《台语荒漠甘泉（汉罗版）》

 | | | 转寄

信心ê行做

作者 陈清俊 译 林俊育 汉罗翻写 2010.03.28

listen 三月二八(三月二十八日)
「到(kàu) 扛(kng) 普天下(phó͘-thiⁿ-ē) ê 主(chú) 耶和华(Iâ-hô-hoa) ê 约柜(iok-kùi) ê 祭司(chè-si)，in ê 脚(kha) khiā tī 约旦(Iok-tàn) 河(hô) ê 水(chúi)，约旦(Iok-tàn) 河(hô) ê 水(chúi)，就(chiū) 是(sī) tùi 顶面(téng-bīn) 流(lâu) 落来(lo̍h-lâi) ê 水(chúi)，beh 截断(chia̍t-tn̄g)，khiā 起来(khí-lâi) kui 堆(tui)。」(约书亚3:13)

Ta̍k-ê 人(lâng) lóng 钦佩(khim-phoè) hiah-ê 勇敢(ióng-kám) ê 利未(Lī-bī) 人(lâng)！In 扛(kng) 约柜(iok-kùi) 到(kàu) 水(chúi) 里(nih)，河水(hô-chúi) 是(sī) ài 到(kàu)「脚(kha) 踏(ta̍h) 入(ji̍p) 水(chúi)」(约书亚3:15)chiah 分开(pun-khui)，上帝(siōng-tè) ê 应允(èng-ún) 指示(chí-sī) án-ni。

上帝(siōng-tè) 所(só͘) 看重(khoàⁿ-tiōng) ê 信心(sìn-sim)，就(chiū) 是(sī) 坚定(kian-tēng) ê 信心(sìn-sim)，只(chí) 看(khoàⁿ) 伊(i) ê 应允(éng-ún)，kap 仰望(gióng-bōng) 伊(i) ê 信心(sìn-sim)。咱(lán) thang 想像(sióng-siōng)，今日(kim-ji̍t) ê 旁观者(pông-koan-chiá)(khiā tī 边(piⁿ) á 看(khoàⁿ) ê 人(lâng))beh tùi 当(tng) 时(sî) 上帝(siōng-tè) ê 圣徒(sèng-tô͘)，如何(jû-hô) 扛(kng) 约柜(iok-kùi) 向前(hiòng-chêng) 行(kiâⁿ) ê 时(sî)，讲(kóng)：「阮(goán) éng 无(bô) ài 冒(mō͘) hit-ê 危险(gûi-hiám)。约柜(iok-kùi) 会(oē) hō͘ 水(chúi) 冲(chhiong) 去(khì)oh。」总是(chóng-sī) hiah-ê 祭司(chè-si) tī 干(ta) 地(toē) 恬恬(tiām-tiām) khiā teh。(约书亚3:17)咱(lán) 无(bô) 得(tit) 忽略(hut-lio̍k) chit 件(kiāⁿ) 事(sū)，就(chiū) 是(sī) 咱(lán) ê 信(sìn) 会(oē) 帮赞(pang-chān) 父(pē) 上帝(siōng-tè) 执行(chip-hêng) 伊(i) ê 计画(kè-oē)，咱(lán) ài 愿意(goān-ì) 帮赞(pang-chān) 主(chú)。

约柜(iok-kùi) 两(nn̄g) pêng 有(ū) 钢(kǹg)，祭司(chè-si) 将(chiong) in 扛(kng) tī 肩胛(keng-kah) 顶(téng)。上帝(siōng-tè) ê 约柜(iok-kùi) 并(pēng) bōe 家己(ka-kī) 振动(tín-tāng)，是(sī) ài 人(lâng) 来(lâi) 扛(kng) ê。上帝(siōng-tè) 是(sī) 建筑师(kiàn-tio̍k-su)，人(lâng) 是(sī) 叠(thia̍p) 砖(chng) ê 人(lâng)，是(sī) 工人(kang-lâng)。人(lâng) ê 信心(sìn-sim) thang 帮赞(pang-chān) 上帝(siōng-tè)，hō͘ 狮(sai) 嘴(chhùi) 合(ha̍p) 合(ha̍p)，能(oē) 消灭(siau-bia̍t) 有(ū) 大(toā) 破坏(phò-hoāi) ê 火(hé)。信心(sìn-sim) 敬重(kèng-tiōng) 上帝(siōng-tè)，上帝(siōng-tè) 也(iā) 尊重(chun-tiōng) 信心(sìn-sim)。

