《台语荒漠甘泉（汉罗版）》

 | | | 转寄

无明白ê事

作者 陈清俊 译 林俊育 汉罗翻写 2009.09.20

listen
九月二十(九月二十日)
「我(goá) kiám 无(bô) kā 你(lí) 讲(kóng)，你(lí) 若(nā) 信(sìn)，能(oē) 看见(khoàⁿ-kìⁿ) 上帝(siōng-tè) ê 荣光(êng-kng) mah？」(约翰11：40)

马大(Má-tāi) kap 马利亚(Má-lī-a) bōe-tàng 明白(bêng-pe̍k) in ê 主(chú) teh 做(choè) 甚么(sím-mi̍h)，in lóng 对(tuì) 伊(i) 讲(kóng)：「主(chú) ah，你(lí) 若(nā) tī chia，我(goá) ê 兄弟(hiaⁿ-tī) 就(chiū) bōe 死(sí)。」(约翰11：21，32) Chit 句(kù) 话(oē) 背后(poē-āu) 真正(chin-chiàⁿ) ê 意思(ì-sù) 是(sī)「主(chú) ah，阮(goán) bōe 明白(bêng-pe̍k) 你(lí) iân-chhiân chiah 久(kú) chiah 来(lâi)，soah hō͘ 你(lí) 所(só͘) 疼(thiàⁿ) ê 人(lâng) 死(sí) 去(khì)。阮(goán) bōe 明白(bêng-pe̍k) 你(lí) hō͘ chit-ê 忧伤(iu-siong) 痛苦(thòng-khó͘) 临到(lîm-kàu) 阮(goán)。你(lí) 若(nā) tī-teh，一切(it-chhè) ê 事(sū) 就(chiū) bōe 发生(hoat-seng)，你(lí) thài 会(oē) 无(bô) 紧紧(kín-kín) 来(lâi)？现在(hiān-chāi) 已经(í-keng) siuⁿ 慢(bān) lah。因为(in-uī) 拉撒路(Lia̍p-sat-lō͘) 已经(í-keng) 死(sí) 四(sì) 工(kang) lah！」但是(tān-sī) 耶稣(Iâ-so͘) 有(ū) 一个(chi̍t-ê) 大(toā) 道理(tō-lí) beh 回答(hoê-tap) chiah-ê 问题(būn-tê)。伊(i) ê 重点(tiōng-tiám) 是(sī)「Lín 可能(khó-lêng) 无(bô) 明白(bêng-pe̍k)，但是(tān-sī) 我(goá) kā lín 讲(kóng)，lín 若(nā) 信(sìn)，就(chiū) beh 明白(bêng-pe̍k)。」

亚伯拉罕(A-pek-la̍h-hán) 无(bô) 明白(bêng-pe̍k) 上帝(siōng-tè) 为何(uī-hô) ài 伊(i) 将(chiong) kiáⁿ 来(lâi) 献祭(hiàn-chè)，但是(tān-sī) 伊(i) 相信(siong-sìn) 上帝(siōng-tè)。当(tng) 伊(i) 看(khoàⁿ) tio̍h 伊(i) 心爱(sim-ài) ê kiáⁿ koh 回(hoê) tńg 来(lâi) 身边(sin-piⁿ)，伊(i) 看(khoàⁿ) tio̍h 上帝(siōng-tè) ê 荣光(êng-kng)。摩西(Mô͘-se) 无(bô) 明白(bêng-pe̍k) 上帝(siōng-tè) 为何(uī-hô) ài 伊(i) tī 旷野(khòng-iá) khiā 起(khí) 四十(sì-cha̍p) 年(nî) 久(kú)，但是(tān-sī) 伊(i) 也(iā) 相信(siong-sìn) 上帝(siōng-tè)，后来(āu-lâi) 伊(i) 见(kìⁿ) tio̍h 上帝(siōng-tè) 叫(kiò) 伊(i) chhōa 以色列(í-sek-lia̍t) 脱离(thoat-lî) 做(choè) 埃及(Ai-ki̍p) ê 奴隶(lô͘-lē) 工作(kang-chok)。

约瑟(Iok-sek) 无(bô) 明白(bêng-pe̍k) 伊(i) ê 兄哥(hiaⁿ-ko) 为甚么(uī-sím-mi̍h) 虐待(ge̍k-thāi) 伊(i)，hit-ê 奸诈(kan-chà) 埃及(Ai-ki̍p) 妇女(hū-lú) 为甚么(uī-sím-mi̍h) 做(choè) 假(ké) ê 干证(kan-chèng) 陷害(hām-hāi) 伊(i)，á 是(sī) 为甚么(uī-sím-mi̍h) ài 受(siū) hiah chōe 年(nî) ê 无(bô) 公平(kong-pêng) ê 监禁(kaⁿ-kìm)。但是(tān-sī) 伊(i) 相信(siong-sìn) 上帝(siōng-tè)，到(kàu) 尾(bé) 伊(i) 看(khoàⁿ) tio̍h 所(só͘) 带(toà) 来(lâi) ê 荣光(êng-kng)。Iáu 有(ū) 约瑟(Iok-sek) ê 老父(lāu-pē) 雅各(ngá-kok)，伊(i) 无(bô) 明白(bêng-pe̍k) 为何(uī-hô) 上帝(siōng-tè) 用(ēng) 奇怪(kî-koài) ê 方式(hong-sek) 将(chiong) 约瑟(Iok-sek) 对(tuì) 伊(i) 身边(sin-piⁿ) 带走(chhoā-cháu)。总是(chóng-sī) 后来(āu-lâi)伊(i) tùi 约瑟(Iok-sek) ê 面(bīn) 看(khoàⁿ) tio̍h 上帝(siōng-tè) ê 荣耀(êng-iāu)，因为(in-uī) hit 时(sî) 约瑟(Iok-sek) 已经(í-keng) 做(choè) 一位(chi̍t-uī) 大(toā) 君王(kun-ông) 法老(hoat-ló) ê 宰相(chái-siòng)，m̄-nā 拯救(chin-kiù) 了(liáu) 家己(ka-kī)，也(iā) 拯救(chin-kiù) 了(liáu) 全国(choân-kok) ê 国民(kok-bîn)。

