《台语荒漠甘泉（汉罗版）》

 | | | 转寄

好ê结尾

作者 陈清俊 译 林俊育 汉罗翻写 2009.10.04

listen
十月初四(十月四日)

「Án-ni 耶和华(Iâ-hô-hoa) 赐福(sù-hok) 约伯(Iok-pek) ê 尾景(bé-kéng) 赢过(iâⁿ-kè) 伊(i) ê 起头(khí-thâu)。」 (约伯记42：12)

约伯(Iok-pek) 对(tuì) 伊(i) 受(siū) 苦难(khó͘-lān) 得(tit) tio̍h 福份(hok-hūn)，伊(i) 受(siū) 考验(khó-giām) 来(lâi) 证明(chèng-bêng) 伊(i) 做(choè) 人(lâng) 完全(oân-choân)。Siâng 款(khoán)，我(goá) 受(siū) ê 困难(khùn-lân) 是(sī) beh 坚强(kian-kiông) 我(goá) ê 品格(phín-keh)，hō͘ 我(goá) 得(tit) tio̍h 前(chêng) 所(só͘) 无(bô) ê 恩赐(un-sù)、才能(châi-lêng)。因为(in-uī) siōng 熟(se̍k) ê 果子(ké-chí) 是(sī) 生(siⁿ) tī siōng 粗(chho͘) piak-piak ê 墙围(chhiûⁿ-uî) 顶(téng)，必须(pit-su) ài 经历(keng-le̍k) 过(kè) 谦卑(khiam-pi)、流目屎(lâu-ba̍k-sái)、死亡(sí-bông)， chiah 会(oē) 得(tit) tio̍h 荣耀(êng-iāu)。亲像(chin-chhiūⁿ) 约伯(Iok-pek) ê 苦难(khó͘-lān) hō͘ 伊(i) tùi 上帝(siōng-tè) 进(chìn) 一步(chi̍t-pō͘) ê 认识(jīm-bat)，hō͘ 家己(ka-kī) koh-khah 谦卑(khiam-pi)。最后(choè-āu) 伊(i) chiah 会(oē) án-ni 大声(toā-siaⁿ) 讲(kóng)：「Taⁿ 我(goá) ê 目睭(ba̍k-chiu) 看见(khoàⁿ-kìⁿ) 你(lí)。」 (约伯记42：5)

假使(ká-sú) 通过(thong-kè) 痛苦(thòng-khó͘)、损失(sún-sit)，我(goá) thang 到(kàu) 庄严(chong-giâm) 上帝(siōng-tè) ê 面前(bīn-chêng)，仆拜(phak-pài) tī 伊(i) ê 面前(bīn-chêng) 祈祷(kî-tó) 讲(kóng)：「愿(goān) 你(lí) ê 旨意(chí-ì) 得(tit) 成(chiâⁿ)。」 (马太6：10) Án-ni 我(goá) 所(só͘) 得(tit) tio̍h ê 是(sī) 何等(hô-téng) ê 大(toā) ah。上帝(siōng-tè) hō͘ 约伯(Iok-pek) 看(khoàⁿ) tio̍h 伊(i) 未来(bī-lâi) ê 荣华(êng-hoâ)，因为(in-uī) tī hiah-ê 苦难(khó͘-lān) 困苦(khùn-khó͘) ê 日子(ji̍t-chí)，上帝(siōng-tè) hō͘ 伊(i) 认识(jīm-bat) tio̍h 上帝(siōng-tè) ê 奥秘(ò-pì)，chiah 会(oē) 诚恳(sêng-khún) 讲(kóng)：「因为(in-uī) 我(goá) 知(chai) 救赎(kiù-sio̍k) 我(goá) ê 是(sī) 活(oa̍h) ê。」 (约伯记19：25)所以(só͘-í)「耶和华(Iâ-hô-hoa) 赐福(sù-hok) 约伯(Iok-pek) ê 尾景(bé-kéng) 赢过(iâⁿ-kè) 伊(i) ê 起头(khí-thâu)。」――tùi「默想(be̍k-sióng)」 困难(khùn-lân) bōe 来(lâi) 见(kìⁿ) 人(lâng)，除非(tû-hui) 伊(i) ê 手(chhiú) 中(tiong) 带(toà) 一条(chi̍t-tiâu) 金条(kim-tiâu)。

