《台湾人e5先觉―黄彰辉传》

 | | | 转寄

怀念自决大师黄彰辉博士

作者 李登辉 2009.01.11

黄彰辉博士tī 1914年出世，台北高等学校毕业了后，前往东京帝国大学深造，后来tī英国留学，soah因为战争爆发无法度回国。战后1947年tńg来台湾，1949－1965年出任台南神学院ê院长。Liâm-piⁿ就受聘担任普世神学教育基金会ê总干事，1988年因为肺癌来过身。

黄博士一生热爱乡土，关怀社会，bat tī美国kap黄武东博士、林宗义博士、宋泉盛博士发起台湾基督徒自决运动。伊tī神学院院长任期内，鼓励神学院ê学生出国留学，培养普世宏观ê眼光，又koh建构情境化神学，是一位真受敬重ê国际有名ê神学家。

黄博士认为自决m̄是kan-taⁿ一直追求权力，mā应该包括生命ê分享kap责任ê承担，因此，伊认为自决包含三个层次：

第一、 hō͘人决定beh去决定（be decided to decide）。人既然遵照神ê形象来创造，iū-koh得tio̍h自由意志，因此，人mā是决定者。

第二、 决定m̄ hō͘人来决定（decide not to be decided）。人kan-taⁿ tī「决定」内底存在，bē-sái漂浮游离。「决定m̄ hō͘人来决定」tùi án-ne是人被创造ê天赋；不幸ê是，真chē人被教导、训练、灌输成做「m̄决定者」。成做「被决定者」是值得同情..ê，因为伊虽然珍惜决定ê权力，m̄-koh chit项权利soah受tio̍h剥夺；「m̄决定者」虽然真推sa̍k责任，因为伊chhìn-chhái放弃「作决定」ê权利。白白糟蹋神赐hō͘伊自由意志ê恩典，kap否定神ê「决定」sio-siâng。

第三、 决定soah被决定（decide to be decided）。基督ê自决是咱ê模范，伊虽然有无限kap自由，竟然「家己限制」kap「捆绑」tī他ê柴á顶。Tùi道成肉身、医病赶鬼、为门徒洗脚，到钉死tī十字架，lóng是tī耶稣ê意志下ê「自决」。因为伊甘愿「决定去爱」、「决定谦卑」、「决定舍己」。

自决生命ê三个层次，看起来kah-ná互相对立，soah lóng是tàu-liáu真bā。颠倒是今á日台湾ê自决观念是偏颇ê，ta̍k家kan-taⁿ知影照家己ê判断、家己ê立场，用一切手段kap途径，争取家己ê权益kap福祉。欠缺为别人设想ê道德能力，造成「大家互相对抗」ê局面。Chit种ê自决距离tùi基督十字架ê自决实在siuⁿ遥远á。咱家己既然无愿意成作一个「被决定者」，mā无应该强迫hō͘别人成做「被决定者」。

咱怀念黄彰辉博士，因为伊提醒咱真心反省神hō͘世人自决权ê原始目的，这目的当然包括要求咱去作一个有爱、有道德使命，koh爱护真理ê人。