《台语荒漠甘泉（汉罗版）》

 | | | 转寄

退去边a

作者 陈清俊 译 林俊育 汉罗翻写 2012.01.22

listen
正月二二(一月二十二日)

「耶稣(iâ-so͘)....退去(thè-khì) 旷 野(khòng-iá)，家己(ka-kī) tòa;」(马太(má-thài) 14:13)

乐 谱(ga̍k-phó͘) 内(lāi) 有(ū) 休息符号(hiu-sek hû-hō)，一 条(chi̍t-tiâu) 歌(koa) ê 乐 章(ga̍k-chiuⁿ) 常 常(siông-siông) 你(lí) 会(oē) 看(khoàⁿ)tio̍h tī-chia，tī-hia lóng会(oē) 出 现(chhut-hiān) 休息符号(hiu-sek hû-hō)。人 生(jîn-seng) ê 乐 章(ga̍k-chiuⁿ)，也是(iā-sī) án-ni，tī chia，tī hia 常 常(siông-siông) 有(ū) 休息符号(hiu-sek hû-hō) ê 出 现(chhut-hiān)，总 是(chóng-sī) 当(tng) 人(lâng) tú-tio̍h 休息符号(hiu-sek hû-hō) ê 时(sî)，掠(lia̍h) 做(choè) 是(sī) 人 生(jîn-seng) ê 终 点(chiong-tiám) lah。上 帝(siōng-tè) 用(ēng) 破 病(phoà-pīⁿ)，用(ēng) 失 望(sit-bōng) ê 计画(kè-oē)，无(bô) 结果(kiat-kó) ê 努力(ló͘-le̍k)，做(choè) 休息号(hiu-sek-hō)，叫(kiò) 人(lâng) ài 歇 困(hioh-khùn)。人 生(jîn-seng) ê 合 唱(ha̍p-chhiùⁿ) 中(tiong)，tú-tio̍h 休息号(hiu-sek-hō)，咱(lán) ê 声(siaⁿ) 无去(bô-khì) ah，咱(lán) beh 懊恼(àu-náu) mah?指挥(chí-hui)、音乐家(im-ga̍k-ka) 看(khoàⁿ) 休息号(hiu-sek-hō) 是(sī) 乐 章(ga̍k-chiuⁿ) ê 一部分(chi̍t-pō͘-hūn)，伊(i) 并(pēng) 无(bô) 停 止(thêng-chí)，iáu-teh 继续(kè-sio̍k) phah拍(phek)，时间(sî-kan) 一下(chi̍t-ē) 到(kàu)，无(bô) khah 长(tn̂g)，也(iā) 无(bô) khah 短(té)，就(chiū) koh 继续(kè-sio̍k) 下面(ē-bīn) ê 音符(im-hû)，休息号(hiu-sek-hō) ná 亲 像(chhin-chhiūⁿ) 无(bô) 挡 恬(tòng-tiām) 一 样(chi̍t-iūⁿ)。 咱(lán) 人 生(jîn-seng) ê 乐 章(ga̍k-chiuⁿ)，上 帝(siōng-tè) 写(siá) ê 时(sî)，lóng有(ū) 一个(chi̍t-ê) 计画(kè-oē)，咱(lán) 所(só͘) 做(choè) ê，是(sī) 学习(ha̍k-si̍p) hit-ê 歌 调(koa-tiāu)，休息号(hiu-sek-hō) ê 时(sî)，就(chiū) tio̍h 耐心(nāi-sim) thèng-hāu，chit 时(sî) 也(iā) bōe-sái 大意(tāi-ì)，á是(sī) 忽 略(hut-lio̍k)，soah 破 坏(phò-hoāi)tio̍h 整 个(chéng-kô) ê 乐 章(ga̍k-chiuⁿ)，á是(sī) 变 调(piàn-tiāu)。咱(lán) ài 仰 望(gióng-bōng) 上 帝(siōng-tè)，于(î) teh 算(sǹg) 时间(sî-kan)，只要(chí-iàu) 认真(jīn-chin) 看(khoàⁿ) 上 帝(siōng-tè)，下(ē) 一个(chi̍t-ê) 乐 章(ga̍k-chiuⁿ) 伊(i) beh 清 清(chheng-chheng) 楚 楚(chhó-chhó) 指示(chí-sī) 咱(lán)。咱(lán) 无(bô) 需要(su-iàu) 忧忧(iu-iu) 愁 愁(chhiû-chhiû) 对(tùi) 家己(ka-kī) 讲(kóng)，休息号(hiu-sek-hō) 听(thiaⁿ) bōe-tio̍h 咱(lán) ê 声音(siaⁿ-im)，beh án-chóaⁿ neh? Ài 知(chai) 休息号(hiu-sek-hō) 是(sī) 乐 章(ga̍k-chiuⁿ) ê 一部分(chi̍t-pō͘-hūn)。生 活(seng-oa̍h) 过 程(kè-thêng) 常 常(siông-siông) 是(sī) 慢 慢(bān-bān) koh 苦 痛(khó͘-thàng)，上 帝(siōng-tè) 却(khiok) 有(ū) 耐心(nāi-sim) 来(lâi) 教示(kà-sī) 咱(lán)，m̄-nā 教(kà)，koh 耐心(nāi-sim) thèng-hāu 咱(lán) 学(o̍h)tio̍h 这(che) 功 课(kong-khò)。――John Ruskin

