巴克礼普世版(试读本) 启示录第十六章
上 主大 受气ê碗
1后来我koh听tio̍h有大声tùi圣 殿出 来,kā七个天使讲:「Lín去,将hit七 碗上 主ê大 受气,piàⁿ落去地 上。」2头 一个天使就 去,将伊hit碗piàⁿ落去地 上,hiah-ê有猛 兽ê记号kah拜它ê造 像ê人,就 生臭koh毒ê疮。3第二个天使将伊ê碗piàⁿ落去海里,海就 变 做亲 像死人ê血,海 中ê活 物lóng死去。4第三个天使将伊ê碗piàⁿ落去江 河kah水 泉,水就 变 做血。5我 听tio̍h掌 管chiah-ê水ê天使讲:「现 在存 在,早存 在,至 圣ê上 主,祢是公 义,祢ê审 判公 正。6因为in有流信徒kah先知ê血,taⁿ祢用 血hō͘ in lim,这是in应 该受ê报应。」7然 后我koh听tio̍h祭 坛有声讲:「是ah,主,全 能ê上 主,祢ê审 判真实koh公 义。」8 第四个天使将伊hit-ê碗piàⁿ落去日头,日头就得tio̍h权 柄,用 火烧 人。9人hō͘大 炎 热ê火 烧tio̍h,就 亵 渎hit-ê有权掌 管chiah-ê灾 祸ê上 主ê名,犹 原m̄肯悔 改来归 荣 光hō͘上 主。10第五个天使将伊hit-ê碗piàⁿ落去猛 兽ê座位,猛 兽ê国度随时变 乌暗,人 就艰 苦kah咬 舌。11 Koh因为in ê艰 苦kah疮 毒,就 亵 渎天 顶ê上 主,犹 原无悔 改来改 变in ê行 踏。12第六个天使将伊hit-ê碗piàⁿ落去幼发拉底大河,河 水随时干去,为tio̍h tùi东 方来ê列 王准 备一 条路。13我koh看tio̍h有三个无 清 气ê神 灵,亲 像田 蛤á tùi龙ê嘴,猛 兽ê嘴kah假先知ê嘴出 来。14 In就是会行 奇 迹ê恶 魔ê邪神,出 去招 集全 世界ê君 王,tī全 能上 主所定tio̍h hit-ê大日子出 来 交 战。15「你tio̍h注意!我会亲 像贼来。Hit-ê随时警 醒kā衫穿便 便ê人,实 在有福 气,因为伊m̄免hō͘众 人看tio̍h伊thǹg-pak-theh ê见 笑。」16 Hiah-ê邪 魔就 招 集列 王tī一个希伯来话叫 做A-má-ge̍k-tùn ê所 在。17第七个天使将伊hit-ê碗piàⁿ落去空 中,就有大声tùi圣 殿ê宝座出 来,讲:「完 成à!」18 Hit时有闪电,有 响 声,有雷tân kah大 地动,地 上有人类以来,m̄-bat有chiah-ni̍h大ê地动。19 Hit-ê巴比伦大 城就裂做三块,列 国ê城 市mā lóng倒坏。上 主mā会记得巴比伦大 城ê tāi-chì,就hō͘伊lim贮满上 主极 大 受气ê酒。20所有ê海岛kah山,lóng消 失去。21然 后tùi天 顶降 落大 粒雹,ta̍k粒ê重 量lóng有几nā十公 斤。人 为tio̍h雹ê灾 祸就 亵 渎上 主,因为hit-ê灾 祸非 常严 重。