《台语荒漠甘泉（汉罗版）》

 | | | 转寄

细细轻轻ê声音

作者 陈清俊 译 林俊育 汉罗翻写 2010.10.03

listen
十月初三(十月三日)

「地动(tē-tāng) 了后(liáu-āu) 有(ū) 火(hé)；...火(hé) 了后(liáu-āu) 有(ū) 细(sòe) koh 轻(khin) ê 声(siaⁿ)。」 (列王记(lia̍t-ông-kì) 上(siōng) 19：12)

有(ū) 一个(chi̍t-ê) 妇女(hū-lú) 信(sìn) 主(chú) 了后(liáu-āu)，伊(i) ê 灵性(lêng-sèng) 进步(chìn-pō͘) 真(chin) 紧(kín)。人(lâng) 看(khòaⁿ) 伊(i) 轻轻(khin-khin) 松松(sang-sang) 就(chiū) 有(ū) 成就(sêng-chiū)，就(chiū) 问(mn̄g) 伊(i) ê 秘诀(pì-koat)。伊(i) ê 回答(hôe-tap) 真(chin) 简单(kán-tan)，「体会(thé-hōe) 出(chhut) 上帝(siōng-tè) ê 阻挡(chó͘-tòng)、禁止(kìm-chí)。」

真(chin) chōe 人(lâng) 对(tùi) 上帝(siōng-tè) ê 认识(jīm-bat) 进步(chìn-pō͘) 真(chin) 慢(bān)，就是(chiū-sī) 因为(in-ūi) bōe 晓(hiáu) 体会(thé-hōe) tio̍h 上帝(siōng-tè) chit 种(chèng) 温柔(un-jiû) ê 阻挡(chó͘-tòng)，也(iā) 就是(chiū-sī) 伊(i) 对(tùi) 咱(lán) ê 言行(giân-hêng) 所(só͘) 禁(kìm) ê，真(chin) 敏感(bín-kám) 用心(iōng-sim) 去(khì) 体会(thé-hōe)。伊(i) 用(ēng) hit-ê「微细(bî-sòe) ê 声音(siaⁿ-im)」，真(chin) 弱小(jio̍k-sió) 但是(tān-sī) 不断(put-tōan)、无(bô) 停(thêng)，耳孔(hīⁿ-khang) 真(chin) oh 听见(thiaⁿ-kìⁿ)，ài 用(ēng) 心灵(sim-lêng) 去(khì) 感受(kám-siū)。亲像(chhin-chhiūⁿ) 清早(chheng-chá) 微微(bî-bî) ê 风(hong) 轻轻(khin-khin) 摸(bong) tio̍h 你(lí) ê 心(sim) 一样(chi̍t-iūⁿ)。你(lí) 若(nā) 全(chôan) 心(sim) 用(ēng) 心灵(sim-lêng) ê 耳孔(hīⁿ-khang) 静静(chēng-chēng) 去(khì) 体会(thé-hōe)，就(chiū) 会(ōe) 听(thiaⁿ) 起来(khí-lâi) ná 清楚(chheng-chhó)。

原来(gôan-lâi) 上帝(siōng-tè) ê 声音(siaⁿ-im) 是(sī) 用(ēng) 有(ū) 疼心(thiàⁿ-sim) ê 耳孔(hīⁿ-khang) 去(khì) 听(thiaⁿ) ê，有(ū) 真正(chin-chiàⁿ) ê 疼心(thiàⁿ-sim)，连(liân) siōng 微细(bî-sòe)，siōng 弱小(jio̍k-sió) ê 耳孔(hīⁿ-khang) 声(siaⁿ) 也(iā) 能(ōe) 听(thiaⁿ) tio̍h。总是(chóng-sī) 咱(lán) 若(nā) boâi chhap 伊(i)，无(bô) 相信(siong-sìn) 伊(i) 发出(hoat-chhut) ê 信息(sìn-sit)，伊(i) 疼(thiàⁿ) ê 话语(ōe-gú) 就(chiū) 会(ōe) 无(bô) 去(khì)。Ài 知(chai)，「上帝(siōng-tè) 就是(chiū-sī) 疼(thiàⁿ)。」 (伊(i) 约翰(iok-hān) 4：8)人(lâng) beh 认识(jīm-bat) 上帝(siōng-tè)，听(thiaⁿ) 伊(i) ê 声音(siaⁿ-im)，应该(eng-kai) 不断(put-tōan) 安静(an-chēng) 来(lâi) 用(ēng) 内心(lāi-sim) ê 耳孔(hīⁿ-khang)，去(khì) 感受(kám-siū) hit-ê 温柔(un-jiû) 细细(sòe-sòe) ê 接触(chiap-chhiok)。