退去(thè-khì) 边(piⁿ) a，
Tùi 无闲(bô-êng) 快 乐(khoài-lo̍k) ê 工 作(kang-chok)，
Tùi 世间(sè-kan) bōe 停(thêng) ê 劳碌(lô-lo̍k)，
进(chìn) 到(kàu) 天 顶(thiⁿ-téng) 阴影(im-iáⁿ) 安乐(an-lo̍k)，
来(lâi) 到(kàu) 暂 时(chiām-sî) 休息(hiu-sek) 天 国(thian-kok)。

退去(thè-khì) 边(piⁿ) a，
黄 昏(hông-hun)，入(ji̍p) 无 人(bô-lâng) ê 花 园(hoe-hn̂g)，
主(chú)kap你(lí) tī-teh，m̄是(sī) 放(pàng) 你(lí) 远 远(hn̄g-hn̄g)，
听(thiaⁿ) 伊(i) 优美(iu-bí) ê 声(siaⁿ) 细 细(soè-soè) teh 劝(khǹg)，
「Kiáⁿ ah，你(lí) beh kap 我(goá) 享受(hiáng-siū) 这(che) 安 静(an-chēng) 下昏(ē-hng)？」

退去(thè-khì) 边(piⁿ) a，
Kap 主(chú) 基督(ki-tok) 散步(sàn-pō͘)，
Lim 活 泉(oa̍h-choâⁿ) 甘露(kam-lō͘)，
Kap 伊(i) 亲密(chin-bi̍t) 交 陪(kau-poê)，
接 近(chiap-kūn) 天 顶(thiⁿ-téng) 相 会(siong-hoē)。

退去(thè-khì) 边(piⁿ) a，
Kap 伊(i) 单 独(tan-to̍k)，bat 伊(i) ná 深(chhim)，
Tī 隐密(ún-ba̍t) 中(tiong)，更 加(kèng-ka) 疼 心(thiàⁿ-sim)，
暗暝(àm-mî) 忧 伤(iu-siong) 时(sî) 得(tit) 学习(ha̍k-si̍p)，
伊(i) 温柔(un-jiû) 亲切(chin-chhiat) 无(bô) 着急(tio̍h-kip)。

退去(thè-khì) 边(piⁿ) a，
感谢(kám-siā) 你(lí) 致荫(tì-ìm) kap 安 静(an-chēng)，
感谢(kám-siā) 你(lí) 疼(thiàⁿ) ê 路 径(lō͘-kèng)，
Kap 你(lí) tī-teh，不 管(put-koán) 阮(goán) 哭(khàu)，阮(goán) 惊 醒(kéng-séng)，
感谢(kám-siā) 你(lí) 赐(sù) 暗暝(àm-mî) 客西 马尼(khek-se-má-nî) ê 安 宁(an-lêng)。

退去(thè-khì) 边(piⁿ) a，
恬 静(tiām-chēng) 想(siūⁿ)，伊(i) 做(choè) 一切(it-chhè) 完美(oân-bí)，
蒙(bông) 福(hok) 感受(kám-siū)，kap 基督(ki-tok) 同(tâng) khiā起(khí)，
歇(hioh) tī 你(lí) 十字架(si̍p-jī-kè) 音影(im-iáⁿ) ē-kha，
感谢(kám-siā) 你(lí)，主(chú) ah，叫(kiò) 阮(goán) 退去(thè-khì) 边(piⁿ) a。


附注:《荒漠甘泉》汉罗版kap "Hong-bô͘ Kam-chôaⁿ"全罗版附CD，由人光出版社出版， 欢迎洽购(06-235-6277分机(122~124) ， e-mail:book@pctpress.org