《台语荒漠甘泉（汉罗版）》

 | | | 转寄

永活ê上帝

作者 陈清俊 译 林俊育 汉罗翻写 2010.01.17

listen 正月十七(一月十七日)
「永活(éng-oa̍h) 上帝(siōng-tè) ê 奴仆(lô͘-po̍k)，但以理(Tān-í-lí) ah,你(lí) ê 上帝(siōng-tè)，你(lí) 所(só͘) 常常(siông-siông) 服事(ho̍k-sāi) ê,会(oē) 救(kiù) 你(lí) 脱离(thoat-lî) hiah-ê 狮(sai) mah?」(但以理6:20)

圣经(sèng-keng) 中(tiong) 讲(kóng)「永活(éng-oa̍h) ê 上帝(siōng-tè)」真(chin) chōe pái,但是(tān-sī) 咱(lán) 常常(siông-siông) soah 忽略(hut-lio̍k) 去(khì) chit-ê 事(sū)。咱(lán) 知影(chai-iáⁿ) 写(siá)「永活(éng-oa̍h) ê 上帝(siōng-tè)」，总是(chóng-sī) 日常(ji̍t-siông) 生活(seng-oa̍h) ê 时(sî)，soah 无(bô) 想(siūⁿ) 上帝(siōng-tè) 是(sī)「永活(éng-oa̍h)」，是(sī)「活活(oa̍h-oa̍h)」，bōe 记得(kì-tit) 三(saⁿ) 四(sì) 千年(chheng-nî) 前(chêng) ê 上帝(siōng-tè)，tī 今(kin) á 日(ji̍t) 伊(i) iáu 有(ū) siāng 款(khoán) ê 权柄(koân-pèng)，siāng 款(khoán) 对(tuì) 疼(thiàⁿ) 伊(i)、服事(ho̍k-sāi) 伊(i) ê 人(lâng) 施(si) 恩惠(un-huī)。几(kuí) 千年(chheng-nî) 前(chêng) 伊(i) 所(só͘) 做(choè) ê 事(sū)，今日(kim-ji̍t) 伊(i) 也会(iā-oē) 做(choè) tī 咱(lán) ê 身上(sin-chiūⁿ)，因为(in-uī) 伊(i) 是(sī) 永活(éng-oa̍h) 无(bô) 改变(kái-piàn) ê。Tī 咱(lán) 人生(jîn-seng) 乌暗(o͘-àm) ê 时(sî)，咱(lán) tio̍h 确信(khak-sìn) chit-ê 事实(sū-si̍t)，伊(i) tī 现今(hiān-kim)，tī 将来(chiong-lâi)，永远(éng-oán) 是(sī)「永活(éng-oa̍h) ê 上帝(siōng-tè)。」

你(lí) kap 伊(i) 同行(tâng-kiâⁿ)，仰望(gióng-bōng) 伊(i)，ǹg 望(bāng) 伊(i) ê 帮赞(pang-chān)，伊(i) lóng bōe hō͘ 你(lí) 失望(sit-bōng)。有(ū) 一个(chi̍t-ê) 信(sìn) 主(Chú) 超过(chhiau-kè) 四十(sì-cha̍p) 年(nî) ê 老(lāu) 信徒(sìn-tô͘)，对(tuì) 阮(goán) án-ni 干证(kan-chèng) 讲(kóng)：「上帝(siōng-tè) m̄-bat 一(chi̍t) pái hō͘ 我(goá) 失望(sit-bōng)。Tī 我(goá) 极(ke̍k) 困难(khùn-lân)，试炼(chhì-liān) siōng 深(chhim)，siōng 困苦(khùn-khó͘)，siōng 需要(su-iàu) 人(lâng) 帮忙(pang-bâng) ê 时(sî)，伊(i) m̄-bat 无(bô) chhap 我(goá)。因为(in-uī) 我(goá) 靠(khò) 伊(i) ê 恩惠(un-huī) 信靠(sìn-khò) 伊(i)，伊(i) 永远(éng-oán) 是(sī) 我(goá) ê 帮赞(pang-chān)。我(goá) 掠(lia̍h) 称颂(chheng-siōng) 伊(i) ê 名(miâ) 做(choè) 快乐(khoài-lo̍k)。」――George Mueller

