《生活ê台语，台语ê生活》

 | | | 转寄

入厂保养

作者 陈小小, 汉罗Ruby版处理：Lîm Chùn-io̍k 2020.10.04


礼拜日(lé-pài-ji̍t) 聚 会(chū-hōe) 结 束(kiat-sok)，为(ūi) 会 众(hōe-chiòng)祝 福(chiok-hok)ê时(sî)，我(góa) 正 手(chiàⁿ-chhiú)the̍h mài-kuh(中 华 民 国(tiong-hôa bîn-kok)语(gí)ê「麦克风」），倒 手(tò-chhiú) 差 不多(chha-put-to)gia̍h bē起来(khí-.lâi)。暗时(àm-sî)tjm讲(kóng) 应 该(eng-kai)bē是(sī)已 经(í-keng) 黏(liâm)tiâu-.leh à？

拜一(pài-it)透 早(thàu-chá)去(khì)法院(hoat-īⁿ)办理(pān-lí)信 望 爱(sìn-bōng-ài)法 人(hoat-jîn)行 政(hêng-chêng)登 记(teng-kì)事宜(sū-gî)， 续(sòa)落 来(lo̍h-.lâi)to̍h去(khì)诊所(chín-só͘)。 倒 手(tò-chhiú)gia̍h起 来(khí-.lâi)会(ē)温温(un-un)á起(khí)痛(thiàⁿ)， 转 动(choán-tōng)ê弧度(hô͘-tō͘)jú来(lâi)jú细(sè)， 已 经(í-keng)两(nn̄g)个月(kó-goe̍h)à。

超 音 波(chhiau-im-pho)显 示(hián-sī)已 经(í-keng)黏(liâm)tiâu-.leh； 我(góa)一(chi̍t)秒(bió)间(kan)内(lāi)to̍h接 受(chiap-siū)医生(i-seng)ê建 议(kiàn-gī)， 自 费(chū-hùi)震 波(chìn-pho)、玻 尿 酸(po -jiō-sng)。少 年(siàu-liân)ê复 健(ho̍k-kiān)小弟(sió-tī)建 议(kiàn-gī)震 波(chìn-pho)能 量(lêng-liōng)ài jú大(tōa)jú有效(ū-hāu)， m̄-koh ē真(chin)痛(thiàⁿ)。 我(góa)牙齿 根(gê-khí-kin)咬(kā)leh讲(kóng)好(hó)。


心 内(sim-lāi)想 讲(siūⁿ-kóng)： 「做(chò)你(lí)来(lâi).... 管(koán)你(lí)啥 物(siáⁿ-mi̍h)龟 派(ku-phài)气 功 波(khì-kong-pho)、宇宙(ú-tiū)能 量 波(lêng-liōng-pho)，拚(piàⁿ)落去(lo̍h-.khì)lah。」 看(khòaⁿ) tio̍h萤 幕(êng-bō͘)顶 面(téng-bīn)，显 示(hián-sī)长长(tn̂g-tn̂g)ê针 头(chiam-thâu)插(chhah)入 去(ji̍p-khì)肩 胛 头(keng-kah-thâu)， teh听(thiaⁿ)医生(i-seng)讲(kóng):「我(góa)beh用(ēng)针 头(chiam-thâu)kā黏(liâm)tiâu-.leh ê部 分(pō͘-hūn)ngiáu开(khui)、 chit-má灌(koàn)入 去(ji̍p-khì)润 滑 油(jūn-ku̍t-iû)(玻 尿 酸(po -jiō-sng))à。」 了 后(liáu-āu)to̍h kā我(góa)ê手 股 头(chhiú-kó͘-thâu)用(ēng)大(tōa)弧度(hô͘-tō͘)se̍h-tńg拆 开(thiah-khui)； 真 正(chin-chiàⁿ)是(sī)有(ū)够(kàu)爽 痛(sóng-thiàⁿ)。

下晡(ē-po͘)续(sòa)落 来(lo̍h-.lâi)是(sī)健 保(kiān-pó)给 付(kip-hù)ê电 疗(tiān-liâu)kah机械(ki-hâi)治 疗(tī-liâu)giú颔 颈(ām-kún)，今(kin)á日(ji̍t)iáu-koh ài外加(gōa-ka)自 费(chū-hùi)ê手 工(chhiú-kang)治 疗(tī-liâu)， tio̍h连 续(liân-sòa)治 疗(tī-liâu)一(chi̍t) 个 月(kò-goe̍h)。