所以(só͘-í)，当(tng) 你(lí) 想(siūⁿ) beh kap 别人(pa̍t-lâng) 讲话(kóng-ōe)，想(siūⁿ) beh 对(tùi) 伊(i) 讲(kóng) ê 是(sī)，若(nā) 有(ū) 感觉(kám-kak) tio̍h 上帝(siōng-tè) ê 阻挡(chó͘-tòng)，听(thiaⁿ) tio̍h hit-ê 轻轻(khin-khin) 细细(sòe-sòe) ê 声音(siaⁿ-im)，就(chiū) 应该(eng-kai) 体会(thé-hōe) tio̍h chit-ê 禁止(kìm-chí)，m̄-thang 讲(kóng) lah。若是(nā-sī) 你(lí) 计画(kè-ōe) 做(chòe) 甚么(sím-mi̍h)，表面(piáu-bīn) 看(khòaⁿ) 是(sī) 清清(chheng-chheng) 楚楚(chhó-chhó) 应该(eng-kai) 做(chòe)，总是(chóng-sī) tī 灵(lêng) 里(nih) 有(ū) 一种(chi̍t-chióng) ê 感受(kám-siū)，有(ū) 说服力(soat-ho̍k-la̍t)，也(iā) 感觉(kám-kak) 平安(pêng-an)，ài 你(lí) 行(kiâⁿ) 另外(lēng-gōa) 一条(chi̍t-tiâu) 路(lō͘)；应该(eng-kai) 留心(liû-sim) 听(thiaⁿ) chit-ê 微细(bî-sòe) ê 声音(siaⁿ-im)，改变(kái-piàn) 去(khì) 行(kiâⁿ) 另外(lēng-gōa) 一条(chi̍t-tiâu) 路(lō͘)，虽然(sui-jiân) tùi 人(lâng) ê 智识(tì-sek) 看(khòaⁿ)，chit-ê 变动(piàn-tōng) 是(sī) 无(bô) 理智(lí-tì)，是(sī) 戆(gōng) ê。

咱(lán) 也(iā) 应该(eng-kai) 学习(ha̍k-si̍p) thèng 候(hāu) 上帝(siōng-tè) ê 功课(kong-khò)，明白(bêng-pe̍k) 伊(i) ê 心意(sim-ì)。你(lí) 心内(sim-lāi) 有(ū) 甚么(sím-mi̍h) 想法(siūⁿ-hoat)，应该(eng-kai) 交付(kau-hù) hō͘ 上帝(siōng-tè)，hō͘ 伊(i) 一步(chi̍t-pō͘) 一步(chi̍t-pō͘) 来(lâi) 展开(tián-khui)，来(lâi) 完成(ôan-sêng)，千(chheng) 万(bān) m̄-thang 靠(khò) 家己(ka-kī) ê 聪明(chhong-bêng)，展(tián) 风神(hong-sîn)。常常(siông-siông) 上帝(siōng-tè) 所(só͘) 做(chòe) ê kap 伊(i) hō͘ 你(lí) ê 计画(kè-ōe) 无(bô) siâng，有时(ū-sî) 甚至(sīm-chì) 是(sī) 倒(tó) páiⁿ 方向(hong-hiòng)。上帝(siōng-tè) ná 亲像(chhin-chhiūⁿ) 矛盾(mâu-tún)，咱(lán) 所(só͘) 会(ōe) 做(chòe) ê 指示(chí-sī) 照(chiàu) 伊(i) ê 话(ōe) 去(khì) 做(chòe)，信靠(sìn-khò) 伊(i)。有时(ū-sî) tùi 表面(piáu-bīn) 看(khòaⁿ) 是(sī) 荒唐(hong-tông) 无理(bô-lí)。到(kàu) 后来(āu-lâi) 咱(lán) beh 明白(bêng-pe̍k)「万项(bān-hāng) 事(sū) 相(saⁿ) kap 来(lâi) hō͘ 疼(thiàⁿ) 上帝(siōng-tè) ê 人(lâng) 得(tit) tio̍h 利益(lī-ek)。」 (罗马(lô-má) 8：28) chit 句(kù) 话(ōe) ê 真正(chin-chiàⁿ) 意思(ì-sù)。总是(chóng-sī) 上帝(siōng-tè) ê 计画(kè-ōe) tī tú 开始(khai-sí) ê 时(sî)：

Tī 伊(i) 家己(ka-kī) ê 世界(sè-kài) 事(sū)，伊(i) 无(bô) 挂意(kòa-ì) lóng teh 输(su)。

你(lí) 若(nā) ài 知(chai) 上帝(siōng-tè) ê 心意(sim-ì)，应该(eng-kai) 无管(bô-kóan) 成功(sêng-kong) á 失败(sit-pāi)，无论(bô-lūn) 成果(sêng-kó) án-chóaⁿ，乌暗中(o͘-àm-tiong) 伊(i) ài 你(lí) 行(kiâⁿ)，你(lí) 就(chiū) 行(kiâⁿ)。伊(i) 家己(ka-kī) 本身(pún-sin) 就是(chiū-sī) hit-ê 光耀(kng-iāu) ê 光(kng)，会(ōe) 照(chiàu) 光(kng) tī 内面(lāi-bīn)。Án-ni 你(lí) tùi 上帝(siōng-tè) ê 智识(tì-sek) 会(ōe) tī 你(lí) 心(sim) 中(tiong) ná 泉水(chôaⁿ-chúi) 流(lâu) 出(chhut) 无(bô) 停(thêng)，kap上帝(siōng-tè) ê 交往(kau-óng) 也(iā) 有(ū) 快速(khòai-sok) ê 长进(tióng-chìn)。Chit 种(chèng) ê 认识(jīm-bat) kap 交通(kau-thong) thang 到(kàu) 深(chhim) ê 程度(thêng-tō͘)，是(sī) 将(chiong) 你(lí) kap 上帝(siōng-tè) 契合(khè-ha̍p) 做(chòe) 一个(chi̍t-ê)。不管(put-kóan) 你(lí) 受(siū) ê 考验(khó-giām) 是(sī) jōa 强烈(kiông-lia̍t)，你(lí) 生活上(seng-o̍ah-siōng) 受(siū) ê 压力(ap-le̍k) jōa 大(tōa)，上帝(siōng-tè) lóng kap 你(lí) 同在(tông-chāi)。 ――tùi 「信心(sìn-sim) 之(chi) 道(tō)」


附注:《荒漠甘泉》汉罗版kap "Hong-bô͘ Kam-chôaⁿ"全罗版附CD，由人光出版社出版， 欢迎洽购(06-235-6277分机(122~124) ， e-mail:book@pctpress.org