无定(bô-tiāⁿ) tio̍h tī 你(lí) ê 性命(sìⁿ-miā) 里(nih) 也(iā) 有(ū) 真(chin) chōe 事(sū) 你(lí) 会(oē) 怀疑(hoâi-gî) 上帝(siōng-tè)，你(lí) 可能(khó-lêng) beh án-ni 讲(kóng)：「我(goá) 无(bô) 明白(bêng-pe̍k) 为何(uī-hô) 上帝(siōng-tè) hō͘ 我(goá) 所(só͘) 疼(thiàⁿ) ê 人(lâng) 过身(kè-sin)，死(sí) 去(khì)；我(goá) 无(bô) 明白(bêng-pe̍k) 上帝(siōng-tè) 为何(uī-hô) hō͘ 困苦(khùn-khó͘) 侵犯(chhim-hoān) 我(goá)；我(goá) 无(bô) 明白(bêng-pe̍k) 上帝(siōng-tè) 为何(uī-hô) chhōa 我(goá) 行(kiâⁿ) 这(che) 弯弯(oan-oan) 曲曲(khiau-khiau) ê 小(sió) 路(lō͘)。我(goá) 无(bô) 明白(bêng-pe̍k) 我(goá) chiah-nih 周全(chiu-choân) ê 计画(kè-oē) thài 会(oē) 失败(sit-pāi)。我(goá) 无(bô) 明白(bêng-pe̍k) 我(goá) 所(só͘) 紧急(kín-kip) 需要(su-iàu) ê 祝福(chiok-hok)，thài 会(oē) chiah-nih 慢(bān)，m̄ 来(lâi)。」

亲爱(chhin-ài) ê 朋友(pêng-iú)，你(lí) m̄ 免(bián) 完全(oân-choân) 明白(bêng-pe̍k) 上帝(siōng-tè) ê 安排(an-pâi)，伊(i) 也(iā) 无(bô) 期待(kî-thāi) 你(lí) ê 明白(bêng-pe̍k)。亲像(chin-chhiūⁿ) 你(lí) 无(bô) 期待(kî-thāi) 你(lí) ê kiáⁿ 儿(jî) 明白(bêng-pe̍k) 你(lí) 为(uī) in 所(só͘) 做(choè) ê 一切(it-chhè)，你(lí) 只是(chí-sī) ài in 相信(siong-sìn) 你(lí) 就(chiū) 好(hó)。有(ū) 一日(chi̍t-ji̍t) 你(lí) 也会(iā-oē) tī 你(lí) 所(só͘) 无(bô) 明白(bêng-pe̍k) ê 事(sū) 看(khoàⁿ) tio̍h 上帝(siōng-tè) ê 荣光(êng-kng)。――J. H. M.

咱(lán) 若(nā) 将(chiong) 性命(sìⁿ-miā) ê 门(mn̂g) phah 开(khui)，
Tī 内面(lāi-bīn) 看(khoàⁿ) tio̍h 上帝(siōng-tè) ê 作为(chok-uî)，
就(chiū) 明白(bêng-pe̍k) 所有(só͘-ū) ê 怀疑(hoâi-gî) kap 反对(hoán-tuì)，
知(chai) 每(muí) 一个(chi̍t-ê) 奥秘(ò-pì) lóng 有(ū) 伊(i) ê 锁匙(só-sî) 相(saⁿ) 随(suî)。

但是(tān-sī)，心爱(sim-ài) ê，m̄ 是(sī) 现在(hiān-chāi)，心(sim) 放(pàng) hō͘ 开(khui)，
上帝(siōng-tè) ê 计画(kè-oē) ná 百合花(pek-ha̍p-hoe) ê 花蕊(hoe-luí)，
M̄-thang kā 花蕾(hoe-m̂) 用(ēng) 方法(hong-hoat) 硬(ngī) 摧(chhui)，
时(sî) 若(nā) 到(kàu) hoe 自然(chū-jiân) 开(khui) 到(kàu) 真(chin) súi。

若(nā) 有(ū) 耐心(nāi-sim)，就(chiū) 会(oē) 到(kàu) 美好(bí-hó) ê 地(toē)，
厌倦(ià-siān) ê 脚(kha) thang 歇(hioh)，thang thǹg 去(khì) 鞋(oê)，
到(kàu) hit 时(sî)，咱(lán) beh 明白(bêng-pe̍k) 所有(só͘-ū) 一切(it-chhè)，
我(goá) beh 讲(kóng)：「上帝(siōng-tè) 实行(si̍t-hêng) siōng 好(hó) ê 计画(kè-oē)。」


附注:《荒漠甘泉》汉罗版kap "Hong-bô͘ Kam-chôaⁿ"全罗版附CD，由人光出版社出版， 欢迎洽购(06-235-6277分机(122~124) ， e-mail:book@pctpress.com