忧 伤,á是烦 恼是美丽,ná 亲 像月光照过树 叶 ê 美丽,温柔 tī 土 脚光 光映映 ê 圆银。伊也亲 像夜鹰暗时发好 听歌 声,伊 ê 目神 khǹg tī 无 koh 期待快 乐 ê 人 ê 身 上。伊会 kap 哀 伤 ê 人相kap 哀 伤,亲 切同 情,总 是 m̄ 知 thang kap 快 乐 ê 人相kap 快 乐。
喜乐,á是快 乐也是真美丽,伊 ná 亲 像热 天早 起 时灿 烂 ê 美丽。伊 ê 目 睭内有 gín-ná 时欢 乐 ê 笑 容,伊 ê 头 毛金sih-sih 整 齐好 看,伊 ê 歌 声 ná 云 雀转 旋 tī 空 中。伊 ê 脚步是胜 利 teh 进 行,m̄-bat 失败。伊会 kap 快 乐 ê 人相kap 快 乐,总 是 m̄ 知 kap 忧 伤 ê 人相kap 忧 伤。
忧 伤先 生对快 乐小 姐讲,「咱 lóng 永 远 bōe-thang 作 伙 mah?」 「是,永 远 bōe,」快 乐小 姐也是 án-ni 回,「因为我 ê 路是经 过太 阳普 照 ê 草 埔,我来,玫 瑰当 teh 大开,鸟á 也唱快 乐 ê 歌欢 迎我。」
忧 伤先 生 ûn-ûn-á oa̍t-tńg身讲:「Tio̍h,我 ê 路 ài 经 过 am-am ê 树 林,有 tī 暗暝开芳 芳 ê 花做 伴,koh 有地 上 siōng súi siōng 纯 ê 夜间爱 情歌 hō͘ 我。」忧 伤面iu-iu 离别讲:「亲 爱 ê 快 乐小 姐,再 会,请保 重。」
当 in teh 讲 话 ê 时,in 注意tio̍h 有人 khiā tī in 身边。虽 然是暗暗,in 感 觉伊有王 ê 气 慨,深 深感 受tio̍h 伟大神 圣 ê 敬 畏气 氛,in 就跪 落仆 tī 伊 ê 面 前。
忧 伤细声讲:「我看伊是快 乐 ê 王,因为伊头戴 chōe-chōe 王 帽,伊 ê 脚 手有胜 利 ê 记号,我 ài 将家己交 hō͘ 伊,将一 切 ê 忧 伤化 做 bōe 死 ê 疼 kap 喜乐。」
快 乐小 姐也细声应:「M̄-tio̍h,忧 伤先 生,因为我看伊是忧 伤 ê 王,伊 ê 头所戴 ê 是刺á帽,伊 ê 脚 手是痛 苦 ê 伤 痕,我也 ài 将家己献 hō͘ 伊,因为忧 伤 kap 伊 tī-teh,一定比我所知喜乐 koh-khah 甘 甜。」
「Án-ni,咱 tī 伊 ê 内面成 做一 体。」In 真欢 喜讲,「因为 tī 伊 ê 内面将忧 伤 kap 快 乐结 合 做一个。」In 两 人手牵 手进 入世界。经 历冬 天忧 伤 ê 寒 冷 kap 热 天快 乐 ê 温 暖,成 做「亲 像烦 恼,其实常 常快 乐。」
忧 伤搭你 ê 肩 胛, 静 静 kap 你行; 喜乐对你变冷 淡, 渐 渐失去伊 ê 影; 莫 得走 开忧 愁同 伴, 伊是上 帝 ê 使 者; 现 在你 bōe 明, 以后 beh 大 大感 谢; 伊是罩暗phè,上 帝 ê 天 使, 「用信 心,无用目 睭」kap 伊同 行。(哥林多后书 5:7)