路德(Lō͘-tek) 马丁(Má-teng)(Martin Luther) tī 伊(i) 性命(sìⁿ-miā) 极(ke̍k) 危险(guî-hiám) ê 时(sî)，切切(chhiat-chhiat) ài 掠(lia̍h) tio̍h hit-ê 看(khoàⁿ) bōe tio̍h ê 大能(tāi-lêng)，有(ū) 人(lâng) 看(khoàⁿ) 伊(i) 用(ēng) 指头(chéng-thâu) á tī 桌顶(toh-téng) 写(siá)「伊(i) 活(oa̍h) teh!伊(i) 活(oa̍h) teh!」这(che) 是(sī) 咱(lán) ê ǹg 望(bāng)，也(iā) 是(sī) 对(tuì) 真理(chin-lí)，全(choân) 人类(jîn-luī) 应该(eng-kai) 有(ū) ê ǹg 望(bāng)。人生(jîn-seng)，人(lâng) 死(sí)，英雄(eng-hiông) 人物(jîn-bu̍t)，教师(kàu-su)，哲学家(tiat-ha̍k-ka)，讲(kóng) 一(chi̍t) 大(toā) 堆(tui)，存在(chûn-chāi) 一(chi̍t) 时(sî) 久(kú)，了后(liáu-āu) 就(chiū) 无(bô) 去(khì)，但是(tān-sī) 上帝(siōng-tè) 是(sī) 永活(éng-oa̍h) ê,in 死(sí) 去(khì)，上帝(siōng-tè) iáu 长长(tn̂g-tn̂g) 活(oa̍h) teh。

In ê 光(kng) 照(chiò) 一(chi̍t) chūn,会(oē) 消灭(siau-bia̍t)。In 本是(pún-sī) tùi 上帝(siōng-tè) ê 真(chin) 光(kng) 得(tit) tio̍h 光(kng)，上帝(siōng-tè) ê 光(kng) 永远(éng-oán) teh 照(chiò)。――Alenxander Maclaren

美国(Bí-kok) 作家(chok-ka) Chhoán-bū(Charles Galludet Trumbull)án-ni 写(siá)：「我(goá) tú-tio̍h 亚当(A-tong) 博士(phok-sū)(Dr. John Douglas Adam)，对(tuì) 伊(i) 学(o̍h) tio̍h,伊(i) 伟大(uí-tāi) 属灵(sio̍k-lêng) ê 力量(le̍k-liōng)，是(sī) 对(tuì) 伊(i) 明白(bêng-pe̍k)，耶稣(Iâ-so͘) 本身(pún-sin) 确确(khak-khak) 实实(si̍t-si̍t)，实实(si̍t-si̍t) 在在(chāi-chāi) kap 伊(i) 同在(tông-chāi)。伊(i) 讲(kóng)，知影(chai-iáⁿ) 耶稣(Iâ-so͘) 真真(chin-chin) 实实(si̍t-si̍t) 经常(keng-siông) kap 伊(i) 同在(tông-chāi)，是(sī) 伊(i) ê 力量(le̍k-liōng) ê 最(choè) 大(toā) 来源(lâi-goân)。Chit 种(chióng) ê 体验(thé-giām)，m̄ 是(sī) 用(ēng) 感觉(kám-kak) 伊(i) ê 价值(kè-ta̍t)、地位(tē-uī)、观念(koan-liām)，á 是(sī) 伊(i) ê 推理(thui-lí) 来(lâi) 知(chai)‘耶稣(Iâ-so͘) án-chóaⁿ kap 人(lâng) 同在(tông-chāi)’所(só͘) ē-thang 明白(bêng-pe̍k)。」

Koh 讲(kóng)：「基督(ki-tok) 是(sī) 伊(i) 思想(su-sióng) ê 中心(tiong-sim)，不管时(put-koán-sî) 伊(i) 就(chiū) 是(sī) 想(siūⁿ) tio̍h 基督(ki-tok) 本身(pún-sin)。不管时(put-koán-sî)，伊(i) 单独(tan-to̍k) ê 时(sî)，无论(bô-lūn) tī tó 位(uī)，伊(i) 大声(toā-siaⁿ) ǹg 基督(ki-tok) 讲话(kóng-oē)，亲像(chin-chhiūⁿ) kap 朋友(pêng-iú) 讲话(kóng-oē) 一样(chi̍t-iūⁿ)，真(chin) 轻松(khin-sang)、自然(chū-jiân)。这(che) 就(chiū) 是(sī) 伊(i) 所(só͘) 讲(kóng)，耶稣(Iâ-so͘) 真正(chin-chiàⁿ) 经常(keng-siông) kap 伊(i) 同在(tông-chāi) ê 体验(thé-giām)。」


附注:《荒漠甘泉》汉罗版kap "Hong-bô͘ Kam-chôaⁿ"全罗版附CD，由人光出版社出版， 欢迎洽购(06-235-6277分机(122~124) ， e-mail:book@pctpress.com