《台语荒漠甘泉（汉罗版）》

 | | | 转寄

可靠ê助手

作者 陈清俊 译 林俊育 汉罗翻写 2011.11.13

listen
十一月十三（十一月十三日）

「我(góa) bat 伊(i)，是(sī) beh hō͘ 伊(i) 命令(bēng-lēng) 伊(i) ê kiáⁿ kap 伊(i) ê 家眷(ke-kòan)；hō͘ in 长长(tn̂g-tn̂g) 守(siú) 耶和华(iâ-hô-hoa) ê 道理(tō-lí)，秉公(péng-kong) 行义(kiâⁿ-gī)；致到(tì-kàu) 耶和华(iâ-hô-hoa) 旨(chí) 亚伯拉罕(a-pek-la̍h-hán) 所(só͘) 讲(kóng) ê 话(ōe)，lóng 归(kui) hō͘ 伊(i)。」（创世记(chhòng-sè-kì) 18：19）

上帝(siōng-tè) 拣选(kéng-soán) 伊(i) 所(só͘) ōe 信任(sìn-jīm) ê 人(lâng)，伊(i) 知(chai) 伊(i) thang 期待(kî-thāi) 亚伯拉罕(a-pek-la̍h-hán) 做(chòe) 事(sū)，对(tùi) 伊(i) 讲(kóng)：「我(góa) 拣选(kéng-sóan) 伊(i)，伊(i) thang 吩咐(hoan-hù)、教督(kàu-tok)、命令(bēng-lēng) 伊(i) ê kiáⁿ 儿(jî)，也(iā) 我(góa) 所(só͘) 应允(èng-ún) hō͘ 亚伯拉罕(a-pek-la̍h-hán) ê tāi-chì,lóng beh 成就(sêng-chiū)。上帝(siōng-tè) 是(sī) thang 信赖(sìn-lāi) ê，伊(i) 也(iā) 期待(kî-thāi) 咱(lán) 是(sī) siāng 款(khóan) ê 可靠(khó-khò)、坚定(kian-tēng)、稳定(ún-tēng)，这(che) 就是(chiū-sī) 信心(sìn-sim) ê 简要(kán-iàu) ê 意义(ì-gī)。

上帝(siōng-tè) teh chhē 伊(i) 所(só͘) ōe-thang 交托(kau-thok) ê 人(lâng)，thang 将(chiong) 疼心(thiàⁿ-sim)、能力(lêng-le̍k)、信实(sìn-si̍t) 全然(chôan-jiân) 托重(thok-tiōng) 伊(i)。伊(i) 是(sī) 火车母(hé-chhia-bú)，伊(i) ê 力量(le̍k-liōng) 真(chin) 大(tōa)，拖(thoa) 会(ōe) 行(kiâⁿ) 任何(jīm-hô) 重(tāng) koh chōe ê 车箱(chhia-siuⁿ)。可惜(khó-sioh)，钩(kau) tī 火车母(hé-chhia-bú) ê 索链(só-liān) 无(bô) 够(kàu) 强(kiông)，无(bô) 够(kàu) 勇(ióng)，thang 拖(thoa) 咱(lán) 祈祷(kî-tó) ê 重量(tāng-liōng)。所以(só͘-í)，上帝(siōng-tè) 不断(put-tōan) teh 训练(hùn-liān) 咱(lán)，tī 信心(sìn-sim) 上(siōng) ōe 稳定(ún-tēng) koh 坚固(kian-kò͘)，ǹg 望(bāng) 咱(lán) ōe 学习(ha̍k-si̍p) 好势(hó-sè)，ōe 坚固(kian-kò͘) khiā tiâu-tiâu。――A. B. Simpson

上帝(siōng-tè) 知(chai) 你(lí) ōe 挡(tòng) 得(tit) 考验(khó-giām)，若(nā) 无(bô)，伊(i) bōe hō͘ 你(lí) tú-tio̍h 试验(chhì-giām)。因为(in-ūi) 伊(i) 信用(sìn-iōng) 你(lí)，你(lí) chiah 有(ū) chiah-ê 试验(chhì-giām)；无论(bô-lūn) 是(sī) jōa 大(tōa) ê 试(chhì)，你(lí) lóng 挡(tòng) ōe 过(kè)。伊(i) 知(chai) 你(lí) ê 力量(le̍k-liōng)，计算(kè-sǹg) 到(kàu) 你(lí) ê 尽(chīn) pōng。Ài 记得(kì-tit)，一个(chi̍t-ê) 人(lâng) óa 靠(khò) 上帝(siōng-tè) 所(só͘) 赐(sù) ê 能力(lêng-le̍k)，伊(i) bōe hō͘ 伊(i) 受(siū) tio̍h 所(só͘) bōe-tàng 忍受(jím-siū) ê 试验(chhì-giām)。


附注:《荒漠甘泉》汉罗版kap "Hong-bô͘ Kam-chôaⁿ"全罗版附CD，由人光出版社出版， 欢迎洽购(06-235-6277分机(122~124) ， e-mail:book@pctpress.org