《台语荒漠甘泉（汉罗版）》

 | | | 转寄

Siōng适当ê十字架

作者 陈清俊 译 林俊育 汉罗翻写 2010.08.29

listen
八月二九(八月二十九日)

「家己(ka-kī) giâ 伊(i) ê 十字架(si̍p-jī-kè)。」(约翰(iok-hān) 19：17)

「换(ōaⁿ) 十字架(si̍p-jī-kè)」是(sī) 一(chi̍t) 首(siú) 诗(si)，讲(kóng) 起(khí) 有(ū) 一个(chi̍t-ê) 厌倦(ià-siān) ê 妇女(hū-lú)，伊(i) 想(siūⁿ) 伊(i) 所(só͘) 背(pē) ê 十字架(si̍p-jī-kè) 比(pí) 别人(pa̍t-lâng) khah 重(tāng)，所以(só͘-í) 希望(hi-bōng) ōe-thang 选(sóan) 另外(lēng-gōa) 别人(pa̍t-lâng) ê 十字架(si̍p-jī-kè)。当(tng) 伊(i) 困(khùn) ê 时(sî)，梦见(bāng-kìⁿ) hō͘ 人(lâng) chhōa 到(kàu) 有(ū) 真(chin) chōe 无(bô) siâng 款(khóan) ê 十字架(si̍p-jī-kè) ê 所在(só͘-chāi)，thang 来(lâi) 选(sóan)。In ê 形(hêng) 无(bô) siâng，大(tōa) 细(sòe) 无(bô) siâng，其中(kî-tiong) 有(ū) 一支(chi̍t-ki) 镶(siuⁿ) 宝石(pó-chio̍h)，安(an) 黄金(n̂g-kim) ê 十字架(si̍p-jī-kè)。伊(i) 讲(kóng)：「我(góa) thang 爽快(sóng-khòai) 来(lâi) 背(pē) chit 支(ki)。」就(chiū) giâ chit 支(ki) 十字架(si̍p-jī-kè) 起来(khí-lâi)，无(bô) phah 算(sǹg)，chit 支(ki) 相当(siong-tong) tāng，用(ēng) 伊(i) ê 身体(sin-thé) giâ chit 支(ki) 就(chiū) khiā 无(bô) 好势(hó-sè)，强强(kiông-kiông) beh 跋倒(po̍ah-tó)。宝石(pó-chio̍h) 金(kim) 金(kim) sih-sih 实在(si̍t-chāi) 真(chin) súi，总是(chóng-sī) 对(tùi) 伊(i) siuⁿ 重(tāng) lah。

续落去(sòa-lo̍h-khì) 看(khòaⁿ) tio̍h 一支(chi̍t-ki) 真(chin) súi ê 十字架(si̍p-jī-kè)，有(ū) 刻(khek) 图样(tô͘-iūⁿ)，koh 有(ū) 星(chhiⁿ) 花(hoe) tńg-se̍h tī 顶面(téng-bīn)。 伊(i) 想(siūⁿ) 这(che) 一定(it-tēng) 真(chin) 适合(sek-ha̍p) 伊(i)。伊(i) 一下(chi̍t-ē) the̍h 起来(khí-lâi)，花(hoe) ê 下面(ē-bīn) 有(ū) 刺(chhì)，凿破(chha̍k-phòa) 伊(i) ê 皮肤(phê-hu) 流血(lâu-huih)。

最后(chòe-āu) 伊(i) 看(khòaⁿ) tio̍h chit-ê 真(chin) 朴素(phok-sò͘) ê 十字架(si̍p-jī-kè)，无(bô) 宝石(pó-chio̍h)，无(bô) 雕刻(tiau-khek)，顶面(téng-bīn) 只有(chí-ū) 写(siá) 几(kúi) 字(jī) 表示(piáu-sī) 疼(thiàⁿ) ê 字(jī)，伊(i) kā 伊(i) the̍h 起来(khí-lâi)，确实(khak-si̍t) 比(pí) 其他(kî-tha) 所有(só͘-ū) ê 十字架(si̍p-jī-kè) khah 好(hó)，也(iā) 容易(iông-īⁿ) 背(pē)。伊(i) 一下(chi̍t-ē) 看(khòaⁿ)，发现(hoat-hiān) he 是(sī) 浸(chìm) 过(kè) tī 天顶(thiⁿ-téng) ê 光辉(kong-hui) 内(lāi) 会(ōe) 发(hoat) 光(kng)。Koh 看(khòaⁿ)，原来(gôan-lâi) 是(sī) 伊(i) 家己(ka-kī) hit 支(ki) 十字架(si̍p-jī-kè)。伊(i) 现在(hiān-chāi) chiah 知(chai)，这(che) 是(sī) 对(tùi) 伊(i) siōng 好(hó) ê 一支(chi̍t-ki)，对(tùi) 伊(i) 是(sī) siōng 轻松(khin-sang)，适合(sek-ha̍p) ê。

