《台语荒漠甘泉（汉罗版）》

 | | | 转寄

选择

作者 陈清俊 译 林俊育 汉罗翻写 2010.10.17

listen
十月十七(十月十七日)

「若是(nā-sī) 我(góa) 断断(tòan-tòan) m̄ 夸口(khoa-kháu) 别项(pa̍t-hāng)，只有(chí-ū) 夸口(khoa-kháu) 咱(lán) ê 主(chú) 耶稣(Iâ-so͘) 基督(ki-tok) ê 十字架(si̍p-jī-kè) nā-tiāⁿ；tùi chit-ê 就(chiū) 世间(sè-kan) ǹg 我(góa) 钉(tèng) 十字架(si̍p-jī-kè)，我(góa) ǹg 世间(sè-kan) 也(iā) 是(sī) án-ni。」(加拉太(ka-lia̍p-thài) 6：14)

有(ū) 人(lâng) ài 独立(to̍k-li̍p) 生活(seng-o̍ah)，in 有(ū) 理想(lí-sióng)、期待(kî-thāi)、梦想(bōng-sióng)，主(chú) 也(iā) 答应(tap-èng) in ê 祈求(kî-kiû)。In 求(kiû) 悔改(hóe-kái) ê 心(sim)，无(bô) 惜(sioh) 代价(tāi-kè)，伊(i) hō͘ in 忧伤(iu-siong)。In 求(kiû) 纯洁(sûn-kiat)，主(chú) hō͘ in 痛苦(thòng-khó͘)。In 求(kiû) 温柔(un-jiû) ê 心(sim)，主(chú) hō͘ in ê 心(sim) 破碎(phò͘-chhùi)，伤心(siong-sim)。In 求(kiû) tùi 世间(sè-kan) ná 死(sí) 一般(chi̍t-poaⁿ)，主(chú) 除去(tû-khì) in ê 生活(seng-o̍ah) 希望(hi-bōng)。In 求(kiû) 亲像(chhin-chhiūⁿ) 主(chú)，主(chú) 就(chiū) khǹg in tī 火(hé) 中(tiong)，「锻炼(tòan-liān) in 亲像(chhin-chhiūⁿ) 金银(kim-gûn)」(玛拉基(má-la̍h-ki) 3：3) 直到(ti̍t-kàu) 能(ōe) 反射(hóan-siā) 伊(i) ê 形象(hêng-siōng)。In 求(kiû) 帮忙(pang-bâng) 背(pē) 伊(i) ê 十字架(si̍p-jī-kè)，总是(chóng-sī) 当(tng) 伊(i) the̍h hō͘ in ê 时(sî)，十字架(si̍p-jī-kè) 伤(siong) tio̍h in ê 手(chhiú)。

In 并(pēng) 无(bô) 充分(chhiong-hun) 了解(liáu-kái) in ê 所(só͘) 求(kiû)，伊(i) 是(sī) 照(chiàu) in ê 话(ōe) 答应(tap-èng) in 全部(chôan-pō͘) ê 请求(chhéng-kiû)。In bōe 肯定(khéng-tēng) 是(sī) m̄ 是(sī) 会(ōe) 远远(hn̄g-hn̄g) 跟(kun) tè 伊(i)，á 是(sī) kap 伊(i) 接近(chiap-kūn) 来(lâi) 作伙(chòe-hé)。In 惊惶(kiaⁿ-hiâⁿ)，亲像(chhin-chhiūⁿ) 雅各(ngá-kok) tī Pek-te̍k-lī 梦见(bāng-kìⁿ)「有(ū) 梯(thui) khiā tī 地(tōe) 里(nih)，梯顶(thui-téng) 抵(tú) 天(thiⁿ)，」(创世记(chhòng-sè-kì) 28：12) á 是(sī) Í-lī-hoat「tùi 暝(mî) 时(sî) 异象(īⁿ-siōng) ê 思想(su-sióng)」(约伯(Iok-pek) 记(kì) 4：13) á 是(sī) 亲像(chhin-chhiūⁿ) 耶稣(Iâ-so͘) ê 学生(ha̍k-seng) hiah-nih 惊(kiaⁿ)，「掠(lia̍h) 做(chòe) 所(só͘) 看见(khòaⁿ-kìⁿ) ê 是(sī) 神(sîn)。」(路加(Lō͘-ka) 24：37) m̄ 知(chai) 是(sī) 耶稣(Iâ-so͘)。学生(ha̍k-seng) 惊(kiaⁿ) kah 想(siūⁿ) ài 求(kiû) 伊(i) 离开(lī-khui) in，á 是(sī) 将(chiong) 伊(i) ê 荣光(êng-kng) chhàng 起来(khí-lâi)。