Ah，咱(lán) 需要(su-iàu) chit 种(chióng) ê 勇敢(ióng-kám) 向前(hiòng-chêng) ê 信心(sìn-sim)，hō͘ 上帝(siōng-tè) tī 伊(i) 所(só͘) 定(tiāⁿ) tio̍h ê 时(sî)，实现(si̍t-hiān) 伊(i) ê 应允(èng-ún)。咱(lán) 同齐(tâng-choê) 做(choè) 利未(Lī-bī) 人(lâng) ê，hō͘ 咱(lán) 扛(kng) 起(khí) 咱(lán) ê 重担(tāng-tàⁿ)，重柜(tāng-kùi)，m̄-thang 亲像(chhin-chhiūⁿ) 扛(kng) 棺材(koaⁿ-chhâ) hit 款(khoán) ê 悲伤(pi-siong)；ài 知(chai)，咱(lán) 所(só͘) 扛(kng) ê 是(sī) 永活(éng-oa̍h) 真(chin) 神(sîn) ê 约柜(iok-kùi)，thang 大声(toā-siaⁿ) 唱歌(chhiùⁿ-koa)，向(hiòng) 大(toā) 水(chúi) 进前(chìn-chêng) 行(kiâⁿ)！――Thomas Champness Tī 新约(sin-iok) 教会(kàu-hoē) 时代(sî-tāi) ê 一个(chi̍t-ê) 特别(te̍k-pia̍t) ê 标记(piau-kì)，就(chiū) 是(sī)「大胆(toā-táⁿ)」，替(thè) 上帝(siōng-tè) 做(choè) 大(toā) 事(sū)。Ǹg 望(bāng) 上帝(siōng-tè) beh 成就(sêng-chiū) 大(toā) 事(sū) ê 信心(sìn-sim)，有(ū) 一个(chi̍t-ê) 大(toā) koh 重要(tiōng-iàu) ê 因素(in-sò͘)，就(chiū) 是(sī) 神圣(sîn-sèng) ê 大胆(toā-táⁿ) kap 无(bô) 惊惶(kiaⁿ-hiâⁿ)。Thang ǹg 上帝(siōng-tè) 讨(thó) khah chōe。实在(si̍t-chāi) 讲(kóng)，「讨(thó) khah chōe」比(pí)「讨(thó) khah 少(chió)」，是(sī) khah 容易(iông-īⁿ)。凭(pîn) 信心(sìn-sim) 大胆(toā-táⁿ) khiā 在(chāi)，比(pí) 小心(sió-sim) khiā-tī 岸(hoāⁿ) 边(piⁿ) khah 容易(iông-īⁿ)。

聪明(chhong-bêng) ê 水手(chúi-siú) 凭(pîn) 信心(sìn-sim)，将(chiong) 船(chûn) 开(khui) 到(kàu) 水(chúi) 深(chhim) ê 所在(só͘-chāi)。Beh 发见(hoat-kiàn)，在(chāi) 上帝(siōng-tè) 无(bô) 有(ū) oh 做(choè) ê 事(sū)。(路加18:27)。「有(ū) 信(sìn) ê 人(lâng)，ta̍k 项(hāng) lóng 会(oē)。」(马可9:23) 今(kin) á 日(ji̍t)，hō͘ 咱(lán) 来(lâi) 替(thè) 上帝(siōng-tè) 做(choè) 伟大(úi-tāi) ê 事(sū)，接受(chiap-siū) 伊(i) 所(só͘) 赐(sù) ê 信心(sìn-sim)，相信(siong-sìn) 会(oē) 做(choè) 伟大(úi-tāi) ê 事(sū)，靠(khò) 伊(i) ê 力量(le̍k-liōng) 来(lâi) 完成(oân-sêng)。――tùi「Tī 地(toē) ná tī 天(thiⁿ)」


附注:《荒漠甘泉》汉罗版kap "Hong-bô͘ Kam-chôaⁿ"全罗版附CD，由人光出版社出版， 欢迎洽购(06-235-6277分机(122~124) ， e-mail:book@pctpress.com