巴克礼普世版(试读本) 路加福音第二十三章
耶稣Tī彼拉多面 前受 审 问 (太27:1-2,11-14;可15:1-5;约18:28-38)
1全 体议员lóng khiā起来,kā耶稣押去彼拉多ê面 前。2 In控 告讲:「阮看chit-ê人迷惑阮ê民 族,禁 止人纳 税hō͘皇 帝,koh自称 做基督,做 王。」3彼拉多问耶稣讲:「祢是犹 太 人ê王是无?」耶稣应 讲:「是,照你讲án-ne。」4彼拉多对hiah-ê祭司长kah kui阵ê人讲:「我 看chit-ê人无 罪。」5 M̄-koh in jú坚 持讲:「他tùi加利利省开始,taⁿ来到chia,tī犹太全 地教示人,煽 动人民。」
耶稣Tī希律ê面 前
6彼拉多一下 听tio̍h,就 问看chit-ê人是加利利人á m̄是。7伊一下 知耶稣属tī希律所 管 辖,就kā他送 去希律hia。Hit时希律 人mā tī耶路撒 冷。8希律看tio̍h耶稣真 欢 喜,因为伊bat听tio̍h耶稣ê tāi-chì,一直ài beh见他,koh ǹg望ē-tàng看tio̍h他行 神 迹。9希律问耶稣真chē tāi-chì,m̄-koh耶稣lóng无应伊半 句。10祭司长kah经 学 教 师khiā起来,极 力控 告耶稣。11希律kah伊ê兵mā kā他侮 辱、戏弄。然 后kā他穿一 领真súi ê长 袍,chiah kā他送tńg去还彼拉多。12希律kah彼拉多本 来有结 怨,tùi hit一日起soah变做 朋 友。
耶稣Hông判 死 刑 (太27:15-26;可15:6-15;约18:39-19。16)
13彼拉多召hiah-ê祭司长、官 员kah人民来,14 kā in讲:「Lín押chit-ê人来我chia,控 告他煽 动人民。Taⁿ我tī lín ê面 前kā他审 问,m̄-koh我查lóng无lín告他ê罪。15希律mā认 定他无 罪,chiah将他送tńg来 还咱。可 见他无做 甚 么应 该死ê tāi-chì。16所以我beh kā他鞭phah,教示一下chiah放伊去。」17每年ê Pôaⁿ过 节,总 督tio̍h照in ê要求kā in放一个犯 人。(有ê版 本无chit节) 18群 众同 齐大 声hoah讲:「Tio̍h除去chit-ê人,放巴拉巴hō͘阮。」19 Chit-ê巴拉巴,因为tī城内作 乱koh thâi死 人,chiah关 落 监。20彼拉多beh ài放耶稣,就koh对 众 人讲一pái。21 M̄-koh in大 声hoah讲:「Kā伊钉十字架,Kā伊钉十字架。」22彼拉多第三pái对in讲:「是án怎?他kám有做 甚 么pháiⁿ tāi-chì?我 看伊无应 该死ê罪,所以我beh kā他鞭phah,教示一下chiah放他去。」23 M̄-koh in继 续大 声hoah要求kā耶稣钉十字架,最 后in ê声soah khah赢。24彼拉多就 照in所求ê来 宣 判:25放in所要求hit-ê因为作 乱koh thâi死 人,hō͘人关 落 监ê巴拉巴;将耶稣交hō͘ in,顺in ê意思去 处 理。
耶稣Hông钉十字架 (太27:32-44;可15:21-32;约19:17-27)