In 发见(hoat-kiàn) 顺服(sūn-ho̍k) 比(pí) 食苦(chia̍h-khó͘) khah 快(khòai)，工作(kang-chok) 比(pí) 放弃(hòng-khì) khah 容易(iông-īⁿ)，背(pē) 十字架(si̍p-jī-kè) 比(pí) 钉(tèng) 十字架(si̍p-jī-kè) khah 轻松(khin-sang)。总是(chóng-sī) in 现在(hiān-chāi) 已经(í-keng) bōe-thang 回头(hôe-thâu)，因为(in-ūi) in 已经(í-keng) 想(siūⁿ) 接近(chiap-kūn) in 灵性(lêng-sèng) 生活(seng-o̍ah) 中(tiong) 所(só͘) 看(khòaⁿ) bōe tio̍h ê 十字架(si̍p-jī-kè) lah。十字架(si̍p-jī-kè) ê 美德(bí-tek) kap 力量(le̍k-liōng) 已经(í-keng) 深深(chhim-chhim) 进入(chìn-ji̍p) tī in ê 内面(lāi-bīn)。主(chú) 也(iā) 实现(si̍t-hiān) 伊(i) 对(tùi) in ê 应允(èng-ún)「我(góa) 若(nā) 受(siū) 举起(kú-khí) 离开(lī-khui) 地(tōe)，就(chiū) beh 引(ín) chhōa 众人(chèng-lâng) 就近(chiū-kūn) 我(góa)。」(约翰(iok-hān) 12：32)

现在(hiān-chāi) in ê 机会(ki-hōe) 来(lâi) lah，以前(í-chêng) 是(sī) kan-taⁿ 听(thiaⁿ) 讲(kóng)，taⁿ in 实际(si̍t-chè) 感觉(kám-kak) tio̍h lah。伊(i) 将(chiong) 伊(i) 疼(thiàⁿ) ê 目睭(ba̍k-chiu) ǹg tī in ê 身上(sin-chiūⁿ)，亲像(chhin-chhiūⁿ) 对(tùi) 马利亚(Má-lī-a) kap 彼得(Pí-tet) 看(khòaⁿ) 一样(chi̍t-iūⁿ)，in 只有(chí-ū) 选择(sóan-te̍k) 跟(kun) tè 伊(i)。伊(i) 十字架(si̍p-jī-kè) 奥秘(ò-pì) ê 光(kng)，一点(chi̍t-tiám) á 一点(chi̍t-tiám) á，不时(put-sî) teh 照(chiò) in，in 看(khòaⁿ) 伊(i) tùi 地上(tē-chiūⁿ) hông 举起(kú-khí)，看(khòaⁿ) 伊(i) 圣(sèng) koh 善(siān) ê 受苦(siū-khó͘) 受伤(siū-siong) ê 孔嘴(khang-chhùi) 射(siā) 出(chhut) 荣光(êng-kng)。In 看(khòaⁿ) 伊(i)，in 渐渐(chiām-chiām) 接近(chiap-kūn) 伊(i)，变做(pìⁿ-chòe) 有(ū) 伊(i) 形象(hêng-siōng) ê 人(lâng)。主(chú) 基督(ki-tok) ê 名(miâ) tùi in 身上(sin-chiūⁿ) 照出来(chiò-chhut-lâi)，因为(in-ūi) 伊(i) 已经(í-keng) tòa tī in 内面(lāi-bīn)。In ê 性命(sìⁿ-miā) kap 天里(thiⁿ-nih) ê 主(chú) 进入(chìn-ji̍p) 一种(chi̍t-chióng) 无言(bû-giân) ê 契合(khè-ha̍p)。In 甘愿(kam-gōan) 生活(seng-o̍ah) tī 无(bô) 别人(pa̍t-lâng) 所有(só͘-ū) ê 物(mi̍h)，放弃(hòng-khì) in 本来(pún-lâi) 所有(só͘-ū) ê 物(mi̍h)，因为(in-ūi) in ài ná 亲像(chhin-chhiūⁿ) 主(chú) ê 款(khóan)。

