《台湾人e5先觉―黄彰辉传》

 | | | 转寄

编后语

作者 张瑞雄 2009.06.07

读了黄彰辉牧师ê《回忆kap回顾录》，深感伊对台湾乡土爱ê真挚kap台湾人ê信心ê深切，koh-khah涌起对恩师ê爱慕kap尊敬。同时，mā倍感有关伊生平kap信念ê记录异常短缺，tùi án-ne决心先tī日本开始收集伊ê有关资料。He是一九八八年，我驻日宣教师ê任期几近结束。回顾过去六年，一方面时间流逝快速，另外一方面自愧文才泛泛，soah致使bē-tàng写出内容充实ê作品。现今终于ē-tàng kā《黄彰辉传》完成问世．而欣喜心跳。

笔者薄艺泛才，流浪海外四十gōa年，敢以生疏ê中文执笔，实有期待朋友ê协助。Tī收集资料编册ê过程当中，bē少朋友贡献了宝贵ê时间kap才华。为tio̍h求文章达意kap记述ê正确，劳烦了蒋中山、陈宽墀、张村梁、王爱兰、魏瑞明、黄俊德等诸位ê阅读kap指正。另外台中一中同学赖柏峰先生数次校读原稿，又koh hō͘我用字上ê修正、建议。

本册ê特色是内含真chē相片kap史料。起初是东京大学YMCA学生宿舍总干事德久俊彦先生，查出1934年代ê寮生「日志－早拜记录」，随后koh chhōe tio̍h黄彰辉牧师tòa寮时ê同学三轮和敏先生，意外ê伊提供了十gōa张相片。Tī台湾，起先遇tio̍h黄能杰牧师仅存ê kiáⁿ儿黄祺昌先生ang-á-bó͘，经由in得tio̍h黄能杰牧师晚年kap黄彰辉牧师幼年时代ê相片。其次，黄彰辉牧师ê堂弟黄怀义先生提供了黄彰辉牧师留英前ê一kóa珍贵相片。Tī日本ê韩裔画家金斗铉先生惠予两张画，其他贡献者iáu有黄澄辉先生、高俊明牧师kap张千惠女士。黄彰辉牧师五弟黄澄辉先生特别惠予校阅全传原稿，又koh核对册内史料惠予修正kap建言。

为tio̍h beh读英格兰长老教会海外宣道史料，笔者bat前往伦敦大学亚非语言历史研究所研究两pái。意外发现四百六十gōa件有关黄彰辉牧师ê宝贵资料。为tio̍h得tio̍h全部资料，只好委托该院制作显微胶片，koh由软体技术资料公司制成光牒，chiah ē-táng tī厝详读全部资料。制片所需费用，幸得周宏毅牧师kap东湾台湾基督教会ê资助。有关电脑ê使用技术mā得tio̍h东湾台湾教会张汉廷先生协助。本传记原稿大多数是由侄女梁丽芳小姐phah字。Koh每pái为传记工作到台湾，lóng承陈宽墀先生安排tòa宿。其他真chē朋友ê协助kap支持，并此由衷感谢。

最后感谢望春风出版社承担出版ê安排kap作业。