巴克礼普世版(试读本) 路加福音第五章
耶稣开始呼 召门徒 (太4:18-22;可1:16-20)
1有一 遍,耶稣khiā tī Kek-nî-sat-le̍k湖边,群 众kheh óa去beh听上 主ê道理。2耶稣看tio̍h两 只船tī湖边,掠鱼 人离开 船teh洗网。3其 中一 只是西门ê,耶稣上 船,叫伊kā船划去离开岸 边ê所 在。耶稣就 坐tī船 顶教示群 众。4耶稣讲soah就 对西门讲:「Kā船划去khah深ê所 在,抛 网落去掠鱼。」5西门应 讲:「老师,阮kui暝劳苦lóng掠无鱼,m̄-koh祢都教阮án-ne做,我 就来 抛 网。」6 In一下抛 落去,就网tio̍h真chē鱼,致使鱼 网强beh裂 开。7 In就ia̍t别 只船ê同 伴来tàu脚 手。Hiah-ê同 伴就 来,拾鱼贮tòa两 只船,贮到 满满soah强beh沉 落去。8西门彼得看tio̍h án-ne,就 仆tī耶稣ê脚 前,讲:「主ah,请离开我,我是有罪ê人。」9西门kah伊ê同 伴为tio̍h in一下抛 落去就 掠tio̍h hiah-chē鱼,ta̍k家lóng tio̍h惊koh奇怪。10西门ê同 伴,Se-pí-thài ê kiáⁿ雅 各kah约 翰mā是án-ne。耶稣tùi西门讲:「M̄免 惊,tùi chit时开始,你会亲 像掠鱼án-ne得tio̍h人。」11 In拖船óa岸了 后,就 放sak一 切来tòe耶稣。
耶稣医好癞 哥病 人 (太8:1-4;可1:40-45)
12有一日,耶稣tī一个城,tú好有一个人kui身 躯癞 哥,看tio̍h耶稣就面仆 落去,祈求 讲:「主ah,祢若 肯,就会hō͘我清 气。」13耶稣伸 手kā伊摸,讲:「我肯,hō͘你清 气。」癞 哥随时变清 气。14耶稣吩 咐伊讲:「M̄-thang kā人讲:tio̍h去hō͘祭司验,mā tio̍h照 摩西所规 定,为tio̍h你得tio̍h清 气来 献 祭,thang对 众 人证 明。」15耶稣ê名 声jú传jú阔。Kui大 阵 人聚 集óa来beh听道理,mā祈求in ê病得tio̍h医好。16 M̄-koh耶稣退 去偏 僻ê所 在祈祷。
耶稣医好半 遂ê人 (太9:1-8;可2:1-12)
17有一日,耶稣teh教示人ê时,有法 利赛 派ê人kah教律 法ê教师tī hia teh坐。In是tùi加利利省kah犹太 省ta̍k庄 社以及耶路撒 冷来ê。主ê权 能kah耶稣同 在,hō͘他ē-tàng医好病 人。18 Hit时有人用 床 铺扛半 遂ê人来,ài beh扛入去hē tī耶稣ê面 前。19因为人真chē,chhōe无 缝thang扛入去;就peh起lih厝 顶,拆厝 瓦,kā hit-ê半 遂ê人连床 铺,坠 落去众 人ê中 间,hē tī耶稣ê面 前。20耶稣看tio̍h in ê信 心就 讲:「朋 友ah,你ê罪得tio̍h赦 免à。」21经 学 教 师kah法 利赛 派ê人就 议论讲:「Chit-ê teh亵 渎上 主ê是啥 人?上 主以外,啥 人ē-tàng赦 罪?」22耶稣知 影in teh议论啥 物,就 对in讲:「Lín心 内ná会teh想chit款tāi-chì?23讲:『你ê罪得tio̍h赦 免』 á是 讲:『你起来 行』,tó一 项khah简 单?24 M̄-koh我beh hō͘ lín知,人 子tī地 上有赦 罪ê权 柄。」耶稣对hit-ê半 遂ê人讲:「我kā你讲,起来!giâ你ê床 铺tńg去你ê厝。」25 Hit-ê人tī众 人ê面 前,随时khiā起来,giâ伊所倒ê床 铺tńg去伊ê厝,ná行ná o-ló上 主。26众 人lóng tio̍h惊koh奇怪,mā o-ló上 主,koh心存敬 畏讲:「阮今á日有 看tio̍h非 常奇妙ê tāi-chì。」
耶稣呼 召利未 (太9:9-13;可2:13-17)
27 Chiah-ê tāi-chì了 后,耶稣出 去,看tio̍h一个抽 税ê,名 叫利未,坐tī税 关。耶稣kā伊讲:「来tòe我!」28利未就 放sak一 切,起来tòe耶稣。29利未tī in厝为tio̍h耶稣办大宴 席。有抽 税ê kah其他真chē人,来kah in做伙坐 桌食 饭。30法 利赛 派ê人kah属in ê经 学 教 师,对耶稣ê门徒nga̍uh-nga̍uh念,讲:「Lín ná会kah抽 税ê以及pháiⁿ人做伙lim食?」31耶稣应 讲:「勇 壮ê人无需要医生,m̄-koh破 病ê人就 需要。32我来m̄是beh招义 人,是beh招pháiⁿ人来悔 改。」
禁 食ê问题 (太9:14-17;可2:18-22)
33有人对耶稣讲:「约 翰ê门徒常 常禁 食祈祷,法 利赛 派ê门徒mā是án-ne,m̄-koh祢ê门徒mā lim mā食。」34耶稣应 讲:「新 郎kah婚 宴ê人 客做伙ê时,lín kám会hō͘人 客禁 食?35 M̄-koh日子teh-beh到,新 郎会hō͘人对in中 间掠 去,tī hiah-ê日,in就会 禁 食。」36耶稣hoh用 譬喻对in讲:「无 人拆新衫来补旧衫,若án-ne做,m̄-nā会 拆 破新衫,而 且tùi新衫拆来补hit块布,kah旧衫mā bē合。37 Mā无 人用 新 酒贮tī旧皮 袋á,若án-ne做,新 酒会kā皮 袋á爆 裂,酒漏 出 来,皮 袋á mā phah pháiⁿ。38新 酒tio̍h贮入去新ê皮 袋á。39人 若lim旧 酒了 后,就bē ài lim hit-ê新 酒,因为人lóng讲:『旧 酒khah好。』」