《赖永祥讲书》

 | | | 转寄

《教会史话》(1_082)废掉禁教令

作者 赖永祥 2009.02.01

道光22年（1842年）清廷kap英国签订「南京条约」，结束鸦片战争．，kā香港割hō͘英国，开放广州、福州、厦门、宁波、上海五ê港口，准领事裁判权等等，是划时代ê一步。伊ê意义影响tī chia着无beh koh讲a，下面干taⁿ叙述ùi雍正以来一直禁止外人tī中国传教ê法律废掉ê过程。

道光24年（1844年5月），中美五ê港口贸易章程规定：「合众国民人tī五񗹤e5港口贸易，长久tòa tī chia á-sī暂住，拢准伊tī chia租厝，á-sī租地家己起，并设立医馆、礼拜堂kap埋葬ê所在……」（第17款）；九月中法五ê港口ê贸易章程规定亦拢beh相kâng（第22款）。约文讲会冻tī港口岸建立教堂，但是并无讲准教士向华人传教，收信徒，á-sī外人会冻tī内地旅行、tòa落来á-sī置产。

到kâng年ê 11月，道光tī一道上谕内面，准许将习教为善ê中国人免罪（见道光朝筹办夷务始末卷73），国人信奉天主教ê禁例到chia chiah解除。翌年，又koh解释chit项禁令包括所有基督教宗派，但是koh重申外人拢不准入内地传教（同上书卷75）。所以，tī英法联军结束以前，更正教各派ê传教活动，大致拢是tī通商ê五ê港口，另外天主教就利用弛禁ê谕令，tiāⁿ-tiāⁿ派教士偷走入内地，加强组织kap活动，m̄-koh欠缺法律ê保障。

咸丰8年（1858年），中俄、中美、中英、中法「天津条约」签定，允准教士tī中国内地传教。如中英天津条约第8款：「耶稣圣教暨天主教，原本是为善之道，待人如己，自后凡有传授学习者，一体保护，其安分无过，中国官毫不得刻待禁阻」。中法天津条约第13款更进一步说：「……凡按第8款备有盖印执照安然入内地传教之人，地方官务必厚待保护，凡中国人愿信崇天主教而循规蹈矩者，毫无查禁，皆免惩治……」。

咸丰10年（1860年）中法「北京条约」，tī hia ê第6款规定凡是tī禁教期间被没收ê教会kap慈善事业ê产业拢爱发还hō͘业主；tī中文约本顶面讲：「又将进前谋害奉天主教者ê时所冒充ê天主堂、学堂、茔坟、田土、房廊等件，拢应该还hō͘法国驻扎京师ê钦差大臣，转交hoy7该hit-ê所在奉献ê人； 」。（旁有圈点之文句，其实tī法文约本内面无，两者约款不符ê代志，ㄧ直到光绪21年（1895年）chiah由中国政府发觉，m̄-koh已经无法度改变a）。英美等国，拢援用「最惠国约款」来享有kâng款ê权利。从此以后，外国教士，无论天主教士á-sī更正教士，拢会冻合法进入内地——意思着无限tī通商口岸——传教置产a。

吕实强「中国官绅反教的原因」（1860-1874）chit本册，是探讨近代基督教在华传教问题ê好处；有关弛禁教，会冻参考chit本册ê绪言。

《台湾教会公报》 1964期 主后1989年10月22日