《巴克礼普世版圣经（试读本）》

 | | | 转寄

巴克礼普世版（试读本） 约翰二书第一章

作者 巴克礼普世版小组 2016.12.19

请 安(chhéng-an)
1我(góa)做 长老(chò tiúⁿ-ló)，写(siá)phoe寄(kià)hō͘上 主(siōng-chú)拣 选(kéng-soán)ê夫人(hu-jîn)kah她(i)ê kiáⁿ儿(jî)，我(góa)真 心(chin-sim)疼(thiàⁿ)lín；m̄-nā我(góa)，所有(só͘-ū)bat真理(chin-lí)ê人(lâng)mā lóng疼(thiàⁿ)lín。2因为(in-ūi)有真理(ū chin-lí)tiàm tī咱(lán)ê心 内(sim-lāi)，mā会(ē)永 远(éng-oán)kah咱(lán)同 在(tông-chāi)。3愿(goān)天父(thiⁿ-pē)上 主(siōng-chú)kah天父(thiⁿ-pē)ê Kiáⁿ耶稣基督(iâ-so͘ ki-tok)，赐咱(sù lán)恩 典(un-tián)、怜 悯(liân-bín)kah平 安(pêng-an)，hō͘咱(lán)ê生 活(seng-oa̍h)充 满(chhiong-móa)真理(chin-lí)kah疼 心(thiàⁿ-sim)。

真理(chin-lí)Kah疼 心(thiàⁿ-sim)
4我(góa)真 欢 喜(chin hoaⁿ-hí)看 见(khòaⁿ-kìⁿ)你(lí)ê kiáⁿ儿(jî)中 间(tiong-kan)，有人(ū lâng)teh遵 行(chun-hêng)天父(thiⁿ-pē)ê诫 命(kài-bēng)，tī真 理 中(chin-lí tiong)生 活(seng-oa̍h)。5亲 爱(chhin-ài)ê夫人(hu-jîn)，taⁿ我(góa)恳 求(khún-kiû)你(lí)，大家(tāi-ke)tio̍h相 疼(sio-thiàⁿ)。我写(góa siá)án-ne hō͘你(lí)，m̄是(sī)新(sin)ê诫 命(kài-bēng)，是咱(sī lán)tùi起 头(khí-thâu)to̍h领受(niá-siū).ê。6咱 照(lán chiàu)上 主(siōng-chú)ê诫 命(kài-bēng)生 活(seng-oa̍h)，就是(chiū-sī)相 疼(sio-thiàⁿ)，chit-ê诫 命(kài-bēng)是(sī)lín tùi起 头(khí-thâu)to̍h听(thiaⁿ)tio̍h-.ê。7有真(ū chin)chē迷 惑 人(bê-he̍k lâng)ê pián-sian-á来到(lâi-kàu)chit世间(sè-kan)，in m̄承 认(sêng-jīn)耶稣基督(iâ-so͘ ki-tok)成 做 人(chiâⁿ-chò lâng)降 临(kàng-lîm)世间(sè-kan)；chit款(khoán)人(lâng)teh迷 惑 人(bê-he̍k lâng)，mā kah基督(ki-tok)做 对敌(chò tùi-te̍k)。8 Lín tio̍h谨慎(kín-sīn)，chiah bē失去(sit-khì)咱(lán)劳苦(lô-khó͘)ê成 果(sêng-kó)，反(hoán)tńg会得(ē tit)tio̍h满 满(móa-móa)ê报赏(pò-siúⁿ)。9无(bô)坚 守(kian-siú)koh偏 离(phian-lī)基督(ki-tok) 教示(kà-sī)ê人(lâng)，眼 中(gán-tiong)无(bô)上 主(siōng-chú)；坚 守(kian-siú)教示(kà-sī)ê人(lâng)，chiah有(ū)kah天父(thiⁿ-pē)以及(í-ki̍p)Kiáⁿ结 联(kiat-liân)。10若有人(nā ū lâng)去(khì)lín hia无 传( bô thoân)chit-ê教示(kà-sī)，m̄-thang接 纳(chiap-la̍p)伊(i)入去(ji̍p-khì)lín ê厝(chhù)，mā m̄-thang kā伊(i)请 安(chhéng-an)，11因为(in-ūi)若(nā)kā伊(i)请 安(chhéng-an)，伊(i)所做(só͘ chò)ê pháiⁿ tāi-chì mā有(ū)你(lí)ê份(hūn)。

最 后(chòe-āu)ê请 安(chhéng-an)
12我有(góa ū)真(chin)chē tāi-chì beh kā lín讲(kóng)，m̄-koh无(bô)ài用 纸(ēng chóa)kah笔(pit)：我(góa)khah ǹg望(bāng)去(khì)lín hia，当面(tng-bīn)做(chò)伙(hóe)讲(kóng)，thang hō͘咱(lán)ê欢 喜(hoaⁿ-hí)充 满(chhiong-móa)。13 Kah你(lí)平 平(pêⁿ-pêⁿ)受 上 主(siū siōng-chú)拣 选(kéng-soán)ê姊 妹(chí-mōe)ê kiáⁿ儿(jî)，mā kā你(lí)请 安(chhéng-an)。