医生(i-seng)o-ló我(góa)ê决 断 力(koat-toàn-le̍k)，其实(kî-si̍t)这(che)m̄是(sī)决 断 力(koat-toàn-le̍k)，却 是(khiok-sī)我(góa)知 影(chai-iáⁿ)罪(chōe)进 入(chìn-ji̍p)世界(sè-kài)， 人(lâng)ē老(lāu)、 病(pēⁿ)、死(sí)。我(góa)kā ka-kī当 做(tòng-chò)是(sī)一(chi̍t)台(tâi)汽 车(khì-chhia)，应 该(eng-kai)入 厂(ji̍p-chhiúⁿ)维修(î -siu)to̍h应 该(eng-kai)修(siu)；无(bô)润 滑 油(jūn-ku̍t-iû)，to̍h ài加添(ke-thiⁿ)。

我(góa)反 省(hoán-séng)是(sī)ka-kī疏忽(so͘-hut)保 养(pó-ióng)。 离职(lî-chit)chit一(chi̍t)年(nî)，大部 分(tōa-pō͘-hūn)ê时间(sî-kan)是(sī)郁(ut)tī厝 里(chhù-.ni̍h)写(siá)文 章(bûn-chiuⁿ)， 写(siá)写(siá)写(siá)，写(siá)写(siá)写(siá)，siuⁿ少(chió)运 动(ūn-tōng)。加 上(ka-siōng)m̄知 影(chai-iáⁿ)tang时(sî)giâ重 物(tāng-mi̍h)受 伤(siū-siong)，iáu认为(jīn-ûi)ka-kī kah少 年(siàu-liân)仝 款(kāng-khoán)是(sī)神 力(sîn-le̍k)女(lí)超 人(chhiau-jîn)，所以(só͘- í)， 倒 手(tò-chhiú)损 害(sún-hāi)去(khì)à。

传 道 师(thoân-tō-su)3：1~8 「天下(thiⁿ-ē)万 象(bān-siōng)lóng有(ū)它(i)ê期(kî)，万 项(bān-hāng)事(sū)lóng有(ū)它(i)ê时(sî)。 有(ū)出 世(chhut-sì)ê时(sî)， 有(ū)死 亡(sí-bông)ê时(sî)；有(ū)栽 种(chai-chèng)ê时(sî)， 有(ū)kā所(só͘)栽 种(chai-chèng)ê拔 出(poe̍h-chhut)ê时(sî)； 有(ū)刣死(thâi-sí)ê时(sî)， 有(ū)医好(i - hó)ê时(sî)； 有(ū)拆 毁(thiah-húi)ê时(sî)，有(ū)起 造(khí-chō)ê时(sî)； 有(ū)啼 哭(thî-khàu)ê时(sî)，有(ū)欢 笑(hoan-chhiò)ê时(sî)； 有(ū)哀 伤(ai-siong)凄 惨(chhi-chhám)ê时(sî)， 有(ū)跳 舞(thiàu-bú)欢 喜(hoaⁿ-hí)ê时(sî)； 有(ū)hiat石 头(chio̍h-thâu)ê时(sî)， 有(ū)拾(khioh)石 头(chio̍h-thâu)ê时(sî)； 有(ū)thang抱(phō)ê时(sî)，有(ū)m̄-thang抱(phō)ê时(sî)； 有(ū)chhōe-tio̍h ê时(sî)， 有(ū)失落(sit-lo̍h)ê时(sî)； 有(ū)保 存(pó-chûn)ê时(sî)， 有(ū)放(pàng)sak ê时(sî)； 有(ū)拆 裂(thiah-li̍h)ê时(sî)，有(ū)补 缝(pó͘-thīⁿ)ê时(sî)； 有(ū)恬 恬(tiām-tiām)ê时(sî)， 有(ū)讲 话(kóng-ōe)ê时(sî)； 有(ū)疼 惜(thiàⁿ-sioh)ê时(sî)， 有(ū)怨 恨(oàn-hūn)ê时(sî)； 有(ū)交 战(kau-chiàn)ê时(sî)， 有(ū)和好(hô-hó)ê时(sî)。」 （《全 民(choân-bîn)台语(tâi-gí)圣 经(sèng-keng)》）（注(chù)： 「传 道 师(thoân-tō-su)」是(sī)照(chiàu)原 文(goân-bûn) “קֹהֶלֶת‬，qōheleṯ”翻 译(hoan-e̍k)，传 统(thoân-thóng)中 文(tiong-bûn)译做(e̍k-chò)「传 道 书(thoân-tō su)」）

该(kai)跳 舞(thiàu-bú)保 养(pó-ióng)to̍h ài跳 舞(thiàu-bú)保 养(pó-ióng)lah。 Ǹg望(bāng)我(góa)chit-ê猪脑(ti-náu)ē-tàng记 取(kì-chhú)教示(kà-sī)！Ǹg望(bāng)ka-kī chit台(tâi)五 十(gō͘-cha̍p)年久(nî-kú)ê车(chhia)， iáu thang为(ūi)主(chú)加(ke)驶(sái)几(kúi)年(nî)。