我(góa) 工作(kang-chok) tī 乡村(hiong-chhoan)」，
上帝(siōng-tè) 讲(kóng)：「m̄ 是(sī)，tī 都市(to͘-chhī) 宣传(soan-thôan)」，
我(góa) 讲(kóng)：「Hia 无(bô) 花(hoe) thang 选(sóan)」，
伊(i) 讲(kóng)：「无(bô) 花(hoe) 但是(tān-sī) 有(ū) 荣冠(êng-koan)。」

我(góa) 讲(kóng)：「但是(tān-sī) 天(thiⁿ) 是(sī) 乌乌(o͘-o͘) 无(bô) 款(khóan)，
Lóng 总(chóng) 无(bô)，只有(chí-ū) 吵(chhá) koh 乱(lōan)。
但是(tān-sī) 伊(i) 伤心(siong-sim) 差(chhe) 我(góa) tńg 返(hóan)，
Iáu 有(ū) 罪犯(chōe-hōan)。」

我(góa) 讲(kóng)：「但是(tān-sī) 空气(khong-khì) lah-sap 满满(móa-móa)，
乌烟(o͘-ian) 遮(jia) cha̍h 日头(ji̍t-thâu) 不断(put-tōan)。」
伊(i) 回(hôe)：「心灵(sim-lêng) 有(ū) 病(pīⁿ) 无(bô) 全(chôan)，
Hia ê 工作(kang-chok) iáu-bōe 完(ôan)。」

我(góa) 讲(kóng)：「我(góa) siàu 念(liām) 光源(kng-gôan)，
朋友(pêng-iú) 也(iā) siàu 念(liām) 我(góa)，in 传(tōan)」，
伊(i) 回答(hôe-tap)：「今(kin) 暝(mî) 决定(koat-tēng) hō͘ 你(lí) 选(sóan)，
是(sī) 我(góa) siàu 念(liām) 你(lí) á 是(sī) in khah 高(kôaiⁿ)。」

我(góa) 请求(chhéng-kiû) 需要(su-iàu) 时间(sî-kan) 来(lâi) 判断(phòaⁿ-tòan)，
伊(i) 讲(kóng)：「Hiah oh 裁决(chhâi-koat) ê 款(khóan)？"
Tī 天堂(thian-tông) 是(sī) 无(bô) 困难(khùn-lân)，无(bô) 纷乱(hun-lōan)，
若(nā) 能(ōe) 跟(kun) tè 主(chú) 脚步(kha-pō͘) 转(chóan)。」

我(góa) 看(khòaⁿ) 田野(chhân-iá) 乡村(hiong-chhoan)，
坚决(kian-koat) 面对(bīn-tùi) 都市(to͘-chhī) ê 乱(lōan)，
伊(i) 讲(kóng)：「我(góa) ê kiáⁿ ah，是(sī) 你(lí) 心愿(sim-gōan)？
无(bô) 爱(ài) 花(hoe) 爱(ài) 荣冠(êng-koan)？」

伊(i) 掠(lia̍h) tiâu 我(góa) ê 手腕(chhiú-óan)，
伊(i) 入(ji̍p) tī 我(góa) 身体(sin-thé) 各(kok) 器官(khì-koan)。
我(góa) 接受(chiap-siū) 神圣(sîn-sèng) ê 光(kng) 管(kóan)
Tī chit-ê 道路(tō-lō͘) 我(góa) 前(chêng) 所(só͘) 反叛(hóan-pōan)。――George MacDonald


附注:《荒漠甘泉》汉罗版kap "Hong-bô͘ Kam-chôaⁿ"全罗版附CD，由人光出版社出版， 欢迎洽购(06-235-6277分机(122~124) ， e-mail:book@pctpress.org