《苏老师 ê 台语教室》

 | | | 转寄

陈金木

作者 苏晏德ê学生 2016.11.20

金木外号叫永成~冈山
松年大学的学生
做人知足性安静
做事认真有真诚
爱食水果爱旅行
欢喜助弱真勇猛
人缘真好受欢迎
一生拍拚求功名

美丽宝岛~陈金木

美丽宝岛世界岛
丽岛形影人呵咾
宝岛人民骨力做
岛上自由生活好

松年大学~陈金木

长老教会设松大
教导技艺造福大
增进年长心扩大
学艺歌唱乐更大

做田心声~陈金木

炎炎日头曝昏头
头戴瓜笠遮日头
认真thóaⁿ草汗若流
做田艰苦吞落喉
有时无雨曝日头
看天食饭目屎流

炎炎天~陈金木

大大日头炎炎天
逐家拢咧吹冷气
毋惊日曝做田去
做田需要有勇气
为着丰收潦落去
曝甲乌乌算啥物

孤鸟~陈金木

一只孤鸟歇伫遐
只有听着伊叫声
一时揣无伊的伴
啼啼哭哭动心肝
引我想起亲爹娘
想欲有孝无伫遮

人生观~陈金木

日落西山人未老
利用时间四界走
毋通等甲跤袂走
予人挟咧才来吼
为着健康莫伤操
时间永远是袂留