26兵á押耶稣去ê时,有一个古利奈ê人名 叫西门tùi庄 脚来。In kā伊khiú来,将十字架khòa带伊ê肩 头hō͘伊giâ,来tòe耶稣ê后面行。27有一 大阵人teh tòe耶稣,其 中有一kóa妇人 人为他悲 伤啼 哭。28耶稣oa̍t头对in讲:「耶路撒 冷ê妇人 人ah,lín m̄免为我啼 哭,tio̍h为lín家己kah lín ê kiáⁿ儿来 啼 哭!29因为时teh-beh到,人会讲:『Bē怀孕,m̄-bat生kiáⁿ,m̄-bat hō͘ gín-á食 奶ê妇人 人真有 福 气。』30 Hit时人会对大 山讲:『Kā阮teh落来!』mā对小 山讲:『Kā阮盖 落 来!』(注:何10:8) 31因为连青ê树 木都án-ne,干去ê树 木kám bē koh-khah厉害?」32 Koh有两个犯 人hō͘人押去kah耶稣做伙处 死 刑。33 In去 到一个名叫头 壳 碗ê所 在,就tī hia kā耶稣钉十字架。Mā钉hit两个犯 人,一个tī正pêng,一个tī倒pêng。34耶稣讲:「天父ah,赦 免in,因为in m̄知in所做ê。」然 后in就拈阄来分耶稣ê衫。35众 人khiā tī hia teh看。Hiah-ê犹 太 人ê头 人kā耶稣耻 笑讲:「他bat kiù别 人,他若是上 主所 拣 选ê基督,tio̍h救家己!」36 Hiah-ê兵á mā kā他戏弄,行óa去phâng酸 醋hō͘他,37讲:「祢若是犹 太 人ê王,tio̍h救祢家己。」38 Tī耶稣ê头 壳 顶面有罪 状ê牌á写 讲:「Chit-ê是犹 太 人ê王。」39做伙钉十字架ê犯 人 中ê一个侮 辱耶稣,讲:「祢kám m̄是基督?Tio̍h救祢家己,mā tio̍h救阮。」40另 外一个犯 人kā hit-ê责 备,讲:「你kah他仝 款teh受 刑,你kám m̄惊上 主?41咱受 刑是公 道,因为咱有 犯 罪应 该受 处 罚,m̄-koh chit-ê人无做m̄-tio̍h ê tāi-chì。」42 Hit-ê犯 人讲:「耶稣ah,祢做 王来临ê时,请会记得我!」43耶稣kā伊讲:「我实 在kā你讲,今á日你会kah我做伙tī乐 园。」
耶稣ê死 亡 (太27:45-56;可15:33-41;约19:28-30)
44差 不多中 昼ê时,全 地乌暗到下晡三 点ê时,日头失光。45圣 殿 内ê帐篱tùi中裂 开。46耶稣大 声叫,讲:「天父ah,我ê灵 魂交 托祢。」讲soah就 断 气。47连 长看tio̍h所 发 生ê tāi-chì,就o-ló上 主,讲:「Chit-ê真 正是义 人!」48聚 集tī hia teh看ê群 众,看tio̍h所 发 生ê tāi-chì,lóng ná行ná捶心 肝,悲 伤tńg去。49 Hiah-ê bat耶稣ê人kah tùi加利利省tòe耶稣来ê妇人 人,lóng khiā远 远teh看chiah-ê tāi-chì。
耶稣ê埋 葬 (太27:57-61;可15:42-47;约19:38-42)
50有一个人名 叫约 瑟,伊是一个议员,做 人良 善koh有正 义。51伊无 赞 成其他议员ê计谋kah行 动。伊是犹 太 人ê城 市A-lī-má-thài ê人,平 时有teh期待上 主 国 度ê来临。52 Chit-ê人去见彼拉多,请 求收 埋耶稣ê身尸。53伊将耶稣ê身尸收 落来,用幼苎布包。然 后kā他埋 葬tī石 壁phah好ê墓 内,chit-ê墓lóng iáu m̄-bat用 过。54 Hit日是节ê准 备日,安息 日teh-beh到à。55 Tùi加利利省kah耶稣做伙来hiah-ê妇人 人,tòe tī约 瑟ê后面。In chim-chiok看hit-ê墓,看耶稣ê遗体án怎hē。56 In就tńg去准 备芳 料kah芳 油。安息 日,hiah-ê妇人 人照 律 法ê规 定歇 困。