《台语荒漠甘泉（汉罗版）》

 | | | 转寄

我ê恩典够额你用

作者 陈清俊 译 林俊育 汉罗翻写 2012.08.05

listen
八月初五(八月五日)

「有(ū) 我(góa) ê 恩(un)，你(lí) 就(chiū) 够 额(kàu-gia̍h)。」 (哥林多(ko-lîm-to) 后(āu) 书(chu) 12:9)

上 帝(siōng-tè)「欢 喜(hoaⁿ-hí)」(哥林多(ko-lîm-to) 前(chêng) 书(chu) 1:21)将(chiong) 我(góa) ê 像(siōng) 细 汉(sòe-hàn) ê kiáⁿ儿(jî) 带(tòa) 离开(lī-khui) chit-ê 世界(sè-kài)，chit-ê 严 重(giâm-tiōng) ê 考 验(khó-giām) hō͘ 我(góa) 真(chin) 痛 苦(thòng-khó͘)。我(góa) 将(chiong) 细 细(sòe-sòe) ê 尸体(si-thé) hē 入(ji̍p) tī 墓(bōng) 里(nih) 以后(í-āu)，tùi 教 堂(kàu-tn̂g) ê 墓 地(bōng-tē) tńg来(lâi) ê 时(sî)，有(ū) 一个(chi̍t-ê) 力 量(le̍k-liōng) ài 我(góa) ǹg 会 众(hōe-chiòng) 宣 讲(soan-kóng) 受(siū) 苦 难(khó͘-lān) ê 意义(ì-gī)。

我(góa) 发 见(hoat-kiàn) 后(āu) ê 礼拜日(lé-pài-ji̍t) 主 日 学(chú-ji̍t-o̍h) ê 课题(khò-tê) 是(sī)「我(góa) ê 恩(un)，够 额(kàu-gia̍h) 你(lí) 用(ēng)」我(góa) 就(chiū) 用(ēng) 伊(i) 做(chòe) 题目(tê-ba̍k)，是(sī) 主(chú) tùi 会 众(hōe-chiòng) tùi 我(góa) ê 信息(sìn-sit)。总 是(chóng-sī) 我(góa) 准 备(chún-pī) 讲(kóng) 章(chiuⁿ) ê 时(sî)，发 见(hoat-kiàn) 我(góa) 并(pēng) 无(bô) 真 正(chin-chiàⁿ) chit 种(chióng) ê 生 活(seng-oa̍h) 体 验(thé-giām)。我(góa) 跪落(kūi-lo̍h)，求(kiû) 主(chú) hō͘ 伊(i) ê 恩 典(un-tián) 对(tùi) 我(góa) 有(ū) 够 额(kàu-gia̍h) 用(ēng)。我(góa) teh 求(kiû) ê 时(sî)，目 睭(ba̍k-chiu) phah 开(khui) 一下(chi̍t-ē) 看(khòaⁿ)，chit 句(kù) 经 文(keng-bûn) 已经(í-keng) 装 框(chng-kheng) 挂(kòa) tī 壁 顶(piah-téng)。是(sī) 我(góa) ê 老母(lāu-bú) 两(nn̄g) 三(saⁿ) 工(kang) 前(chêng) hō͘ 我(góa) ê，hit 时(sî) 我(góa) iáu 是(sī) tī 失去(sit-khì) kiáⁿ 度假(tō͘-ká) ê 所 在(só͘-chāi)，人(lâng) 无(bô) tī 厝 里(chhù-ni̍h)。我(góa) 请(chhiáⁿ) 人(lâng) kā 伊(i) 挂(kòa) 起来(khí-lâi)，但是(tān-sī) 无(bô) 注意(chù-ì)tio̍h 顶 面(téng-bīn) ê 字(jī)。Chit 时(sî) 我(góa) giâ 头(thâu) 一下(chi̍t-ē) 看(khòaⁿ)，hiah-ê 字(jī) 就(chiū) tī 眼 前(gán-chêng)。「我(góa) ê 恩 典(un-tián) 是(sī) 够 额(kàu-gia̍h) 你(lí) 用(ēng)。」

