巴克礼普世版(试读本) 希伯来书第十一章
论信 心
1信 心是对所ǹg望ê tāi-chì有把握,对所 看bē-tio̍h ê tāi-chì有确 信。2古早 人因为有chit-ê信 心,chiah得tio̍h上 主ê接 纳。3咱有chit-ê信 心chiah了 解,宇宙是tùi上 主ê话创 造ê,án-ne讲 起来,咱所 看会tio̍h-.ê是tùi看bē-tio̍h-.ê来 造 成。4亚伯因为有信心chiah奉 献,比该隐khah好ê祭 物hō͘上 主,伊就án-ne得tio̍h上 主ê接 纳,koh认 定伊做义 人,伊虽 然已经过 身,iáu teh讲 话。5以诺因为有信心chiah无死去,伊受 提 升去 到上 主hia,所以无 人chhōe会tio̍h伊。(注:创5:24)伊受 迁 徙chìn前to̍h hō͘上 主欢 喜接 纳。6人 若无信 心就bē-tàng hō͘上 主欢 喜接 纳,beh亲 近上 主ê人一定tio̍h相 信上 主ê存 在,koh相 信他会报赏hiah-ê chhōe求他ê人。7挪亚因为有信心,tùi Iáu未看tio̍h ê tāi-chì已经听tio̍h上 主ê默示,存敬 畏ê心准 备一台大 船thang救伊ê全 家。伊就án-ne来 定世 间 人ê罪,而 且tùi上 主领受因为chit-ê信 心来叫 做义ê人。8亚伯 拉罕受 召去 承 接做伊产 业ê地ê时,虽 然m̄知beh去tó位,因为有信心就 顺 从命 令出 去。9伊óa靠信 心tòa tī应允ê地,ná亲 像tòa tī外 国,kah承 接仝 款应允ê以撒、雅 各做伙tòa tī布棚。10因为亚伯 拉罕teh期待,上 主所设 计受起 造hit-ê有地基ê城。11亚伯 拉罕虽 然年老,撒拉mā超 过生 产ê年岁,iáu-koh ē-tàng做 老父,因为伊确 信上 主会守他ê应允。12实际 上,亚伯 拉罕ná一个teh-beh死ê人,有生 湠kiáⁿ孙亲 像天 顶ê星hiah-ni̍h chē,亲 像海边ê沙算bē了。13 Chiah-ê人到死为止lóng有信心,虽 然无得tio̍h所应允.ê,m̄-koh tùi远 远teh看,欢 喜来等 待迎 接chiah-ê tāi-chì,koh承 认家己tī地 上只不过是来做人 客ê出 外 人。14 Án-ne讲ê人,表 明in teh chhōe一个家 乡。15 In并 无teh数 念离开远 远ê家 乡,若有早to̍h有thang tńg去ê机会。16 M̄-koh in欣 慕hit-ê天 顶koh-khah好ê所 在,所以上 主无因为in称他做上 主来 感 觉见 笑,因为他已经为in准 备一个城thang khāi起。17亚伯 拉罕受 上 主考 验ê时,因为有信心chiah将伊ê kiáⁿ以撒做 祭 物。就 是 讲承 受应允ê亚伯 拉罕,iáu-koh愿意将伊ê独kiáⁿ做 祭 物献hō͘上 主。18上 主bat对伊讲:「Tùi以撒生ê chiah thang算 做你ê kiáⁿ孙。」(注:创21:12) 19亚伯 拉罕想 讲,上 主ē-tàng hō͘以撒tùi死 人 中koh活,所以thang譬喻讲,以撒是死了koh倒tńg来。20以撒因为有信心,chiah为tio̍h将 来ê tāi-chì对雅 各kah以扫祝 福。21雅 各因为有信心,beh死ê时chiah kā约 瑟两个kiáⁿ祝 福。伊hōaⁿ-tòa拐á头敬 拜上 主。(注:创47:31 LXX) 22约 瑟因为有信心,beh死ê时chiah讲 起以色列 人出 埃及ê tāi-chì,koh有吩 咐处 理伊ê骨骸ê tāi-chì。23摩西出 世ê时,伊ê父母因为有信心,看tio̍h kiáⁿ清 秀,惊王ê命 令to̍h kā婴á隐 藏三月 日久。24摩西长 大了 后,因为有信心chiah拒 绝人,kā伊叫 做埃及公 主ê kiáⁿ,25 khah ài kah上 主ê子 民做伙受苦 难,无ài tī罪 恶 中享 受暂 时ê快 乐。26伊看为tio̍h基督受 凌 辱,比埃及ê财 宝khah贵气,因为伊仰 望将 来ê报赏。27摩西因为有信心,chiah无惊王ê受气离开埃及,伊ná亲 像有 看tio̍h人所 看bē-tio̍h ê上 主,坚 持到底,m̄肯倒tńg去。28他有信心chiah来设立Pôaⁿ过 节,吩 咐家家户户tio̍h hiù血tòa门 里,免 得hō͘剿 灭 者thâi死以色列 人ê大kiáⁿ。29以色列 人有信心,chiah ē-tàng过红 海ná亲 像teh行干地,埃及 人mā想beh行 过soah hō͘水淹死。30以色列 人se̍h耶利哥城七 日久,因为有信心,城 墙就倒落去。31妓女Lat-ha̍p因为有信心chiah好 款 待密 探,所以无kah hiah-ê无顺 服上 主ê人做伙灭 亡。32我kám tio̍h koh讲?我无时间thang提 起基甸、Pa-la̍k、参 孙、Iâ-hut-tha、大卫、撒母耳kah众 先 知ê tāi-chì。33 Chiah-ê人靠信 心thâi赢列 国,in做公 义ê tāi-chì来领受上 主ê应允,in kā狮ê嘴封 密,34 phah-hoa烈 火,闪 避利刀ê杀 害,弱势成 做强 势,tī战 场勇 猛,攻 破外 国ê军 队。35有kóa妇人 人óa靠信 心,接in hiah-ê tùi死koh活ê亲 人,mā有kóa人 为tio̍h khah好ê koh活soah m̄愿受 赎 回,甘 愿受酷 刑来死。36 Koh有kóa人受戏弄、鞭phah,mā有人受 捆 缚关 监。37 Koh有人hō͘人用 石 头tìm,用锯á锯,用刀thâi死。In穿绵羊á是山羊ê皮,四界奔 波,忍 受sàn-chhiah、患 难kah虐 待。38 Chiah-ê人看 破世间,tī旷 野、山 岭、石 洞á是地穴四界流 浪。39 Chiah-ê人óa靠in ê信 心,有得tio̍h上 主ê认 定,m̄-koh无领受 上 主所应允.ê。40因为上 主kā咱安排koh-khah好ê计画,上 主ê旨意就是,chiah-ê人tio̍h kah咱 做伙chiah ē-tàng完 全实 现。