《台语荒漠甘泉（汉罗版）》

 | | | 转寄

一支草，一点露

作者 陈清俊 译 林俊育 汉罗翻写 2011.01.30

listen 正月三十(一月三十日)

「我(góa) beh tī 以色列(í-sek-lia̍t) 亲像(chhin-chhiūⁿ) 露水(lō͘-chúi)；」(何西阿(hô͘-se-a) 14：5)

露水(lō͘-chúi) 是(sī) 朝气(tiau-khì)，新鲜(sin-sian)，活泼(o̍ah-phoat)。上帝(siōng-tè) 降(kàng) 露水(lō͘-chúi) 是(sī) hō͘ 大地(tōa-tōe) 更新(keng-sin)，润泽(lūn-te̍k) 花草(hoe-chháu)，有(ū) 性命(sìⁿ-miā)。圣经(sèng-keng) 中(tiong) 也(iā) 用(ēng) 露水(lō͘-chúi) 表达(piáu-ta̍t) 属灵(sio̍k-lêng) ê 换新(ōaⁿ-sin) (提多(thê-to) 3:5) 讲(kóng)：「圣灵(sèng-lêng) ê 换新(ōaⁿ-sin)」，就是(chiū-sī) 圣灵(sèng-lêng) ná 露水(lō͘-chúi) 灌(kòan) ak tī 人(lâng) ê 灵性(lêng-sèng) ê 生活(seng-o̍ah)，心灵(sim-lêng) 复到(hok-tò) 得(tit) 气力(khùi-la̍t)。

真(chin) chōe 基督徒(ki-tok-tô͘) 工作者(kang-chok-chiá) 无(bô) 认识(jīm-bat)，koh 忽略(hut-lio̍k) tùi 天(thiⁿ) 来(lâi) ê 甘露(kam-lō͘) 是(sī) 对(tùi) in ê 性命(sìⁿ-miā) 有(ū) 相当(siong-tong) ê 重要性(tiōng-iàu-sèng)。Soah 失去(sit-khì) 灵命(lêng-miā) ê 更新(keng-sin) kap 力量(le̍k-liōng)，做工(chòe-kang) 无(bô) 力(la̍t)，beh 死(sí) beh 死(sí)。

亲爱(chhin-ài) ê 兄弟(hiaⁿ-tī) ah，你(lí) kiám bat 看(khòaⁿ) tio̍h 一个(chi̍t-ê) 劳动者(lô͘-tōng-chiá) kui 日(ji̍t) 作穑(choh-sit) 无(bô) 停(thêng)，lóng 无(bô) 食饭(chia̍h-pn̄g)；你(lí) kiám bōe 感觉(kám-kak) chit 种(chióng) 人(lâng) 真(chin) 戆(gōng) mah?Án-ni，上帝(siōng-tè) ê 工人(kang-lâng) 牧养(bo̍k-iúⁿ) 羊群(iûⁿ-kûn)，却(khiok) 无(bô) 食(chia̍h) tùi 天(thiⁿ) 来(lâi) ê má-ná 米粮(bí-niû)，你(lí) 想(siūⁿ) in kiám 有(ū) 气力(khùi-la̍t) 来(lâi) 做(chòe) 真(chin) 好(hó) ê 工(kang) mah?灵性(lêng-sèng) ê 米粮(bí-niû) m̄ 是(sī) 久久(kú-kú) 食(chia̍h) 一(chi̍t) 遍(piàn) 就(chiū) 有够(ū-kàu)，是(sī) ài 日日(ji̍t-ji̍t) 得(tit)「甘露(kam-lō͘)」灵性(lêng-sèng) ê 更新(keng-sin)。

