《赖永祥讲书》

 | | | 转寄

《教会史话》(1_075)甘为霖悼念林红

作者 赖永祥 2008.12.21

传道师林红，koh叫做林朝魁，北斗人，bat tī府城洪公祠ê训瞽堂任教，真受创办者甘为霖牧师（Rev. William Campbell）ê看重.，后来转任传道师，tī 1900年9月22日死tī新港街（今嘉义县新港乡）。

甘为霖牧师一听着林红过生ê消息，就用白话文写悼念ê文章，登tī《台南府城教会报》第188号（1900年11月刊）.，chit篇文章由杨士养牧师翻译做中文，收录tī「台湾信仰名人略传」第1集（第164~165页）。甘为霖写「台湾素描」（Sketches from Formosa, 1915. p.372）mā有一篇悼念ê文章。

林红，好学识一kóa汉字，m̄-koh因为伊ê目睭有问题，chiah由北斗到府城（台南）医馆去看医生，m̄-koh soah看bōe好。但有机会听道理，所以tī 1891年6月22日受洗而归主。伊m̄是全盲，所以依靠微弱ê目光来学习莱尔（Louis Braille）六点式点字，m̄若会读，mā会晓凿成制字ê技巧。koh加上伊本来就有淡薄仔学谶，去读罗马字浮凸版ê书也无困难，tī当时诚难得ê盲校教员ê候选者。厦门宣道区ê黎姑娘Lilias Graham）为beh创办二间盲校，由甘牧师推介，林红应聘赴泉州协助，总共住9个月；该校称「盲光堂」，后来交由David Cook来管理。林红tńg来台湾了后就tī洪公祠教册，教士会ê正式任用是tī 1892年9月，一直到1897年3月该校停办为止，实际上负责盲校ê教务kap杂务，甘牧师评曰「忠诚任职，利益该校学生bōe少。」

林红自洪公祠盲校辞任了后，同年4月教土会就派伊到湾仔内常传道师。根据教土会议事录，伊ê月薪是6元。伊虽然视力弱，m̄-koh有淡薄仔恢复，犹koh会使做传道ê工作。湾仔内离北港无远，是一ê偏僻村落。伊就tī湾仔内kap邻近各村社，辛勤努力引人归主。后来伊tī新港街租堂作为布道所.，1899年甘牧师chhōa牧师娘访问新港，住10天，看着先后有15人受洗归主，称「皆林红努力之果子也」。

论伊ê做人，甘牧师谓：斯时林红先生不若受会友o-ló，就连教外人士亦赞扬伊ê善行、温柔、谦卑，善用合适道理来劝勉人。伊一生热心尽力作工，每周有二、三日外出布道，从;来无骄慢、发睥气。性情温和、不固执、不顾己事，所以不啥beh接受阮ê安慰，从来无会冻hō͘责备ê所在，iah是损害名誉ê代志。伊讲话真顶真，不以人o-ló iah是责难为重，只是恬恬仔做自己该做ê代志。因为按呢会冻大大荣耀上帝，使人享主恩。因此，同道应该感谢上帝，因为好友林红先生已经听见主声音讲：「汝善良忠信之仆人，吾重任者，今可偕入吾屋，回享永福矣。」

《台湾教会公报》 1957期 主后1989年9月3日