表面(piáu-bīn) ê 逆境(ge̍k-kéng) tùi 正直(chèng-ti̍t) ê 人(lâng) 是(sī) 有利(iú-lī) ê，只要(chí-iàu) 愿意(goān-ì) 继续(kè-sio̍k) 服事(ho̍k-sāi)，耐心(nāi-sim) 等待(tán-thāi)。回想(hoê-sióng) 过去(kè-khì) 有(ū) 成就(sêng-chiū) ê 人(lâng)，in lóng 有(ū) 坚定(kian-tēng) ê 信心(sìn-sim)，好胆(hó-táⁿ) 向前(hiòng-chêng) 无(bô) 惊(kiaⁿ) 困难(khùn-lân)！咱(lán) 若(nā) 无(bô) 愿意(goān-ì) 接受(chiap-siū) koh 忍受(jím-siū) 困难(khùn-lân)，真(chin) chōe 福份(hok-hūn) 得(tit) bōe tio̍h。有(ū) ê 喜乐(hí-lo̍k) 是(sī) 通过(thong-kè) 忧伤(iu-siong) chiah 有(ū) ê，有时(ū-sî) 上帝(siōng-tè) 真理(chin-lí) ê 启示(khé-sī) 是(sī) tī 地上(tē-chiūⁿ) ê 光(kng) 失去(sit-khì) 后(āu) chiah 产生(sán-seng)。收成(siu-sêng) 是(sī) tī 有(ū) 耕作(keng-chok) 种作(chèng-choh) ê 后面(āu-bīn)。

有史(iú-sú) 以来(í-lâi)，siōng 坚强(kian-kiông) ê 人(lâng) 是(sī) tùi 苦难(khó͘-lān) 来(lâi) 产生(sán-seng)，siōng 伟大(uí-tāi) ê 人物(jîn-bu̍t) 身上(sin-chiūⁿ) lóng 带(toà) 苦痛(khó͘-thàng) ê 伤迹(siong-jiah)。千年(chheng-nî) 百世(pah-sè) 以来(í-lâi) ê 殉道者(sûn-tō-chiá)，穿(chhēng) 荣光(êng-kng) ê 袍(phàu)，顶面(téng-bīn) 有(ū) 金(kim) sih-sih ê 光环(kng-khoân)，是(sī) 通过(thong-kè) in ê 目屎(ba̍k-sái) kap 受伤(siū-siong) 中(tiong) 看(khoàⁿ) tio̍h 天国(thian-kok) ê 大门(toā-mn̂g)。――Chapin

Tùi 所(só͘) phoa̍h ê 金链(kim-liān)，知(chai) 你(lí) 疼(thiàⁿ) ê 精练(cheng-liān)，
Tùi 疼(thiàⁿ) 心(sim) ê 表现(piáu-hiān)，知(chai) 你(lí) 经过(keng-koè) 火(hé) ê 试炼(chhì-liān)，
真实(chin-si̍t) 心(sim) ah，继续(kè-sio̍k) 进展(chìn-tián)，光(kng) sih-sih 勇(ióng) ê 金链(kim-liān)，
有(ū) 静化(chēng-hoà) 火(hé) ê 恩典(un-tián)，kap 苦难(khó͘-lān) 炉(lô͘) ê 锻炼(toàn-liān)。――Adelaide Proctor


附注:《荒漠甘泉》汉罗版kap "Hong-bô͘ Kam-chôaⁿ"全罗版附CD，由人光出版社出版， 欢迎洽购(06-235-6277分机(122~124) ， e-mail:book@pctpress.com