性命(sìⁿ-miā) 充满(chhiong-móa) 属(sio̍k) 天(thiⁿ) ê 能力(lêng-le̍k)，日日(ji̍t-ji̍t) 更新(keng-sin)，活泼(o̍ah-phoat) 有(ū) 力(la̍t)；比起(pí-khí) 日日(ji̍t-ji̍t) 灵命(lêng-miā) 枯干(ko͘-ta)，无(bô) 力(la̍t) ê 生活(seng-o̍ah)；是(sī) 天(thiⁿ) chham 地(tōe) ê cheng-chha。Ài 得(tit) 甘露(kam-lō͘)，tī 暝时(mî-sî) 一切(it-chhè) lóng 安静(an-chēng) ê 时(sî)，chiah 有(ū) 甘露(kam-lō͘) ê 出现(chhut-hiān)。草(chháu)、树叶(chhiū-hio̍h) tī 暝时(mî-sî)，伊(i) ê 毛管(mn̂g-kńg) 开(khui)，接受(chiap-siū) 更新(keng-sin) ê 露水(lō͘-chúi) ê 灌(kòan) ak，重新(tiông-sin) 得(tit) 力量(le̍k-liōng)。Siâng 款(khóan)，安静(an-chēng) thèng 候(hāu) 主(chú)，灵性(lêng-sèng) ê 甘露(kam-lō͘) chiah 会(ōe) 来临(lâi-lîm)，应该(eng-kai) 安歇(an-hioh) tī 伊(i) 面前(bīn-chêng)。若是(nā-sī) 生活(seng-o̍ah) 劳碌(lô-lo̍k) 无闲(bô-êng)，甘露(kam-lō͘) 是(sī) 得(tit) bōe tio̍h。Thèng 候(hāu) 上帝(siōng-tè)，hō͘ 伊(i) ê 同在(tông-chāi) 来(lâi) 润泽(lūn-te̍k) 你(lí)，án-ni 你(lí) 会(ōe) 带(tòa) 基督(ki-tok) 更新(keng-sin) kap 气力(khùi-la̍t)，继续(kè-sio̍k) 尽(chīn) 你(lí) ê 本分(pún-hūn) kap 职责(chit-chek)。

Tī 有(ū) 热气(jia̍t-khì)，风透(hong-thàu) ê 时(sî)，甘露(kam-lō͘) bōe 出现(chhut-hiān)。气温(khì-un) ài tāi 先(seng) 降(kàng)，空气(khong-khì) ài 冷(léng) koh 静静(chēng-chēng) ê 时(sî)，hit-ê 看(khòaⁿ) bōe-tio̍h ê 水气(chúi-khì) chiah 会(ōe) 结(kiat) 做(chòe) 露水(lō͘-chúi)，来(lâi) 润泽(lūn-te̍k) 树木(chhiū-bo̍k)。咱(lán) ê 灵(lêng) 也(iā) tio̍h tī 伊(i) ê 面前(bīn-chêng) 完全(ôan-chôan) 安静(an-chēng) 落来(lo̍h-lâi)，chiah 会(ōe) 得(tit) 上帝(siōng-tè) ê 恩典(un-tián) 所(só͘) 带来(tòa-lâi) ê 安歇(an-hioh) kap 更新(keng-sin)。

赐(sù) 你(lí) 清净(chheng-chēng) ê 露水(lō͘-chúi)
直到(ti̍t-kàu) 生活(seng-o̍ah) 挣扎(cheng-chat) soah 气(khùi)，
心灵(sim-lêng) ê 重担(tāng-tàⁿ) 压力(ap-le̍k) lóng 离开(lī-khui)，
活(o̍ah) teh 顺序(sūn-sū) 无(bô) 浪费(lōng-hùi)，
见证(kiàn-chèng) 你(lí) 美好(bí-hó)、平安(pêng-an) kap 尊贵(chun-kùi)。

Tī 我(góa) ê 喘气(chhóan-khùi)，
Phīⁿ-tio̍h 你(lí) ê 清凉(chheng-liâng) kap 安慰(an-ùi)，
Hō͘ 感受(kám-siū) 麻痹(bâ-pì)，心定(sim-tiāⁿ) 停气(thêng-khùi)，
经过(keng-kòe) 大风(tōa-hong)、炎火(iām-hé)，地(tōe) 裂开(li̍h-khui)，
听(thiaⁿ) tio̍h 细细(sòe-sòe) ê 声(siaⁿ) tùi 你(lí) ê 嘴(chhùi)。


附注:《荒漠甘泉》汉罗版kap "Hong-bô͘ Kam-chôaⁿ"全罗版附CD，由人光出版社出版， 欢迎洽购(06-235-6277分机(122~124) ， e-mail:book@pctpress.org