《台语网放送头》

 | | | 转寄

台语文电子册技术研究社 起鼓

作者 潘科元 2012.10.07

感谢林长老为我cháu-chông设法《平民ê基督传》。
到时我会招人比对原册图档来做校对。若招无人，我就逐工拨寡时间，宽宽仔来做。

我有koh tī facebook 开一ê「台语文电子册技术研究社」，我已经先将汝加入社团来，劳烦你有闲ê时，才过来kā阮指教。
以下是我贴tī迄ê社团ê公告：
------ 电子册ê时代已经来矣！弱势ê台语文，比强势语文koh卡需要利用电子册ê优点来推捒。目前已经累积袂少台语文ê网页资料，咱该当就即ê基础，进一步来推广台语文电子册。所以建置即ê社团，招邀[tsio-io]友志来研究、合作。
咱比较卡静态ê网页，电子册有真济优势：
○ 下载落来，随时thèng好tī各种随身设备（手机仔、平板电脑）来阅读。
○ 透过云顶服务来进行同步，一份资料，同齐出现tī个人济济项设备内底。可比讲，即本电子册，我tī厝内ê PC 读到某一页，了后出外坐公车，手机仔提出来，即时通接落去读。
○ tī电子册顶面做书签、注记等等，会用得传转去电子册平台，分享hō͘现在佮未来读即本册ê任何人，嘛方便进行网路读册会。这对推捒台语文，意义重大！
○ 册有新版出来，即时知影thang更新。
○ 读电子册，坐卡会椆、读卡会落；看电脑网页，一下仔就袂堪得矣。
即ê社团ê重点，主要是tī技术方面，欲来研究按怎制作台语文ê epub 电子册（尤其是多媒体ê）、建置台文电子册平台（采用 Open Publication Distribution System, OPDS, 协定），koh将成果提供hō͘社会利用。 ------
科元