「是(sī)」是(sī) 用(ēng) 明 显(bêng-hián) ê 绿 色(le̍k-sek) 写(siá)，「我(góa) ê」kap「你(lí)」koh 用(ēng) 另 外(lēng-gōa) 一(chi̍t) 色(sek) 标(piau) 出 来(chhut-lâi)。有(ū) 一个(chi̍t-ê) 信息(sìn-sit) 马 上(má-siōng) 入(ji̍p) 我(góa) ê 心 灵(sim-lêng) 内(lāi)，ná 亲 像(chhin-chhiūⁿ) 责 备(chek-pī) 我(góa) 为甚么(ūi-sím-mi̍h) 要求(iau-kiû) 主(chú)「hō͘ 你(lí) ê 恩 典(un-tián) 够 额(kàu-gia̍h) 我(góa) 用(ēng)」，我(góa) 差 不 多(chha-put-to) thang 听 见(thiaⁿ-kìⁿ) 伊(i) ê 答 覆(tap-hok)：「你(lí) thài 会(ōe) 要求(iau-kiû) 已经(í-keng)『是(sī)』ê 物 件(mi̍h-kiāⁿ) neh?」我(góa) bōe hō͘ 我(góa) ê 恩 典(un-tián) 比(pí) 我(góa) 已经(í-keng) hō͘ 你(lí) ê khah 充 足(chhiong-chiok)。起来(khí-lâi)，信(sìn) 伊(i)。你(lí) 能(ōe) 发 现(hoat-hiān) 这(che) 是(sī) 真 真(chin-chin) 实实(si̍t-si̍t) ê 生 活(seng-oa̍h) 经 验(keng-giām)。

主(chú) ê 话(ōe) 讲(kóng) 得(tit) 真(chin) 简 单(kán-tan)，「我(góa) ê 恩 典(un-tián) 是(sī)，(m̄ 是(sī) 将 来(chiong-lâi)，á是(sī) 可 能(khó-lêng))，够 额(kàu-gia̍h) 你(lí) 用(ēng)」，hit 时(sî) 起(khí)，「我(góa) ê」「你(lí)」kap「是(sī)」chit 三(saⁿ) 字(jī) 就(chiū) 永 远(éng-oán) 刻(khek) tī 我(góa) ê 心内(sim-lāi)，bōe 无去(bô-khì)。感 谢(kám-siā) 主(chú)，tùi hit 工(kang) 起(khí)，我(góa) 一直(it-ti̍t) 努力(ló͘-le̍k) 生 活(seng-oa̍h) tī hit-ê 真理(chin-lí) ê 实 在(si̍t-chāi) 里(nih)。

Chit-ê 经 验(keng-giām) hō͘ 我(góa) kap 我(góa) 所(só͘) 想(siūⁿ) beh 传 达(thoân-ta̍t) hō͘ 人(lâng) ê 教示(kà-sī) 是(sī)：莫 得(bo̍h-tit) 将(chiong) 上 帝(siōng-tè) 已经(í-keng) 实 行(si̍t-hêng) ê 事(sū) iáu teh 希 望(hi-bōng)，iáu teh 求(kiû)，应 该(eng-kai) 爽 爽(sóng-sóng) 快快(khoài-khoài) 接 受(chiap-siū) chit-ê 现 实(hiān-si̍t)。你(lí) 就(chiū) 会(ōe) 发 现(hoat-hiān) 只要(chí-iàu) 你(lí) 相 信(siong-sìn)，上 帝(siōng-tè) ê 恩 典(un-tián) 够 额(kàu-gia̍h) 你(lí) 用(ēng)。――H.W. Webb Peploe

担(tàⁿ) ná 重(tāng)，恩 典(un-tián) ná 得(tit) the̍h，
工(kang) lú 做(chòe)，力 量(le̍k-liōng) lú 加(ke)，
痛 苦(thòng-khó͘) 增 加(cheng-ka)，怜悯(lîn-bín) khah chōe，
试 炼(chhì-liān) 加倍(ka-pē)，平 安(pêng-an) 也(iā) 加倍(ka-pē)。

当(tng) 忍耐(jím-nāi) 到(kàu) 限度(hān-tō͘)，bōe 挡(tòng)，
当(tng) 力 量(le̍k-liōng) 半(pòaⁿ) 工(kang) 就(chiū) 无(bô) 路 用(lō͘-iōng)，
当(tng) 所有(só͘-ū) 资 源(chu-goân) 用(ēng) 到(kàu) 尽(chīn)pōng，
天父(thiⁿ-pē) 丰 富(hong-hù) ê 赏 赐(siúⁿ-sù) chiah 开始(khai-sí) 行 动(hêng-tōng)。

伊(i) ê 疼(thiàⁿ) 无 限 量(bû-hān-liōng)，koh 有(ū) bōe 测 度(chhek-to̍k) ê 恩(un)，
伊(i) 赐(sù) 人(lâng) 无 限(bû-hān) 力 量(le̍k-liōng) 长 长(tn̂g-tn̂g) 久久(kú-kú)，
Tī 耶稣(iâ-so͘) 内(lāi)，无 穷(bû-kiông) ê 丰 富(hong-hù)，
伊(i) 赏 赐(siúⁿ-sù)，koh 赏 赐(siúⁿ-sù)，再(chài) 赏 赐(siúⁿ-sù)。


附注:《荒漠甘泉》汉罗版kap "Hong-bô͘ Kam-chôaⁿ"全罗版附CD，由人光出版社出版， 欢迎洽购(06-235-6277分机(122~124) ， e-mail:book@pctpress.org