Thèng候主ê时间
七月二二(七月二十二日)
「耶和华 因为 án-ni beh thèng候 来 施 恩惠 hō͘ lín,...凡 若 thèng候 伊 ê,lóng 有 福 气。」 (以赛亚 30:18)
咱 m̄-nā 应 该 了 解 thèng候 上 帝 ê 重 要,也 tio̍h 了 解 另 外 khah 美 妙 ê 一 面,就 是 主 也 thèng候 咱。因为 主 ê thèng候,koh-khah 激励 咱 来「thèng候 伊」。 也 hō͘ 咱 有 讲 bōe 出 ê 信 心,知 咱 m̄ 是 白 白 thèng候。所以 用 thèng候 上 帝,hō͘咱 去 chhē求 发 见 现 在 thèng候 ê 真 正 意义。
主 对 每 一个 kiáⁿ儿 lóng 有 一个 美好 oh得 想 像 ê 旨意 kap 计画。你 beh 问,「假使 这 是 真 ê,我 到 伊 ê 面 前 thèng候 伊,伊 为甚么 ài 我 等 koh 再 等,无 紧紧 来 帮 赞 ah?」伊 án-ni 做 是 因为「伊 是 一个 有 智慧 ê 作 穑 人」,伊「thèng候 地 上 宝 贝 ê 土 产」,koh 「吞 忍 teh thèng候...到 得tio̍h 秋 霖 春 雨」。 (雅 各 5:7) 伊 知 果子 成 熟 chiah thang 挽,伊 也 知 甚 么 时 咱 ê 心 灵 成 熟 chiah 会 thang 接 受 伊 ê 福 份,tùi án-ni 咱 得 利益,伊 得 荣 光。Tī 伊 疼 痛 ê 日光 下,thèng候 咱 ê 灵 性 ê 成 熟,thang 受 祝 福,也 会 晓 tī 试 验 ê 密 云 中 thèng候 ê 重 要,所 带来 甘雨 般 ê 祝 福。
假使 上 帝 ài 咱 等 khah 久,这 是 保 证 咱 beh 得 双 倍 ê 福 份。会 记得,伊 等,「若是 到 hit-ê 时 已经 满,上 帝 差 伊 ê Kiáⁿ」(加 拉 太 4:4),咱 ê 时间 tī 伊 ê 手 中,伊 会 紧紧 帮 赞 咱,连 一点 钟 ê 耽误 也 bōe。――Andrew Murray
附注:《荒漠甘泉》汉罗版kap "Hong-bô͘ Kam-chôaⁿ"全罗版附CD,由人光出版社出版, 欢迎洽购(06-235-6277分机(122~124) , e-mail:book@pctpress.org