这(che) 就是(chiū-sī) chōe-chōe 世代(sè-tāi) 以来(í-lâi) 所有(só͘-ū)「chiah-ê 人(lâng) 是(sī) tè 羊羔(iûⁿ-ko)，无论(bô-lūn) tá 落去(lo̍h-khì)」(启示录(khé-sī-lio̍k) 14：4) ê 模式(mô͘-sek)。假使(ká-sú) in 若(nā) 自私(chū-su) 选择(sóan-te̍k) 家己(ka-kī)，á 是(sī) 由(iû) 朋友(pêng-iú) 为(ūi) in 来(lâi) 选择(sóan-te̍k)，in 可能(khó-lêng) 选择(sóan-te̍k) 别(pa̍t) ê。Án-ni in tī 地上(tē-chiūⁿ) 可能(khó-lêng) beh khah 辉煌(hui-hông)，总是(chóng-sī) tī 天里(thiⁿ-nih) 就(chiū) kiám 真(chin) chōe 光辉(kong-hui)。In 所(só͘) 留(lâu) 落来(lo̍h-lâi) ê beh 亲像(chhin-chhiūⁿ) 罗得(Lô-tek) hiah 缺乏(khiàm-kheh)，无(bô) 亲像(chhin-chhiūⁿ) 亚伯拉罕(A-pek-la̍h-hán) hiah 丰富(hong-hù)。假使(ká-sú) in tī 路(lō͘) 中(tiong) 停(thêng) 落来(lo̍h-lâi)，á 是(sī) 上帝(siōng-tè) 徙开(sóa-khui) 伊(i) ê 手(chhiú) hō͘ in 迷路(bê-lō͘)，in ê 损失(sún-sit) 是(sī) jōa-chiâⁿ 大(tōa) ah! In tī koh 活(o̍ah) ê 日(ji̍t) iáu 有(ū) 甚么(sím-mi̍h) thang 失去(sit-khì) ah?

上帝(siōng-tè) hō͘ in 力量(le̍k-liōng)，保护(pó-hō͘) in，无(bô) 受(siū) 伤害(siong-hāi)。伊(i) 常常(siông-siông) tī 慈爱(chû-ài) 中(tiong) 扶持(hû-chhî) in，hō͘ in 无(bô) 跋倒(po̍ah-tó)。Tī 今(kin) 世(sè)，in 知(chai) 伊(i) ê 所(só͘) 做(chòe) lóng 是(sī) 为(ūi) in 好(hó)。In 也(iā) 知(chai) tī 地上(tē-chiūⁿ) 受苦(siū-khó͘)，beh tī 天顶(thiⁿ-téng) 掌权(chiáng-kôan)，tī 下面(ē-bīn) 背(pē) 十字架(si̍p-jī-kè)，beh tī 顶面(téng-bīn) tì 荣光(êng-kng) ê 冕旒(bián-liû)。Koh 知(chai) 所(só͘) 做(chòe) ê，m̄ 是(sī) thàn in ê 意思(ì-sù)，是(sī) 上帝(siōng-tè) ê 旨意(chí-ì) chiah-tio̍h in 来(lâi) 实现(si̍t-hiān) 出来(chhut-lâi)。


附注:《荒漠甘泉》汉罗版kap "Hong-bô͘ Kam-chôaⁿ"全罗版附CD，由人光出版社出版， 欢迎洽购(06-235-6277分机(122~124) ， e-mail:book@pctpress.org