《台语荒漠甘泉（汉罗版）》

 | | | 转寄

安静tī主面前

作者 陈清俊 译 林俊育 汉罗翻写 2012.06.17

listen
六月十七(六月十七日)

「Tī in 头 壳(thâu-khak) 顶(téng) 穹 苍(kiong-chhong) ê 顶 面(téng-bīn) 有(ū) 声(siaⁿ)；in 停(thêng) ê 时(sî)，翼(si̍t) 就(chiū) 放(pàng) 落来(lo̍h-lâi)。」 (以西结(í-se-kiat) 1:25)

「In 停(thêng) ê 时(sî)，翼(si̍t) 就(chiū) 放(pàng) 落来(lo̍h-lâi)。」是(sī) 甚 么(sím-mi̍h) 意思(ì-sù)？人(lâng) 常 常(siông-siông) 问(mn̄g)，我(góa) án-chóaⁿ chiah 能(ōe) 听(thiaⁿ)tio̍h 主(chú) ê 声音(siaⁿ-im)？ Hit ê 秘 诀(pì-koat) 在(chāi) tī-chia:chiah-ê「活 物(oa̍h-mi̍h)」(以西结(í-se-kiat) 1:5)听(thiaⁿ)tio̍h 声音(siaⁿ-im)…停(thêng) ê 时(sî)，将(chiong) 翼(si̍t) 放(pàng) 落来(lo̍h-lâi)。

咱(lán) 也(iā) bat 看(khòaⁿ)tio̍h 鸟(chiáu)á 歇(hioh) tī 树 枝(chhiū-ki) 顶(téng)，总 是(chóng-sī) in ê 翼(si̍t) iáu teh 摇(iô) 一下(chi̍t-ē)，摇(iô) 一下(chi̍t-ē)。但是(tān-sī) tī 一 节(chi̍t-chat) 讲(kóng)：「In 听(thiaⁿ)tio̍h 声音(siaⁿ-im)，就(chiū) 停(thêng) 落来(lo̍h-lâi)，翼(si̍t) 也(iā) 放(pàng) 落来(lo̍h-lâi)。」

你(lí) kiám bat tī 主(chú) ê 面 前(bīn-chêng) 坐(chē) á是(sī) 跪(kūi) ê 时(sî)，你(lí) ê 灵(lêng) ê 翼(si̍t) iáu teh 摇(iô) mah? 若是(nā-sī) án-ni，你(lí) tī 上 帝(siōng-tè) ê 面 前(bīn-chêng) 就(chiū) 无(bô) 真 正(chin-chiàⁿ) ê 安 静(an-chēng)。

一个(chi̍t-ê) 人(lâng) 无(bô) 几(kúi) 日(ji̍t) 前(chêng) kā 我(góa) 讲(kóng)：「我(góa) 为(ūi)tio̍h 某(bó͘) 一 项(chi̍t-hāng) 事(sū) 祈祷(kî-tó)，总 是(chóng-sī) iáu-bōe 得(tit)tio̍h 回 答(hôe-tap)。」就 是(chiū-sī) 讲(kóng)：伊(i) 无(bô) 安 静(an-chēng) 落来(lo̍h-lâi) 听(thiaⁿ) 上 帝(siōng-tè) ê 话(ōe) 就(chiū) 离开(lī-khui)，照(chiàu) 家己(ka-kī) ê 想 法(siūⁿ-hoat) 去(khì) 做(chòe)，结 果(kiat-kó) chhòng到(kàu) 乱(loān)chhau-chhau，to̍h ài koh 重 来(têng-lâi)。

Ah，咱(lán) 浪 费(lōng-hùi) jōa-chōe 经 历(keng-le̍k)，因为(in-ūi) 咱(lán) 拒 绝(kū-choa̍t) 将(chiong) 咱(lán) ê 心 灵(sim-lêng) ê 翼(si̍t) 放(pàng) 落来(lo̍h-lâi)，bōe-thang tī 上 帝(siōng-tè) ê 面 前(bīn-chêng) 完 全(oân-choân) 安 静(an-chēng) 落来(lo̍h-lâi)，致到(tì-kàu) 损 失(sún-sit) chōe-chōe ê 时间(sî-kan)？默 想(be̍k-sióng) 咱(lán) tī 伊(i) ê 面 前(bīn-chêng) 安 静(an-chēng) thèng候(hāu) 伊(i) ê 回 答(hôe-tap) 所(só͘) 得(tit) tio̍h ê 安 静(an-chēng)、歇 困(hioh-khùn) kap 平 安(pêng-an)！

了 后(liáu-āu)，到时(kàu-sî)，咱(lán) beh「走 来(cháu-lâi) 走 去(cháu-khì)，亲 像(chhin-chhiūⁿ) 闪(siám) nà teh 闪(siám)。」(以西结(í-se-kiat) 1:14)也(iā) 直 接(ti̍t-chiap) 去(khì)「神(sîn) 所(só͘) beh 去(khì) ê 所 在(só͘-chāi)。」(以西结(í-se-kiat) 1:20)

安 静(an-chēng)！chit 时(sî) 安 静(an-chēng) 定 定(tiāⁿ-tiāⁿ)！
Lêng 所(só͘) bōe bat 听(thiaⁿ)，
M̄是(sī) 鸟(chiáu)á声(siaⁿ)，
M̄是(sī) 风(hong)、涌(éng) á是(sī) 星(chhiⁿ) ê 影(iáⁿ)，
是(sī) tùi 远 远(hn̄g-hn̄g) 上 帝(siōng-tè) hia，
Hō͘ 思 乡(su-hiong) ê 灵 魂(lêng-hûn) 欢 喜(hoaⁿ-hí) 无比(bû-pí)，
Tī 静 静(chēng-chēng) ê 时(sî)，chiah 会(ōe) 听 见(thiaⁿ-kìⁿ)。

安 静(an-chēng)！chit 时(sî) 安 静(an-chēng) 定 定(tiāⁿ-tiāⁿ)！
温和(un-hô) 甜蜜(tiⁿ-bi̍t) ê 影(iáⁿ)，
无(bô) 听(thiaⁿ)tio̍h 任何(jīm-hô) 脚步(kha-pō͘) 声(siaⁿ)，
是(sī) 耶稣(iâ-so͘) 所(só͘) chhē 安 慰 者(an-ùi-chiá)，
教示(kà-sī) 伊(i) ê 真理(chin-lí)、神 圣(sîn-sèng)，
充 满(chhiong-móa) tī 愿意(goān-ì) thèng候(hāu) ê 灵(lêng)，
你(lí) 若(nā) beh 听(thiaⁿ) 伊(i) ê 信息(sìn-sit)，公 正(kong-chèng)，
亲 爱(chhin-ài) ê 心 灵(sim-lêng)！Ài 安 静(an-chēng)！


附注:《荒漠甘泉》汉罗版kap "Hong-bô͘ Kam-chôaⁿ"全罗版附CD，由人光出版社出版， 欢迎洽购(06-235-6277分机(122~124) ， e-mail:book@pctpress.org