你(lí) 看(khòaⁿ)，上帝(siōng-tè) siōng 清楚(chheng-chhó) 咱(lán) 所(só͘) 需要(su-iàu) 是(sī) tó chit 种(chèng) ê 十字架(si̍p-jī-kè)。咱(lán) bōe 了解(liáu-kái) 别人(pa̍t-lâng) ê 十字架(si̍p-jī-kè) 是(sī) jōa 重(tāng)，咱(lán) 看(khòaⁿ) 别人(pa̍t-lâng) 生活(seng-o̍ah) ná 真(chin) 安逸(an-ia̍t) 自在(chū-chāi)，伊(i) ê 十字架(si̍p-jī-kè) 有(ū) 花(hoe) 装饰(chng-thāⁿ)，总是(chóng-sī) 咱(lán) 若(nā) 会(ōe) 一一(it-it) 将(chiong) 咱(lán) 所(só͘) 认为(jīm-ûi) 比(pí) 家己(ka-kī) khah 轻(khin) ê 十字架(si̍p-jī-kè) 来(lâi) 试验(chhì-giām)，就(chiū) beh 发现(hoat-hiān) 无(bô) 一支(chi̍t-ki) 比(pí) 咱(lán) 本来(pún-lâi) ê，khah 适当(sek-tòng)。――tùi《生活(seng-o̍ah) ê 窗(thang) á》

若是(nā-sī) 你(lí) 紧紧(kín-kín) 放弃(hòng-khì) 你(lí) ê 十字架(si̍p-jī-kè)，
Tī 世间(sè-kan) á 是(sī) 别(pa̍t) 所在(só͘-chāi) 你(lí) lóng 无法度(bô͘-hoat-tō͘)koh chhē。
Tī chia，你(lí) 为(ūi) 上帝(siōng-tè) ê 缘故(iân-kò͘) 受苦(siū-khó͘) 只有(chí-ū) tī 现世(hiān-sè)，
Tī 未来(bī-lâi) 世界(sè-kài)，咱(lán) beh 疼(thiàⁿ) 伊(i)，事奉(sū-hōng) 伊(i)，o-ló 天父(thiⁿ-pē)。
欢喜(hoaⁿ-hí) ná 来(lâi) ná 接近(chiap-kūn) 祖家(chó͘-ke)。
Hit 时(sî)，咱(lán) 无(bô) koh 受(siū) 召(tiàu) 来(lâi) 受苦(siū-khó͘) 怨戚(òan-chheh)。
受苦(siū-khó͘) 指示(chí-sī) chit 时(sî) ê khang-khè。
一(chi̍t) 两(nn̄g) 点钟(tiám-cheng) ê 受苦(siū-khó͘) kiám bōe-tàng 忍(jím) neh?
若是(nā-sī) 伊(i) 今日(kim-ji̍t) 召(tiàu) 你(lí) 脱离(thoat-lî) 你(lí) ê 十字架(si̍p-jī-kè)，
「照(chiàu) 你(lí) 祈祷(kî-tó) hō͘ 你(lí) 脱离(thoat-lî) 艰苦(kan-khó͘) ê 十字架(si̍p-jī-kè)。」
你(lí) beh 感觉(kám-kak) 遗憾(ûi-hām) koh pháiⁿ-sè，
「Chiah-nih 紧(kín) 就(chiū) beh 召(tiàu) 我(góa) tńg 去(khì) 天家(thiⁿ-ke)？
我(góa) ài koh tiap-á 久(kú)，因为(in-ūi) 我(góa) iáu 未(bōe) o-ló 上帝(siōng-tè)。」
所以(só͘-í) 咱(lán) teh 等(tán) ê，beh 紧紧(kín-kín) 来(lâi)，紧紧(kín-kín) 过(kè)，
把握(pá-ak) 现在(hiān-chāi)，tī 咱(lán) 身上(sin-chiūⁿ) 来(lâi) 荣光(êng-kng) 天父(thiⁿ-pē)。


附注:《荒漠甘泉》汉罗版kap "Hong-bô͘ Kam-chôaⁿ"全罗版附CD，由人光出版社出版， 欢迎洽购(06-235-6277分机(122~124) ， e-mail:book@pctpress.org