《台语kah魔术》

 | | | 转寄

0615警察节

作者 苏晏德 2025.06.15

＊警察节 Kéng-chhat-cheh
六月十五警察节
La̍k-goe̍h cha̍p-gō͘ kéng-chhat-cheh
警察护民阁安家
Kéng-chhat hō͘ bîn koh an-ke
维持治安勤务济
Î-chhî tī-an khîn-bū chē
规年辛苦爱鼓励
Kui-nî sin-khó͘ ài kó͘-lē

警察精神真伟大
Kéng-chhat cheng-sîn chin úi-tāi
天灾地变爱救灾
Thian-chai tē-piàn ài kiù-chai
代志艰苦爱忍耐
Tāi-chì kan-khó͘ ài jím-nāi
拒绝引诱爱正派
Kī-choa̍t ín-iú ài chiàⁿ-phài

警察任务足辛苦
Kéng-chhat jīm-bū chiok sin-khó͘
毋管透风抑落雨
M̄-koán thàu-hong ah lo̍h-hō͘
暗时出勤毋惊乌
Àm-sî chhut-khîn m̄-kiaⁿ o͘
头壳清楚袂糊涂
Thâu-khak chheng-chhó bē hô͘-tô͘

警察作穑真拍拚
Kéng-chhat choh-sit chin phah-piàⁿ
拄着困难拢毋惊
Tú-tio̍h khùn-lân lóng m̄-kiaⁿ
看着贼仔赶紧掠
Khòaⁿ-tio̍h chha̍t-á kóaⁿ-kín lia̍h
祝恁平安阁勇健
Chiok lín pêng-an koh ióng-kiāⁿ