《台语游戏教学》

 | | | 转寄

我siōng紧

作者 梁淑慧 2005.10.23

学习ê技能：字母ê字形kap发音ê对应。

使用ê时机：学生已经学过2-ê以上ê白话字ê字母抑是声调时。

需要ê教具：
乌枋（抑是白枋）
吸铁（用来固定字母卡）
白话字字母卡（抑是声调卡）2张以上
2枝塑胶杠槌仔（抑是蠓捽仔）

活动前ê准备：
将beh hō͘学生辨认ê字母卡（抑是声调卡）用吸铁固定tī乌枋。
全班分做2组。

按怎sńg:
请各组照轮流1摆派1位代表出列，分hō͘代表ê学生1人1枝塑胶杠槌仔，khiā tī 离乌枋2~3公尺ê所在。
老师念1-ê字母ê发音，学生ài照所听着ê音去扛字母卡（抑是声调卡），看啥人紧koh正确，hit组to̍h会当得1分。
累积分数khah kôânehit组赢。

变通ê活动：老师所念ê音会当看学生ê程度来变化辨音ê困难度。
一开始会当1摆念1-ê字母ê发音，譬如：单母音（1）a、（2）i、（3) u̍i…。子音（1）k、（2）kh、（3）h……。声调（1）a、（2）á、（3）â……等。
进一步会当1摆念1-ê包含该字母ê单音节词，譬如：（1）ma(妈）、（2）ti(猪）、（3）chhù(厝）……等，hō͘学生照所听着ê音去扛母音卡。抑是（1）ká(绞）、（2）khì(去）、（3）hê(虾）……等，hō͘学生照所听着ê音去扛子音卡。
程度khah kôâne会当1摆念几若ê连续ê音，学生ài照所听着ê顺序去扛字母卡（抑是声调卡），譬如：（1）a、e、o;(2）i、u、o͘；(3）gû、lé、hō……等，抑是（1）ka、khu、ho;(2）khi、he、ko;(3）hái、khàu、kî……等。

请注意：
老师ài先设定1摆复习ê范围是仝性质--ê,譬如：单母音、复母音、子音、声调……等。
会当tùi khah简单ê,1摆比较2-ê字母（抑是声调）开始，看学生ê程度来增加所复习ê字母（抑是声调）ê数量。
Chit-ê活动会当用来复习「上细对比组」。譬如：子音声母「送气音」kap「无送气音」、「清音」kap「浊音」；「鼻化母音」kap「无鼻化母音」；入声韵尾「-t」kap「-k」；鼻音韵尾「-m」kap「-n」kap「-ng」；「入声」kap「非入声」；声调「第一声」kap「第七声」、「第四声」kap「第八声」……等。
一开始会当用khah慢ê速度念，然后看学生ê反应渐渐将念ê速度变khah紧，增加活动ê刺激性。