巴克礼普世版(试读本) 路加福音第十八章
18 寡 妇Kah判 官ê譬喻
1耶稣koh kā门徒讲一个譬喻,教示in tio̍h常 常祈祷,m̄-thang厌倦。2他讲:「Tī某一个城 市有一个判 官,伊无敬 畏上 主,mā无 尊 重人。3 Tī hit-ê城内有一个寡 妇,常 常去chhōe伊讲:『我有一个诉 讼ê对 头,求你替 我主 持公 道。』4判 官真 久lóng无kā伊答 应。后来家己想 讲:『我虽 然无敬 畏上 主,mā无 尊 重人。5 M̄-koh因为chit-ê寡 妇常 常来 搅 扰,我宁 可紧来替她主 持公 道,免 得她koh来kā我kô-kô缠。』」6主koh讲:「Lín tio̍h听chit-ê不义ê判 官所 讲ê话!7何 况上 主拣 选ê子 民暝日大 声对他哀求。上 主kám会延chhiân真 久chiah来替in主 持公 道?8我kā lín讲,上 主会赶 紧替in主 持公 道。总 是人 子来临ê时,他tī世间kám会看tio̍h chit款ê信 心?」
法 利赛 派ê人kah抽 税ê人 9 耶稣koh再对hiah-ê看家己做义 人koh看 轻别 人ê人,讲一个譬喻。10耶稣讲:「有两个人入去 圣 殿祈祷,一个是法 利赛 派ê人,一个是抽 税ê。11法 利赛 派ê人khiā-teh祈祷讲:『上 主ah,我感 谢祢,因为我无亲 像其他ê人贪 财、不义、奸 淫,mā无亲 像chit-ê抽 税ê。12我一 礼拜禁 食两pái,koh奉 献全 部收入ê十 份 之一。』13 M̄-koh hit-ê抽 税ê khiā tòa远 远ê所 在,连gia̍h头ǹg天都m̄敢,kan-taⁿ悲 伤讲:『上 主ah,怜 悯我chit-ê有罪ê人。』14我kā lín讲,hō͘上 主赦 罪tńg去厝 里ê,是chit-ê抽 税ê,m̄是hit-ê法 利赛 派ê人,因为骄 傲ê人一定会受 降 低;谦 卑ê人受提高。」
耶稣祝 福细汉Gín-á (太19:13-15;可10:13-16)
15有人连细汉gín-á mā chhōa来,beh hō͘耶稣hōaⁿ手。门徒看tio̍h就kā in责 备。16 M̄-koh耶稣叫hiah-ê细汉gín-á来 讲:「容 允细汉gín-á来我chia,m̄-thang kā伊阻 挡,因为亲 像gín-á ê人,chiah ē-tàng成 做上 主 国 度ê子 民。17我实 在kā lín讲,若无亲 像细汉gín-á án-ne承 接上 主 国 度,绝 对bē-tàng入去hit-ê国度。」
好 额ê官 员来见耶稣 (太19:16-30;可10:17-31)
18 有一个犹 太 人ê官 员来问耶稣,讲:「好ê老师ah,我tio̍h án怎做chiah ē-tàng得tio̍h永 远ê活 命?」19耶稣kā伊讲:「你án怎称 呼我是好à?上 主以外无一个是好。20你当 然lóng bat chiah-ê诫 命,就是:M̄-thang奸 淫,M̄-thang thâi死 人,M̄-thang偷the̍h,M̄-thang lām-sám做 见 证,Tio̍h孝 敬你ê父母。」(注:申5:16-20;出20:12-16) 21 Hit-ê人讲:「Chiah-ê诫 命,我自细汉to̍h lóng án-ne teh遵 守。」22耶稣听tio̍h chiah-ê话就kā伊讲:「你iáu欠一 项,tio̍h去卖你所有ê财 产,来分hō͘ sàn-chhiah人。Án-ne你就有积 聚财 宝tī天 顶,然 后chiah来tòe我。」23 Hit-ê人听tio̍h chiah-ê话真 忧闷,因为伊真 好 额。24耶稣看tio̍h hit-ê人teh忧闷就 讲:「好 额 人beh入去上 主 国 度真 困 难!25因为骆驼穿 过针 鼻,比好 额 人入上 主 国 度,iáu khah简 单!」26听见chiah-ê话ê人问 讲:「Án-ne,啥 人chiah ē-tàng得tio̍h救?」27耶稣应 讲:「人所做bē到ê,上 主lóng会。」28彼得讲:「阮已经放sak家己所有ê来teh tòe祢。」29耶稣kā in讲:「我实 在kā lín讲,人若为tio̍h上 主 国 度来 放sak厝 宅、bó͘、兄弟、父母,á是kiáⁿ儿,30 tī今 世会得tio̍h几nā倍ê报赏,tī来世得tio̍h永 远ê活 命。」
耶稣第三Pái预言他ê死 亡kah Koh活 (太20:17-19;可10:32-34)
31 耶稣chhōa十二使徒去边á kā in讲:「你 看,taⁿ咱beh上 耶路撒 冷,先知所记载关 系人 子ê一 切,lóng会 应 验。32他会hō͘人出 卖交hō͘外 邦 人,in会kā伊耻 笑、侮 辱、phùi澜。33 In会用鞭kā他phah来害死他,第三日上 主会hō͘他koh活。」34 M̄-koh门徒tùi chiah-ê tāi-chì lóng bē了 解,chiah-ê话hō͘ in感 觉莫 名奇妙,in m̄知耶稣teh讲啥 物。
耶稣医好失 明ê乞 食 (太20:29-34;可10:46-52)
35 耶稣teh-beh到耶利哥城ê时,有一个chheⁿ-mê-ê坐tī路边teh求 乞。36 Hit-ê chheⁿ-mê-ê听tio̍h真chē人tùi hia经 过,就 问是啥 物tāi-chì。37人kā伊讲:「拿撒勒 人耶稣teh-beh tùi chia经 过。」38伊就大 声hoah讲:「大卫ê kiáⁿ孙,耶稣,怜 悯我!」39行tī头 前ê人kā伊责 备,叫伊tio̍h恬 恬,m̄-koh伊koh-khah大 声hoah讲:「大卫ê kiáⁿ孙ah,怜 悯我!」40耶稣停 脚,叫人kā伊牵 来。伊óa来ê时,耶稣问伊讲,41「你ài我kā你做 啥 物?」伊就 讲:「主ah,求你hō͘我koh再有看 见。」42耶稣kā伊讲:「好,hō͘你koh再有看 见,你ê信 心救tio̍h你à。」43伊随时看 见,就tòe耶稣去,归 荣 光hō͘上 主。群 众看tio̍h chit-ê tāi-chì,lóng o-ló上 主。