《台语荒漠甘泉（汉罗版）》

 | | | 转寄

受伤破碎

作者 陈清俊 译 林俊育 汉罗翻写 2010.08.14

listen
八月十五(八月十五日)

「咱(lán) tio̍h tùi chōe-chōe 艰苦(kan-khó͘) 来(lâi) 入(ji̍p) 上帝(siōng-tè) ê 国(kok)。」 (使徒(sù-tô͘) 行传(hêng-tōan) 14：22)

人生(jîn-seng) siōng 好(hó) ê 事(sū)，常常(siông-siông) 是(sī) tùi 受伤(siū-siong) 破碎(phò͘-chhùi) ê 结果(kiat-kó) 来(lâi) ê。麦(be̍h) 需要(su-iàu) 研碎(géng-chhùi) chiah thang 做(chòe) 面包(mī-pau)，香(hiuⁿ) ài 点(tiám) 火(hé) 烧(sio) chiah 会(ōe) 产生(sán-seng) 芳(phang) ê 气味(khì-bī)。土(thô͘) ài 受(siū) 犁(lê) 破(phòa) chiah 会(ōe) thang 种(chèng) 种子(chéng-chí)，破碎(phò͘-chhùi) 伤心(siong-sim) thang 得(tit) 上帝(siōng-tè) ê 欢喜(hoaⁿ-hí)。

Tio̍h，性命(sìⁿ-miā) siōng 甜蜜(tiⁿ-bi̍t) ê 喜乐(hí-lo̍k)，是(sī) tùi 忧伤(iu-siong) ê 结果(kiat-kó)。人性(jîn-sèng) 需要(su-iàu) 受苦(siū-khó͘) chiah 会(ōe) 成做(chiâⁿ-chòe) 世间(sè-kan) ê 祝福(chiok-hok)。

厝角(chhù-kak) 无(bô) 映目(iáⁿ-ba̍k) ê 位(ūi)，
生(siⁿ) 出(chhut) siōng súi siōng 可爱(khó-ài) 花蕊(hoe-lúi)，
一(chi̍t) 蕊(lúi) 玫瑰(mûi-kùi)。

暗时(àm-sî) 合(ha̍p)，早起(chá-khí) 时(sî) 含(kâm) 露水(lō͘-chúi) 开(khui)，
发出(hoat-chhut) 稀罕(hi-hán) ê 芳味(phang-bī) koh súi，
真(chin) 稀奇(hi-kî) ê 玫瑰(mûi-kùi)。

Hō͘ 雨(hō͘) 滴(tih)，
Koh-khah 芳(phang) ê 气味(khì-bī)，
Tī 脚(kha) 边(piⁿ)。

小心(sió-sim) 疼惜(thiàⁿ-sioh)，
轻轻(khin-khin) 押(ap) 伊(i) ê 叶(hio̍h)，
甜蜜(tiⁿ-bi̍t) 安歇(an-hioh)。

当(tng) 我(góa) kā 伊(i) 摧(jê) 碎(chhùi)，ni̍h 死(sí)，
发出(hoat-chhut) 极(ke̍k) 美妙(bí-miāu) 芳气(phang-khì)。

亲爱(chhin-ài) 主(chú)，hō͘ 我(góa) 性命(sìⁿ-miā) 亲像(chhin-chhiūⁿ) án-ni，
风(hong) 来(lâi) 出(chhut) 芳味(phang-bī)，芬芳(hun-hong) 甘甜(kam-tiⁿ)。

若是(nā-sī) 你(lí) 旨意(chí-ì)，
Hō͘ 我(góa) 灵(lêng) 充满(chhiong-móa) 破碎(phò͘-chhùi)，伤悲(siong-pi)。

当(tng) 最后(chòe-āu) teh-beh 死(sí) ê 芳味(phang-bī) 发挥(hoat-hui)，
我(góa) 细(sòe) 声(siaⁿ) 讲(kóng)，「伊(i) 听(thiaⁿ) 也(iā) 知(chai)，所(só͘) teh 压(ap) ê 玫瑰(mûi-kùi)。」

若是(nā-sī) 你(lí) 渴望(khat-bōng) hō͘ 人(lâng) 安慰(an-ùi)，á 是(sī) 会(ōe) 有(ū) 同情心(tông-chêng-sim)，会(ōe) 怜悯(lîn-bín) 人(lâng) ê 恩赐(un-sù)，á 是(sī) ài hō͘ 受(siū) 试探(chhì-thàm) ê 人(lâng) ê 劝勉(khòan-bián)，á 是(sī) tī 日常(ji̍t-siông) 生活(seng-o̍ah) 中(tiong) bōe 伤害(siong-hāi) 人(lâng)，你(lí) tio̍h 付出(hù-chhut) 学习(ha̍k-si̍p) ê 大大(tōa-tōa) 代价(tāi-kè)，亲像(chhin-chhiūⁿ) 基督(ki-tok) 一样(chi̍t-iūⁿ)，必须(pit-su) 受苦(siū-khó͘)。――Frederick William Robertson


附注:《荒漠甘泉》汉罗版kap "Hong-bô͘ Kam-chôaⁿ"全罗版附CD，由人光出版社出版， 欢迎洽购(06-235-6277分机(122~124) ， e-mail:book@pctpress.org