巴克礼普世版(试读本) 启示录第二章
写Hō͘以弗所教 会ê Phoe
1「你tio̍h写phoe hō͘以弗所教 会ê使者,kā in讲:正 手tháⁿ七 粒星,tī七 支金 灯 台中 央teh行Hit位án-ne讲:2我 知你ê所做kah你ê劳苦以及吞 忍,你mā bē容 允hiah-ê做pháiⁿ ê人,你mā有考 验hiah-ê家己讲 是使徒其实m̄是ê人,看 出in是teh讲 白 贼。3你有吞 忍,bat为tio̍h我ê名,忍 受 苦 难lóng无厌倦。4 M̄-koh有一 项tāi-chì,我tio̍h kā你责 备,就是你已经弃sak当 初对我ê疼。5所以你tio̍h会记得你tùi tó位跋 倒,tio̍h悔 改,回 复你起头疼ê行 踏;若无,我会去你hia,将你ê灯 台徙 走。6 M̄-koh你iáu有一 项可 取ê tāi-chì,就是你mā kah我仝 款,怨 恨跟tòe尼哥拉hit阵 人做ê tāi-chì。7有 耳 孔ê人tio̍h听,圣 神kā chiah-ê教 会所 讲ê话:「我beh hō͘得 胜ê人,食上 主ê乐 园 中hit丛活 命 树ê果 子。」
写Hō͘士 每拿教 会ê Phoe
8「你tio̍h写phoe hō͘士 每拿教 会ê使者,kā in讲:起 头.ê kah结 尾.ê,tùi死 人 中koh活ê Hit位án-ne讲:9我 知你ê苦 难kah sàn-chhiah,其实你是好 额;我mā知你有受自 称犹 太 人hiah-ê人毁 谤,其实in m̄是犹 太 人,in属撒旦ê集 团。10 M̄免 惊你teh-beh受ê苦 难,你 看,魔 鬼beh将lín中 间几nā人关 落 监,kā lín考 验,lín会受苦 难十 日久;你tio̍h尽 忠到死,我会赏赐你活 命ê荣 冠。11有 耳 孔ê人lóng tio̍h听,圣 神kā chiah-ê教 会所 讲ê话:「得 胜ê人,一定bē受tio̍h第二pái死 亡ê灾 害。」
写Hō͘别 迦摩教 会ê Phoe
12「你tio̍h写phoe hō͘别 迦摩教 会ê使者,kā in讲:有双 面 利ê剑Hit位án-ne讲:13我 知你所tòa ê所 在,就是撒旦ê座位hia,你持 守我ê名,甚 至我忠 实ê见 证 人An-thê-phàⁿ,tī魔 鬼ê地盘hō͘人杀 害,你mā bē放 弃对我ê信 心。14 M̄-koh我有几nā项tāi-chì beh kā你责 备,因为tī你hia有人持 守Pa-lân ê教示;chit-ê Pa-lân bat教示巴力,去迷 惑以色列ê kiáⁿ孙,hō͘ in食祭 偶 像ê物,koh行 奸 淫。15亲 像án-ne,你hia mā有人持 守尼哥拉ê教示。16所以tio̍h悔 改,若无,我liâm-piⁿ会到你hia,用我 嘴 内ê剑kah in交 战。17「有 耳 孔ê人lóng tio̍h听,圣 神kā chiah-ê教 会所 讲ê话:得 胜ê人,我beh将保 存起来ê má-ná hō͘伊;我mā beh hō͘伊一块白 石,石ê顶 面刻新ê名;领受ê人以外,无 人bat chit-ê名。」
写Hō͘推 雅 推 喇教 会ê Phoe
18「你tio̍h写phoe hō͘推 雅 推 喇教 会ê使者,kā in讲:上 主ê Kiáⁿ,就是目 睭亲 像火 焰,脚亲 像金siak-siak ê铜Hit位án-ne讲:19我 知你ê行 踏,你ê疼、信 心、服 事kah吞 忍;我mā知你最 近teh做ê tāi-chì比起 头ê khah chē。20 M̄-koh有一 项tāi-chì我tio̍h kā你责 备,就是你容 允hit-ê自 称做 先知ê cha-bó͘人耶洗别,她教示koh迷惑我hiah-ê奴仆去行 奸 淫,koh食祭 偶 像ê物。21我hō͘她有机会thang悔 改,m̄-koh她无beh悔 改,继 续她ê淫 乱。22我beh hō͘她破 病倒tī眠 床,hiah-ê kah她行 奸 淫ê人,若无悔 改停 止kah她ê淫 乱,我mā beh hō͘ in受大 灾 难。23我beh用 死 亡来 消 灭hiah-ê跟tòe耶洗别ê人,án-ne chiah-ê教 会lóng会知,我有teh鉴 察人ê心 肠,mā beh照lín ta̍k人ê所行kā lín报应。24 「M̄-koh lín tī推 雅 推 喇其他无 承 受chit种教示,mā m̄-bat in所 讲关 系撒旦ê奥秘ê人,我kā lín讲,我bē加添别 款重 担hō͘ lín。25 总 是 lín tio̍h持 守lín所有ê,直到我 再 临。26得 胜koh继 续遵 守我ê命 令直到 路尾ê人,我beh hō͘伊有 权 柄thang治理万 国。27伊beh用 铁 拐kā in管 辖,亲 像kā磁器kòng碎;我mā有án-ne tùi我ê天父领受权 柄。28我mā beh用启 明 星hō͘得 胜ê人。29「有 耳 孔ê人lóng tio̍h听,圣 神kā chiah-ê教 会所 讲ê话。」